ਪਰਵਾਰ ਨੂੰ 60,400 ਰੁਪਏ ਦੀ ਨਕਦ ਸਹਾਇਤਾ ਭੇਟ ਕੀਤੀ
ਨੂਰਪੁਰਬੇਦੀ (ਬਲਵਿੰਦਰ ਸਿੰਘ ਬੰਟੀ, ਜਸਵਿੰਦਰ ਸਿੰਘ ਬੈਂਸ): ਬੀਤੇ ਦਿਨੀਂ ਨਜ਼ਦੀਕੀ ਪਿੰਡ ਕੋਲਾਪੁਰ ਦੇ ਜਿਸ ਲੋੜਵੰਦ ਪਰਵਾਰ ਲਈ ਦੀ ਖ਼ਬਰ 'ਅਦਾਰਾ ਸਪੋਕਸਮੈਨ' ਨੇ ਪ੍ਰਮੁੱਖਤਾ ਨਾਲ ਛਾਪੀ ਸੀ, ਨੂੰ ਪੜ੍ਹ ਕੇ ਜਿਥੇ ਅਦਾਰੇ ਦੇ ਪਾਠਕਾਂ ਨੇ ਪਰਵਾਰ ਦੀ ਵਿੱਤੀ ਸਹਾਇਤਾ ਕੀਤੀ ਉਥੇ ਅਦਾਰੇ ਦੇ ਜ਼ਿਲ੍ਹਾ ਰੂਪਨਗਰ ਦੇ ਪ੍ਰਤੀਨਿਧਾਂ ਨੇ ਅਪਣੇ ਅਤੇ ਸਹਿਯੋਗੀਆਂ ਦੁਆਰਾ, ਪਰਵਾਰ ਨੂੰ 60,400 ਰੁਪਏ ਦੀ ਨਕਦ ਸਹਾਇਤਾ ਭੇਟ ਕੀਤੀ ਗਈ।
ਵਰਨਣਯੋਗ ਹੈ ਕਿ ਇਸ ਪਰਵਾਰ ਦੇ ਇਕੋ ਇਕ ਕਮਾਊ ਬਲਜੀਤ ਸਿੰਘ ਜੋ ਕਿ ਡਰਾਇਵਰੀ ਕਰ ਕੇ ਅਪਣੇ ਪਰਵਾਰ ਨੂੰ ਪਾਲਦਾ ਸੀ, ਦੇ ਦੋਨੋ ਗੁਰਦੇ ਖ਼ਰਾਬ ਹੋ ਗਏ ਸਨ। ਪਿਉ ਦਾ ਜੀਵਨ ਬਚਾਉਣ ਲਈ, ਪੀੜਤ ਦੀ ਵੱਡੀ ਬੇਟੀ ਨੇ ਮਿਸਾਲੀ ਫ਼ੈਸਲਾ ਲੈਂਦਿਆਂ, ਅਪਣਾ ਇਕ ਗੁਰਦਾ ਅਪਣੇ ਪਿਉ ਨੂੰ ਦੇਣ ਦੀ ਹਾਮੀ ਭਰ ਦਿਤੀ ਸੀ।
ਲੁੜੀਂਦੇ ਜਾਬਤੇ ਕਰਨ ਤੋਂ ਬਾਅਦ ਪਿਉ ਧੀ ਦਾ ਮੁਹਾਲੀ ਦੇ ਇਕ ਪ੍ਰਸਿੱਧ ਹਸਪਤਾਲ ਵਿਚ ਉਪਰੇਸ਼ਨ ਹੋਇਆ। ਦੋਵੇਂ ਅਪਰੇਸ਼ਨ ਵੱਡੇ ਸਨ ਜਿਸ ਕਾਰਨ ਅਜੇ ਤਕ, ਪਿਉ ਧੀ ਨੂੰ ਡਾਕਟਰੀ ਨਿਗਰਾਨੀ ਵਿਚ ਰੱਖਿਆ ਗਿਆ ਹੈ। ਅਦਾਰਾ ਸਪੋਕਸਮੈਨ ਦੇ ਪ੍ਰਤੀਨਿਧ, ਪ੍ਰਭਾਵਤ ਪਰਵਾਰ ਵਿਚ ਪਹੁੰਚੇ ਅਤੇ ਸਪੋਕਸਮੈਨ ਪਰਵਾਰ ਵਲੋਂ, ਜ਼ਿਲਾ ਇੰਚਾਰਜ ਸ: ਸਵਰਨ ਸਿੰਘ ਭੰਗੂ ਦਆਰਾ, ਪਰਵਾਰ ਦੀ ਮੁਖੀ ਸ੍ਰੀਮਤੀ ਮਨਜੀਤ ਕੌਰ ਨੂੰ, ਅਪਣਾ ਮਨੁੱਖੀ ਫ਼ਰਜ਼ ਸਮਝਦਿਆਂ ਉਕਤ ਰਾਸ਼ੀ ਭੇਟ ਕੀਤੀ।
ਇਸ ਮੌਕੇ ਅਦਾਰੇ ਵਲੋਂ ਪਰਵਾਰ ਦੇ ਇਲਾਜ ਅਧੀਨ ਮੈਂਬਰਾਂ ਦੇ ਛੇਤੀ ਰਾਜ਼ੀ ਹੋਣ ਦੀ ਕਾਮਨਾ ਵੀ ਕੀਤੀ ਗਈ। ਇਸ ਮੌਕੇ ਪਿੰਡ ਦੇ ਸਰਪੰਚ ਸ ਹਰਕੇਤ ਸਿੰਘ ਨੇ ਇਸ ਦਿਆਲਤਾ ਬਦਲੇ 'ਸਪੋਕਸਮੈਨ' ਟੀਮ ਦਾ ਧਨਵਾਦ ਕੀਤਾ। ਇਸ ਮੌਕੇ ਕੁਲਵਿੰਦਰ ਸਿੰਘ ਬਰਾਰੀ, ਅਜਮੇਰ ਸਿੰਘ ਲੌਦੀ ਮਾਜਰਾ, ਜਗਤਾਰ ਸਿੰਘ ਜੱਗਾ, ਜੰਗ ਬਾਹਾਦਰ ਸਿੰਘ ਕੀਰਤਪੁਰ ਸਾਹਿਬ ਅਤੇ ਦਪੀਪ ਸਿੰਘ ਲੌਦੀ ਮਾਜਰਾ ਮੌਜੂਦ ਸਨ।