Fraud News: ਬਜ਼ੁਰਗ ਦੀ ਮਦਦ ਕਰਨ ਦੇ ਬਹਾਨੇ ਉਸ ਨਾਲ ਪੈਸੇ ਦੀ ਠੱਗੀ ਮਾਰ ਕੇ ਫ਼ਰਾਰ ਹੋਇਆ ਵਿਅਕਤੀ  

Fraud News:  ਮੋਹਾਲੀ ਦੇ ਸਿਵਲ ਹਸਪਤਾਲ ’ਚ ਧੋਖਾਧੜੀ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਇਥੇ ਇਕ ਬਜ਼ੁਰਗ ਨੂੰ ਡਾਕਟਰ ਦੱਸ ਕੇ ਠੱਗੀ ਮਾਰੀ ਗਈ ਹੈ। ਮੁਲਜ਼ਮ ਬਜ਼ੁਰਗ ਤੋਂ 20 ਹਜ਼ਾਰ ਰੁਪਏ ਲੈ ਕੇ ਫ਼ਰਾਰ ਹੋ ਗਿਆ। ਇਸ ਸਬੰਧੀ ਪੁਲਿਸ ਨੂੰ ਸ਼ਿਕਾਇਤ ਦੇ ਦਿਤੀ ਗਈ ਹੈ। ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ। ਸੈਕਟਰ-56 ਦੇ ਰਹਿਣ ਵਾਲੇ ਈਸ਼ਵਰ ਦੱਤ ਨੂੰ ਧੋਖਾਧੜੀ ਦਾ ਸ਼ਿਕਾਰ ਬਣਾਇਆ ਗਿਆ ਹੈ। ਉਹ ਈਸੀਜੀ ਕਰਵਾਉਣ ਲਈ ਸਿਵਲ ਹਸਪਤਾਲ ਆਇਆ ਸੀ।

ਪੜ੍ਹੋ  ਇਹ ਖ਼ਬਰ :  Panthak News: ਪ੍ਰਦੀਪ ਕਲੇਰ ਦੇ ਬਿਆਨ ਬਾਰੇ ਅਪਣਾ ਸਪਸ਼ਟੀਕਰਨ ਦੇਣ ਸੁਖਬੀਰ ਸਿੰਘ ਬਾਦਲ : ਜਸਟਿਸ ਨਿਰਮਲ ਸਿੰਘ

ਇਹ ਘਟਨਾ ਸਿਵਲ ਹਸਪਤਾਲ ਵਿਚ ਲੱਗੇ ਸੀਸੀਟੀਵੀ ਕੈਮਰੇ ਵਿਚ ਕੈਦ ਹੋ ਗਈ ਹੈ। ਸੀਸੀਟੀਵੀ ਵਿਚ ਠੱਗ ਦੀ ਫ਼ੋਟੋ ਸਾਫ਼ ਦਿਖਾਈ ਦੇ ਰਹੀ ਹੈ ਪਰ ਹਾਲੇ ਤਕ ਉਸ ਦਾ ਕੋਈ ਸੁਰਾਗ ਨਹੀਂ ਮਿਲਿਆ ਹੈ। ਪੁਲਿਸ ਨੇ ਸੀਸੀਟੀਵੀ ਫੁਟੇਜ ਆਪਣੇ ਕੋਲ ਲੈ ਲਈ ਹੈ ਅਤੇ ਮੁਲਜ਼ਮਾਂ ਦੀ ਭਾਲ ਜਾਰੀ ਹੈ।

ਪੜ੍ਹੋ  ਇਹ ਖ਼ਬਰ :   Australia News: ਆਸਟਰੇਲੀਆ ਦਾ ਅਰਾਈਵਲ ਕਾਰਡ ਹਾਈਟੈੱਕ ਹੋ ਕੇ ਬਣੇਗਾ ਆਈ.ਪੀ. ਸੀ.

ਪੀੜਤ ਈਸ਼ਵਰ ਦੱਤ ਸ਼ਰਮਾ ਨੇ ਦਸਿਆ ਕਿ ਉਹ ਅੱਜ ਹਸਪਤਾਲ ਵਿੱਚ ਈਸੀਜੀ ਕਰਵਾਉਣ ਆਇਆ ਸੀ। ਈਸੀਜੀ ਲਈ ਪਰਚੀ ਲੈਣ ਤੋਂ ਬਾਅਦ ਹਾਲੇ ਖੜਾ ਹੋਇਆ ਸੀ ਕਿ ਉਦੋਂ ਹੀ ਇੱਕ ਵਿਅਕਤੀ ਉਥੇ ਆਇਆ। ਉਸ ਨੇ ਅਪਣੀ ਜਾਣ-ਪਛਾਣ ਡਾਕਟਰ ਸ਼ਰਮਾ ਵਜੋਂ ਕਰਵਾਈ। ਠੱਗ ਨੇ ਬਜ਼ੁਰਗ ਨੂੰ ਪੁੱਛਿਆ ਕਿ ਕੀ ਉਹ ਕੋਈ ਟੈਸਟ ਕਰਵਾਉਣਾ ਚਾਹੁੰਦਾ ਹੈ ਤਾਂ ਬਜ਼ੁਰਗ ਈਸ਼ਵਰ ਦੱਤ ਨੇ ਕਿਹਾ ਕਿ ਉਹ ਈਸੀਜੀ ਕਰਵਾਉਣ ਆਇਆ ਹੈ।

