Sukhbir Badal News: ਸੁਖਬੀਰ ਨੇ ਦਲਿਤਾਂ ਨੂੰ ਚੁਣ-ਚੁਣ ਕੇ ਖੂੰਜੇ ਲਾਇਆ : ਜਸਟਿਸ ਨਿਰਮਲ ਸਿੰਘ
Published : Jun 24, 2024, 7:49 am IST
Updated : Jun 24, 2024, 7:49 am IST
SHARE ARTICLE
Sukhbir cornered Dalits selectively, says Justice Nirmal Singh
Sukhbir cornered Dalits selectively, says Justice Nirmal Singh

ਉਨ੍ਹਾਂ ਕਿਹਾ ਕਿ ਸ਼੍ਰੋਮਣੀ ਅਕਾਲੀ ਦਲ ਗੁਰੂ ਗ੍ਰੰਥ ਸਾਹਿਬ ਦੇ ਦਿਤੇ ਸਿਧਾਂਤ ਨੂੰ ਮੰਨ ਕੇ ਚਲਣ ਵਾਲੀ ਪਾਰਟੀ ਸੀ

Sukhbir Badal News ਫ਼ਤਿਹਗੜ੍ਹ ਸਾਹਿਬ (ਜੀ.ਐੱਸ. ਰੁਪਾਲ) : ਸ਼੍ਰੋਮਣੀ ਅਕਾਲੀ ਦਲ ਦੀ ਮੌਜੂਦਾ ਸਥਿਤੀ ’ਤੇ ਵਿਚਾਰ ਪੇਸ਼ ਕਰਦਿਆਂ ਦਲ ਦੇ ਸੀਨੀਅਰ ਆਗੂ ਅਤੇ ਸਾਬਕਾ ਵਿਧਾਇਕ ਜਸਟਿਸ ਨਿਰਮਲ ਸਿੰਘ ਨੇ ਕਿਹਾ ਹੈ ਕਿ ਸ਼੍ਰੋਮਣੀ ਅਕਾਲੀ ਦਲ ਕਿਸੇ ਸਮੇਂ ਕਿਰਤੀ ਜਮਾਤ ਦੀ ਪਾਰਟੀ ਸੀ। ਇਸ ਪਾਰਟੀ ਅੰਦਰ ਦਲਿਤਾਂ ਅਤੇ ਪਛੜੀਆਂ ਸ਼੍ਰੇਣੀਆਂ ਦੇ ਲੋਕਾਂ ਦੀ ਬਹੁਤਾਤ ਸੀ ਪਰ ਜਿਉਂ ਹੀ ਇਸ ਦੀ ਵਾਗਡੋਰ ਸੁਖਬੀਰ ਪ੍ਰਵਾਰ ਦੇ ਹੱਥ ਆਈ, ਇਨ੍ਹਾਂ ਨੇ ਚੁਣ-ਚੁਣ ਕੇ ਸ਼੍ਰੋਮਣੀ ਅਕਾਲੀ ਦਲ ਅੰਦਰ ਦਲਿਤਾਂ ਅਤੇ ਪਛੜੀਆਂ ਸ਼੍ਰੇਣੀਆਂ ਦੇ ਟਕਸਾਲੀ ਪ੍ਰਵਾਰਾਂ ਨੂੰ ਬਾਹਰ ਹੀ ਨਹੀਂ ਧੱਕਿਆ ਸਗੋਂ ਦਲ ਦੀ ਸਿਆਸਤ ਵਿਚੋਂ ਵੀ ਮਨਫ਼ੀ ਕਰ ਦਿਤਾ।

ਉਨ੍ਹਾਂ ਕਿਹਾ ਕਿ ਸ਼੍ਰੋਮਣੀ ਅਕਾਲੀ ਦਲ ਗੁਰੂ ਗ੍ਰੰਥ ਸਾਹਿਬ ਦੇ ਦਿਤੇ ਸਿਧਾਂਤ ਨੂੰ ਮੰਨ ਕੇ ਚਲਣ ਵਾਲੀ ਪਾਰਟੀ ਸੀ, ਪਰ ਇਕ ਪ੍ਰਵਾਰ ਦੀ ਸਰਪ੍ਰਸਤੀ ਨੇ ਇਸ ਪਾਰਟੀ ਅੰਦਰ ਗੁਰੂ ਆਸ਼ੇ ਨੂੰ ਹੀ ਮਨਫ਼ੀ ਨਹੀਂ ਕੀਤਾ ਸਗੋਂ ਰਜਵਾੜਿਆਂ ਤੇ ਜਗੀਰਦਾਰਾਂ ਦੀ ਪਾਰਟੀ ਬਣਾ ਕੇ ਰੱਖ ਦਿਤਾ ਜਿਸ ਦੀ ਬਦੌਲਤ ਦਲਿਤ ਤੇ ਪਛੜੇ ਲੋਕ ਹੌਲੀ-ਹੌਲੀ ਪਾਰਟੀ ’ਤੋਂ ਦੂਰ ਹੋ ਗਏ। ਅੱਜ ਇਹ 34 ਫ਼ੀ ਸਦੀ ਦਲਿਤ ਇਸ ਪਾਰਟੀ ਤੋਂ ਬਾਹਰ ਹੋ ਗਏ ਜੋ ਦਲਿਤ ਟਕਸਾਲੀ ਪ੍ਰਵਾਰ ਜਿਹੜੇ ਕਿਸੇ ਸਮੇਂ ਪਾਰਟੀ ਦੀ ਮੋਹਰੀ ਭੂਮਿਕਾ ਨਿਭਾਉਂਦੇ ਸਨ। ਉਨ੍ਹਾਂ ਕਿਹਾ ਕਿ ਚਾਹੇ ਉਹ ਜੇਲਾਂ ਕੱਟਣ ਦਾ ਸਮਾਂ ਹੋਵੇ ਜਾਂ ਕੁਰਬਾਨੀਆਂ ਦਾ ਸਮਾਂ ਹੋਵੇ, ਉਨ੍ਹਾਂ ਦਲਿਤਾਂ ਨੇ ਕਦੇ ਵੀ ਸ਼੍ਰੋਮਣੀ ਅਕਾਲੀ ਦਲ ਤੋਂ ਪਿੱਠ ਨਹੀਂ ਵਿਖਾਈ ਪਰ ਅੱਜ ਉਹ ਪ੍ਰਵਾਰ ਹਾਸ਼ੀਏ ’ਤੇ ਕਰ ਦਿਤੇ ਗਏ ਹਨ।

