ਰੋਜ਼ਾਨਾ ਸਪੋਕਸਮੈਨ ਦੀ ਖ਼ਬਰ ਦਾ ਹੋਇਆ ਅਸਰ
ਚੰਡੀਗੜ੍ਹ: ਪੰਜਾਬ ਦੇ ਤਰਨਤਾਰਨ ਦੇ ਗੋਕਾਪੁਰਾ ਇਲਾਕੇ ਵਿਚ ਮਾਤਾ-ਪਿਤਾ ਦੀ ਮੌਤ ਤੋਂ ਬਾਅਦ ਅਨਾਥ ਹੋਏ ਚਾਰ ਬੱਚਿਆਂ ਦੀ ਮਦਦ ਲਈ ਬਾਲੀਵੁੱਡ ਅਦਾਕਾਰ ਸੋਨੂੰ ਸੂਦ ਨੇ ਹੱਥ ਵਧਾਇਆ ਹੈ। ਸੋਨੂੰ ਸੂਦ ਨੇ ਟਵੀਟ ਕਰਦਿਆਂ ਕਿਹਾ ਕਿ ਉਹ ਇਹਨਾਂ ਬੱਚਿਆਂ ਦੇ ਭਵਿੱਖ ਨੂੰ ਚੰਗਾ ਬਣਾਉਣ ਲਈ ਵਚਨਬੱਧ ਹਨ। ਉਹਨਾਂ ਨੇ ਲਿਖਿਆ, ‘ਮੈਂ ਇਹਨਾਂ ਬੱਚਿਆਂ ਲਈ ਚੰਗੇ ਘਰ, ਚੰਗੇ ਸਕੂਲ ਅਤੇ ਭਵਿੱਖ ਨੂੰ ਵਧੀਆ ਬਣਾਉਣ ਦਾ ਯਕੀਨ ਦਿਵਾਉਂਦਾ ਹਾਂ’।
I ensure these little kids from punjab will have a good home, a nice school and a bright future ahead. Will reach you tomorrow . ????????. @Karan_Gilhotra https://t.co/WFTYAvlVbC
— sonu sood (@SonuSood) August 4, 2020
ਦੱਸ ਦਈਏ ਕਿ ਸੁਖਦੇਵ ਸਿੰਘ ਦੀ ਜ਼ਹਿਰੀਲੀ ਸ਼ਰਾਬ ਪੀਣ ਨਾਲ ਮੌਤ ਹੋ ਗਈ ਅਤੇ ਉਹਨਾਂ ਦੀ ਪਤਨੀ ਜੋਤੀ ਦੀ ਵੀ ਸਦਮੇ ਨਾਲ ਮੌਤ ਹੋ ਗਈ। ਇਕ ਰਿਕਸ਼ਾ ਚਾਲਕ ਵਜੋਂ ਕੰਮ ਕਰਨ ਵਾਲੇ ਸੁਖਦੇਵ ਸਿੰਘ (35) ਅਤੇ ਉਸ ਦੀ ਪਤਨੀ ਜੋਤੀ (32) ਦਾ ਅੰਤਿਮ ਸਸਕਾਰ ਉਸੇ ਦਿਨ ਕਰ ਦਿੱਤਾ ਗਿਆ। ਇਸ ਤੋਂ ਬਾਅਦ ਉਹਨਾਂ ਦੇ 5 ਤੋਂ 13 ਸਾਲ ਦੀ ਉਮਰ ਦੇ ਚਾਰ ਬੱਚੇ ਅਨਾਥ ਹੋ ਗਏ।
Sonu Sood
ਸੁਖਦੇਵ ਸਿੰਘ ਦੇ ਚਾਰ ਬੱਚੇ ਸਨ- ਕਰਨਬੀਰ ਸਿੰਘ (13), ਗੁਰਪ੍ਰੀਤ ਸਿੰਘ (11), ਅਰਸ਼ਪ੍ਰੀਤ ਸਿੰਘ (9), ਕਲਾਸ 3 ਦਾ ਵਿਦਿਆਰਥੀ ਅਤੇ ਸੰਦੀਪ ਸਿੰਘ (5)। ਸੁਖਦੇਵ ਦਾ ਪਰਿਵਾਰ ਕਿਰਾਏ ਦੇ ਮਕਾਨ ਵਿਚ ਰਹਿੰਦਾ ਸੀ ਪਰ ਹੁਣ ਸੁਖਦੇਵ ਸਿੰਘ ਦੇ ਬੱਚੇ ਆਪਣੇ ਚਾਚੇ ਸਰਵਣ ਸਿੰਘ (ਸੁਖਦੇਵ ਦੇ ਭਰਾ) ਦੇ ਨਾਲ ਰਹਿ ਰਹੇ ਹਨ ਜੋ ਆਪਣੀ ਪਤਨੀ ਅਤੇ ਚਾਰ ਬੱਚਿਆਂ ਨਾਲ ਕਿਰਾਏ ਦੇ ਕਮਰੇ ਵਿਚ ਰਹਿੰਦਾ ਹੈ। ਸਰਵਣ ਨੇ ਕਿਹਾ, “ਸ਼ੁੱਕਰਵਾਰ ਦੀ ਰਾਤ ਨੂੰ ਮੇਰੇ ਭਰਾ ਨੇ ਜ਼ਹਿਰੀਲੀ ਸ਼ਰਾਬ ਪੀਤੀ ਜੋ ਉਸ ਨੇ ਪੰਡੂਰ ਗੋਲੀ ਪਿੰਡ ਤੋਂ ਖਰੀਦੀ ਸੀ ਜਿਸ ਤੋਂ ਬਾਅਦ ਸੱਤ ਮੌਤਾਂ ਦੀ ਖਬਰ ਮਿਲੀ ਹੈ।
Alcohal
ਫਿਰ ਉਹ ਘਰ ਆਇਆ ਅਤੇ ਸੌਂ ਗਿਆ। ਅੱਧੀ ਰਾਤ ਨੂੰ ਸੁਖਦੇਵ ਜਾਗਿਆ ਅਤੇ ਉਸਦੇ ਪੇਟ ਵਿੱਚ ਦਰਦ ਹੋਇਆ। ਉਸਨੇ ਆਪਣੀ ਪਤਨੀ ਅਤੇ ਬੱਚਿਆਂ ਨੂੰ ਦਰਦ ਤੋਂ ਰਾਹਤ ਪਾਉਣ ਲਈ ਦਵਾਈ ਦਾ ਇੰਤਜ਼ਾਮ ਕਰਨ ਲਈ ਕਿਹਾ। ਸ਼ਰਵਣ ਨੇ ਅੱਗੇ ਦੱਸਿਆ ਕਿ “ਉਹ ਕਿਸੇ ਤਰ੍ਹਾਂ ਸੌਂ ਗਿਆ ਪਰ ਸਵੇਰੇ ਨਹੀਂ ਉੱਠਿਆ। ਜਦੋਂ ਉਸਦੀ ਪਤਨੀ ਨੇ ਉਸਨੂੰ ਮਰਿਆ ਵੇਖਿਆ, ਤਾਂ ਉਹ ਬੇਹੋਸ਼ ਹੋ ਗਈ। ਉਸ ਦੀ ਵੀ ਕੁਝ ਦੇਰ ਬਾਅਦ ਮੌਤ ਹੋ ਗਈ। ਸ਼ਰਵਣ ਨੇ ਕਿਹਾ ਕਿ “ਬੱਚੇ ਆਪਣੇ ਮਾਪਿਆਂ ਬਾਰੇ ਪੁੱਛ ਰਹੇ ਹਨ।
Alcohal
ਸਰਵਣ ਦਾ ਕਹਿਣਾ ਸੀ ਕਿ ਮੈਂ ਆਪ ਇਕ ਮਜ਼ਦੂਰ ਹਾਂ, ਮੇਰੇ ਲਈ ਅੱਠ ਬੱਚਿਆਂ ਦਾ ਪਾਲਣ ਪੋਸ਼ਣ ਸੰਭਵ ਨਹੀਂ ਹੈ। ਚਾਰ ਭੈਣਾਂ-ਭਰਾਵਾਂ ਵਿਚੋਂ ਸਭ ਤੋਂ ਵੱਡੇ ਕਰਨਬੀਰ ਨੇ ਕਿਹਾ, “ਸਾਡੇ ਮਾਪੇ ਚਾਹੁੰਦੇ ਸਨ ਕਿ ਅਸੀਂ ਸਖ਼ਤ ਪੜ੍ਹਾਈ ਕਰੀਏ। ਹੁਣ, ਸਾਡੇ ਅਗਲੇ ਅਧਿਐਨ ਲਈ ਸਾਡੀ ਮਦਦ ਕੌਣ ਕਰੇਗਾ? ਸਾਨੂੰ ਨਹੀਂ ਪਤਾ ਕਿ ਹੁਣ ਸਾਡੇ ਨਾਲ ਕੀ ਵਾਪਰੇਗਾ। ” ਹੁਣ ਸੋਨੂੰ ਸੂਦ ਨੇ ਯਕੀਨ ਦਿਵਾਇਆ ਹੈ ਕਿ ਉਹ ਇਹਨਾਂ ਬੱਚਿਆਂ ਦੇ ਮਾਤਾ-ਪਿਤਾ ਦਾ ਸੁਪਨਾ ਜ਼ਰੂਰ ਪੂਰਾ ਕਰਨਗੇ।