ਉਨ੍ਹਾਂ ਕਿਹਾ ਕਿ ਉਹ ਉਨ੍ਹਾਂ ਦੀ ਈਸੀਜੀ ਕਰਵਾ ਦੇਵੇਗਾ ਪਰ ਉਨ੍ਹਾਂ ਨੂੰ ਕੁੱਝ ਦੇਰ ਉਡੀਕ ਕਰਨੀ ਪਵੇਗੀ ਕਿਉਂਕਿ ਔਰਤਾਂ ਦੀ ਈਸੀਜੀ ਅੰਦਰ ਚਲ ਰਹੀ ਹੈ। ਠੱਗ ਬਜ਼ੁਰਗ ਨੂੰ ਈਸੀਜੀ ਕਮਰੇ ਵਿਚ ਲੈ ਗਿਆ। ਫਿਰ ਉਹ ਅੰਦਰੋਂ ਕੋਟਨ ਲੈ ਆਇਆ। ਇਸ ਤੋਂ ਬਾਅਦ ਉਸ ਨੂੰ ਪੁੱਛਿਆ ਗਿਆ ਕਿ ਕੀ ਉਸ ਕੋਲ 500-500 ਰੁਪਏ ਦੇ ਨੋਟ ਹਨ। ਤਾਂ ਬਜ਼ੁਰਗ ਨੇ ਜਵਾਬ ਦਿਤਾ ਕਿ ਉਸ ਕੋਲ 20 ਹਜ਼ਾਰ ਰੁਪਏ, 500-500 ਦੇ  ਨੋਟ ਹਨ।

ਪੜ੍ਹੋ  ਇਹ ਖ਼ਬਰ :   Gold Price News: ਅਗਸਤ ਮਹੀਨਾ ਚੜ੍ਹਦੇ ਹੀ ਮਹਿੰਗੇ ਹੋਏ ਸੋਨਾ-ਚਾਂਦੀ

ਉਸ ਨੇ ਕਿਹਾ ਮੈਨੂੰ ਇਹ ਨੋਟ ਦੇ ਦਿਉ ਮੈਂ ਤੁਹਾਨੂੰ ਵੱਡੇ ਨੋਟ ਦੇਵਾਂਗਾ। ਉਸ ਨੇ ਦਲੀਲ ਦਿਤੀ ਕਿ ਸ਼ਰਮਾ ਡਾਕਟਰ ਹੈ, ਉਸ ’ਤੇ ਭਰੋਸਾ ਕਰੋ। ਇਸ ਤੋਂ ਬਾਅਦ ਉਸ ਨੇ ਉਨ੍ਹਾਂ ਨੂੰ ਪੈਸੇ ਦੇ ਦਿਤੇ। ਇਸ ਤੋਂ ਬਾਅਦ ਬਜ਼ੁਰਗ ਉਸ ਠੱਗ ’ਤੇ ਭਰੋਸਾ ਕਰਦਾ ਰਿਹਾ। ਨਾਲ ਹੀ ਉਸ ਨੂੰ ਕਿਹਾ ਕਿ ਮੈਂ ਤੁਹਾਡਾ ਈਸੀਜੀ ਬਾਅਦ ਵਿਚ ਕਰਾਂਗਾ, ਪਹਿਲਾਂ ਅਪਣੇ ਖ਼ੂਨ ਦਾ ਸੈਂਪਲ ਦਿਓ। ਇਸ ਤੋਂ ਬਾਅਦ ਖ਼ੂਨ ਦੇ ਸੈਂਪਲ ਰੂਮ ਵਿਚ ਲਿਆਂਦਾ ਗਿਆ। ਇਸ ਤੋਂ ਬਾਅਦ ਉਸ ਨੂੰ ਹੈਲਮੇਟ ਲਾਹ ਕੇ ਉਥੇ ਆਉਣ ਲਈ ਕਿਹਾ ਗਿਆ। ਇਸ ਤੋਂ ਬਾਅਦ ਠੱਗ ਮੌਕੇ ਦਾ ਫ਼ਾਇਦਾ ਉਠਾ ਕੇ ਫ਼ਰਾਰ ਹੋ ਗਿਆ।

ਤਾਜ਼ਾ ਅਪਡੇਟਸ ਲਈ ਸਾਡੇ Whatsapp Broadcast Channel ਨਾਲ ਜੁੜੋ।

ਬਜ਼ੁਰਗ ਈਸ਼ਵਰ ਦੱਤ ਨੇ ਦਸਿਆ ਕਿ ਜਦੋਂ ਉਹ ਈਸੀਜੀ ਰੂਮ ਵਿਚ ਪਹੁੰਚਿਆ ਅਤੇ ਡਾਕਟਰ ਸ਼ਰਮਾ ਬਾਰੇ ਪੁੱਛਿਆ ਤਾਂ ਸਟਾਫ਼ ਨੇ ਉਨ੍ਹਾਂ ਨੂੰ ਦਸਿਆ ਕਿ ਉਨ੍ਹਾਂ ਦੇ ਹਸਪਤਾਲ ਵਿਚ ਕੋਈ ਡਾਕਟਰ ਸ਼ਰਮਾ ਨਹੀਂ ਹੈ। ਬਜ਼ੁਰਗ ਨੂੰ ਉਦੋਂ ਅਹਿਸਾਸ ਹੋਇਆ ਕਿ ਉਸ ਨਾਲ ਧੋਖਾ ਹੋਇਆ ਹੈ।

(For more Punjabi news apart from 20,000 cheated from an elderly person by pretending to be a doctor in a civil hospital, stay tuned to Rozana Spokesman)