ਜਸਟਿਸ ਨਿਰਮਲ ਸਿੰਘ ਨੇ ਕਿਹਾ ਕਿ ਸ਼੍ਰੋਮਣੀ ਅਕਾਲੀ ਦਲ ਸਿੱਖਾਂ ਦੀ  ਨੁਮਾਇੰਦਾ ਜਮਾਤ ਹੈ ਪੰਥ ਅਤੇ ਪੰਜਾਬ ਦੀ ਮਜਬੂਤੀ ਲਈ ਸ਼੍ਰੋਮਣੀ ਅਕਾਲੀ ਦਲ ਦਾ ਮਜਬੂਤ ਹੋਣਾ ਬਹੁਤ ਲਾਜ਼ਮੀ ਤੇ ਜ਼ਰੂਰੀ ਹੈ ਪਰ ਇਹ ਅਕਾਲੀ ਦਲ ਉਂਨੀ ਦੇਰ ਤਕ ਮਜਬੂਤ ਨਹੀਂ ਹੋ ਸਕਦਾ, ਜਿੰਨੀ ਦੇਰ ਤਕ ਇਸ ਨੂੰ ਇਨ੍ਹਾਂ ਸਰਮਾਏਦਾਰ ਜਗੀਰਦਾਰਾਂ ਦੀ ਜਕੜ ’ਚੋਂ ਬਾਹਰ ਕੱਢ ਕੇ ਉਨ੍ਹਾਂ ਕਿਰਤੀ ਲੋਕਾਂ ਦੇ ਸਪੁਰਦ ਨਹੀਂ ਕਰ ਦਿਤਾ ਜਾਂਦਾ, ਜਿਨ੍ਹਾਂ ਨੇ ਇਸ ਪਾਰਟੀ ਨੂੰ ਖ਼ੂਨ ਪਸੀਨੇ ਨਾਲ ਸਿੰਜਿਆ।

 (For more Punjabi news apart from Sukhbir cornered Dalits selectively, says Justice Nirmal Singh, stay tuned to Rozana Spokesman)

 

Location: India, Punjab

SHARE ARTICLE

ਏਜੰਸੀ

ਸਬੰਧਤ ਖ਼ਬਰਾਂ

Advertisement

ਪੈਣ ਜਾ ਰਿਹਾ ਪੰਜਾਬ 'ਚ ਭਾਰੀ ਮੀਂਹ! ਹੁਣੇ-ਹੁਣੇ ਮੌਸਮ ਵਿਭਾਗ ਨੇ ਕਰ ਦਿੱਤੀ ਭਵਿੱਖਵਾਣੀ!

23 Jul 2024 2:04 PM

ਪੈਣ ਜਾ ਰਿਹਾ ਪੰਜਾਬ 'ਚ ਭਾਰੀ ਮੀਂਹ! ਹੁਣੇ-ਹੁਣੇ ਮੌਸਮ ਵਿਭਾਗ ਨੇ ਕਰ ਦਿੱਤੀ ਭਵਿੱਖਵਾਣੀ!

23 Jul 2024 2:02 PM

ਬੱਚੇ ਨੂੰ ਬਚਾਉਣ ਲਈ ਤੇਂਦੂਏ ਨਾਲ ਭਿੜ ਗਈ ਬਹਾਦਰ ਮਾਂ, ਕੱਢ ਲਿਆਈ ਮੌ+ਤ ਦੇ ਮੂੰਹੋਂ, ਚਸ਼ਮਦੀਦਾਂ ਨੇ ਦੱਸਿਆ ਸਾਰੀ ਗੱਲ !

23 Jul 2024 1:58 PM

ਇੰਗਲੈਂਡ ਦੇ ਗੁਰੂ ਘਰ 'ਚੋਂ ਗੋਲਕ ਚੋਰੀ ਕਰਨ ਦੀਆਂ CCTV ਤਸਵੀਰਾਂ ਆਈਆਂ ਸਾਹਮਣੇ, ਦੇਖੋ LIVE

23 Jul 2024 1:53 PM

Today Punjab News: 15 ਤੋਂ 20 ਮੁੰਡੇ ਵੜ੍ਹ ਗਏ ਖੇਤ ਚ ਕਬਜ਼ਾ ਕਰਨ!, ਵਾਹ ਦਿੱਤੀ ਫ਼ਸਲ, ਭੰਨ ਤੀ ਮੋਟਰ, ਨਾਲੇ ਬਣਾਈ

23 Jul 2024 1:48 PM
Advertisement