ਪਿੰਡ ਕੁਲਾਰਾਂ ਜ਼ਿਲ੍ਹਾ ਸੰਗਰੂਰ ਵਿਖੇ ਗਰੀਬਾਂ ਦੇ ਕੱਟੇ ਬਿਜਲੀ ਕੁਨੈਂਕਸ਼ਨ ਜੋੜੇ
ਸੰਗਰੂਰ:-ਮਜ਼ਦੂਰ ਮੁਕਤੀ ਮੋਰਚਾ ਪੰਜਾਬ ਤੇ ਸੀ ਪੀ ਆਈ (ਐਮ ਐਲ) ਲਿਬਰੇਸ਼ਨ ਦੀ ਅਗਵਾਈ 'ਚ ਸਰਕਾਰ ਵੱਲੋਂ ਗਰੀਬਾਂ ਨੂੰ ਭੇਜੇ ਘਰੇਲੂ ਬਿਜਲੀ ਬਿੱਲ ਅਤੇ ਬਿੱਲ ਨਾ ਭਰ ਸਕੇ ਗਰੀਬਾਂ ਦੇ ਕੱਟੇ ਮੀਟਰਾਂ ਦੇ ਖਿਲਾਫ਼ ਰੋਸ ਰੈਲੀ ਕੀਤੀ ਅਤੇ ਪਿੰਡ ਕੁਲਾਰਾਂ ਵਿਖੇ 4 ਗਰੀਬ ਪਰਿਵਾਰਾਂ ਦੇ ਕੱਟੇ ਮੀਟਰ ਕੁਨੈਕਸ਼ਨਾਂ ਨੂੰ ਜੋੜ ਕੇ ਗਰੀਬਾਂ ਦੇ ਘਰਾਂ ਵਿੱਚ ਚਾਨਣ ਕੀਤਾ ਅਤੇ ਐਲਾਨ ਕੀਤਾ ਕਿ ਕੈਪਟਨ ਸਰਕਾਰ ਚੋਣ ਵਾਅਦੇ ਮੁਤਾਬਕ ਬਿਜਲੀ ਰੇਟ ਅੱਧੇ ਕਰੇ ਅਤੇ ਬਿਜਲੀ ਮੀਟਰ ਪੁਟਣੇ ਬੰਦ ਕੀਤੇ ਜਾਣ ਨਹੀਂ ਤਾਂ ਸਰਕਾਰ ਦੇ ਖਿਲਾਫ਼ ਤਿੱਖਾ ਸੰਘਰਸ਼ ਕੀਤੇ ਜਾਣਗੇ।
picture
ਇਸ ਸਮੇਂ ਰੈਲੀ ਨੂੰ ਸੰਬੋਧਨ ਕਰਦੇ ਮਜ਼ਦੂਰ ਮੁਕਤੀ ਮੋਰਚਾ ਪੰਜਾਬ ਦੇ ਸੂਬਾ ਮੀਤ ਪ੍ਰਧਾਨ ਤੇ ਲਿਬਰੇਸ਼ਨ ਆਗੂ ਕਾਮਰੇਡ ਗੋਬਿੰਦ ਸਿੰਘ ਛਾਜ਼ਲੀ ਨੇ ਕਿਹਾ ਕਿ ਕੈਪਟਨ ਸਰਕਾਰ ਨੇ ਚੋਣਾਂ ਸਮੇਂ ਆਪਣੇ ਚੋਣ ਵਾਅਦਿਆ ਵਿੱਚ ਮੁੱਖ ਵਾਅਦਾ ਪੰਜਾਬ ਅੰਦਰ ਬਿਜਲੀ ਰੇਟ ਅੱਧੇ ਕਰਨ ਦਾ ਕੀਤਾ ਸੀ।ਪਰ ਆਪਣੇ ਰਾਜਕਾਲ ਦੌਰਾਨ ਘਰੇਲੂ ਬਿਜਲੀ ਰੇਟਾਂ ਵਿੱਚ ਲਗਾਤਾਰ ਵਾਅਦਾ ਕੀਤਾ ਗਿਆ।ਜਿਸ ਦੇ ਨਤੀਜੇ ਵਜੋਂ ਅੱਜ ਕੈਪਟਨ ਸਰਕਾਰ ਕਾਰਖਾਨਿਆਂ ਅਤੇ ਉਦਯੋਗਪਤੀਆਂ ਨੂੰ 5 ਰੁਪਏ ਪ੍ਰਤੀ ਯੂਨਿਟ ਬਿਜਲੀ ਦੇ ਰਹੀ ਹੈ
Pm modi , Captian Amrinder singh
ਪਰ ਘਰੇਲੂ ਬਿਜਲੀ 10 ਰੁਪਏ ਯੂਨਿਟ ਲਗਾ ਕੇ ਗਰੀਬਾਂ ਨੂੰ ਲੁੱਟ ਰਹੀ ਹੈ।ਉਹਨਾਂ ਕਿਹਾ ਕਿ ਲੌਕਡਾਊਨ ਦੇ ਕਾਰਨ ਬੇਰੁਜ਼ਗਾਰ ਹੋਏ ਗਰੀਬਾਂ ਨੂੰ ਸਰਕਾਰ ਨੇ ਮੱਦਦ ਕਰਨ ਦੀ ਥਾਂ ਉਲਟਾਂ 20 ਹਜ਼ਾਰ ਤੋਂ ਲੈ ਕੇ 80 ਹਜ਼ਾਰ ਤੱਕ ਦੇ ਬਿਜਲੀ ਬਿੱਲ ਭੇਜ ਕੇ ਗਰੀਬਾਂ ਦੇ ਘਰਾਂ ਦੇ ਮੀਟਰ ਪੁੱਟ ਲਏ ਹਨ।ਉਹਨਾਂ ਐਲਾਨ ਕੀਤਾ ਕਿ ਜੇ ਸਰਕਾਰ ਨੇ ਬਿਜਲੀ ਰੇਟ ਅੱਧੇ ਨਾ ਕੀਤੇ ਤਾਂ ਜਥੇਬੰਦੀ ਕੱਟੇ ਕੁਨੈਕਸ਼ਨ ਲੋਕਾਂ ਦੀ ਤਾਕਤ ਬਣਾ ਕੇ ਖੁੱਦ ਜੋੜੇਗੀ ਅਤੇ ਕਿਸੇ ਵੀ ਗਰੀਬ ਦਾ ਮੀਟਰ ਨਹੀਂ ਪੁੱਟਣ ਦੇਵੇਗੀ।ਇਸ ਸਮੇਂ ਜਿਲ੍ਹਾ ਆਗੂ ਅਨੀਤਾ ਖੇੜੀ , ਬਲਬੀਰ ਸਿੰਘ ਕੁਲਾਰਾਂ, ਹਰਪ੍ਰੀਤ ਕੌਰ ਧੂਰੀ, ਰਾਮ ਦਾਸ , ਨਿਰਮਲ ਸਿੰਘ,ਸ਼ਿੰਗਾਰਾ ਸਿੰਘ, ਰੋਡਾ ਸਿੰਘ, ਨੂਰਾ ਬੇਗਮ ਸ਼ਾਮਿਲ ਸਨ।
