ਕਰੋਨਾ ਵਾਇਰਸ ਦੇ ਪ੍ਰਭਾਵ ਤੋਂ ਬਚਣ ਲਈ ਜਿਥੇ ਪ੍ਰਸ਼ਾਸ਼ਨ ਆਪਣੇ ਪੱਧਰ ਤੇ ਲੋਕਾਂ ਨੂੰ ਘਰਾਂ ਵਿਚ ਰਹਿਣ ਦੀ ਅਪੀਲ ਕਰ ਰਿਹਾ ਹੈ
ਕਰੋਨਾ ਵਾਇਰਸ ਦੇ ਪ੍ਰਭਾਵ ਤੋਂ ਬਚਣ ਲਈ ਜਿਥੇ ਪ੍ਰਸ਼ਾਸ਼ਨ ਆਪਣੇ ਪੱਧਰ ਤੇ ਲੋਕਾਂ ਨੂੰ ਘਰਾਂ ਵਿਚ ਰਹਿਣ ਦੀ ਅਪੀਲ ਕਰ ਰਿਹਾ ਹੈ ਉਥੇ ਹੀ ਅੱਜ ਇਕ ਪਿੰਡ ਦੇ ਗੁਰਦੁਆਰੇ ਵਿਚ ਵੀ ਲੋਕਾਂ ਨੂੰ ਕਰੋਨਾ ਤੋਂ ਬਚਣ ਲਈ ਸਖਤ ਹਦਾਇਤਾਂ ਕਰਨ ਲਈ ਅਨਾਊਂਸਮੈਂਟ ਕੀਤੀ ਗਈ ਜਿਸ ਵਿਚ ਕਿਹਾ ਕਿ ਜੇਕਰ ਪ੍ਰਸ਼ਾਸਨ ਸਾਡੇ ਤੇ ਸਖਤੀ ਕਰ ਰਿਹਾ ਹੈ ਤਾਂ ਉਹ ਸਾਡੇ ਭਲੇ ਲਈ ਹੀ ਕਰ ਰਿਹਾ ਹੈ।
ਕਿਉਕਿ ਜੇਕਰ ਤੁਸੀਂ ਪੁਲਿਸ ਦੇ ਡੰਡਿਆਂ ਦੇ ਡਰ ਨਾਲ ਨਾ ਮੰਨੇ ਅਤੇ ਆਪਣੇ ਘਰਾਂ ਵਿਚ ਨਾਂ ਬੈਠੇ ਤਾ ਤੁਹਾਨੂੰ ਆਪਣੀ ਜਾਨ ਤੋਂ ਵੀ ਹੱਥ ਧੋਣਾ ਹੈ ਸਕਦਾ ਹੈ। ਇਸ ਤੋਂ ਇਲਾਵਾ ਭਾਈ ਜੀ ਨੇ ਪਿੰਡ ਦੇ ਬਜੁਰਗ ਲੋਕਾਂ ਨੂੰ ਪੁਰਾਣਾ 1984 ਅਤੇ 1993 ਦੇ ਕਰਫਿਊ ਬਾਰੇ ਯਾਦ ਕਰਵਾਉਂਦਿਆਂ ਕਿਹਾ ਕਿ ਉਸ ਸਮੇਂ ਵੀ ਅਸੀਂ ਕਰਫਿਊ ਦੌਰਾਨ ਘਰਾਂ ਅੰਦਰ ਹੀ ਰਹਿੰਦੇ ਸੀ ਕਿਉਕਿ ਸਮੇਂ ਦੇ ਡਰ ਕਾਰਨ ਹੀ ਸਾਨੂੰ ਉਸ ਸਮੇਂ ਘਰ ਅੰਦਰ ਰਹਿਣਾ ਪੈਂਦਾ ਸੀ।
ਪਰ ਹੁਣ ਅਸੀ ਇੰਟਰਨੈਂਟ ਉਪਰ ਇਸ ਭਿਆਨਕ ਵਾਇਰਸ ਦੇ ਸਿੱਟੇ ਦੇਖਣ ਦੇ ਬਾਵਜੂਦ ਵੀ ਇਸ ਨੂੰ ਹਲਕੇ ਵਿਚ ਲੈ ਰਹੇ ਹਾਂ। ਇਸ ਤੋਂ ਇਲਾਵਾ ਇਨ੍ਹਾਂ ਬੇਨਤੀਆਂ ਤੋਂ ਇਲਾਵਾ ਭਾਈ ਜੀ ਨੇ ਉਨ੍ਹਾਂ ਲੋਕਾਂ ਤੇ ਵੀ ਝਾੜ ਪਾਈ ਹੈ ਜਿਹੜੇ ਲੋਕ ਵੱਖ-ਵੱਖ ਸੰਸਥਾਵਾਂ ਵੱਲ਼ੋਂ ਦਿੱਤੇ ਜਾਂਦੇ ਰਾਸ਼ਨ ਨੂੰ ਬਾਰ-ਬਾਰ ਆਪਣੇ ਘਰ ਵਿਚ ਜਮ੍ਹਾਂ ਕਰਨ ਵਿਚ ਲੱਗੇ ਹੋਏ ਹਨ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।