ਇਸ ਘਟਨਾ ਦੀ ਜਾਣਕਾਰੀ ਨਵਤੇਜ ਗੁੱਗੂ ਨੇ ਲਾਈਵ ਹੋ...
ਬਟਾਲਾ: ਸ਼੍ਰੀ ਹਰਿਮੰਦਰ ਸਾਹਿਬ ਮੱਥਾ ਟੇਕਣ ਜਾ ਰਹੇ ਦੋ ਸਿੰਘਾਂ ਨੇ ਰਸਤੇ ਵਿਚ ਦੇਖਿਆ ਕਿ ਇਕ ਸਿੱਖ ਵਿਅਕਤੀ ਦਾ ਐਕਸੀਡੈਂਟ ਹੋਇਆ ਪਿਆ ਹੈ ਤਾਂ ਉਹਨਾਂ ਨੇ ਤੁਰੰਤ ਉਸ ਦੀ ਮਦਦ ਕਰਨੀ ਚਾਹੀ। ਉਹਨਾਂ ਨੇ 108 ਨੰਬਰ ਐਂਬੂਲੈਂਸ ਨੂੰ ਫੋਨ ਕੀਤਾ ਪਰ ਐਂਬੂਲੈਂਸ ਨਾ ਪਹੁੰਚੀ। ਉਸ ਤੋਂ ਬਾਅਦ ਉਹਨਾਂ ਨੇ ਆਟੋ ਤੇ ਮਰੀਜ਼ ਨੂੰ ਬਟਾਲਾ ਨਵਤੇਜ ਹਿਊਮਿਨਿਟੀ ਹਸਪਤਾਲ ਵਿਚ ਲਿਆਂਦਾ।
Navtej Singh Guggu
ਇਸ ਘਟਨਾ ਦੀ ਜਾਣਕਾਰੀ ਨਵਤੇਜ ਗੁੱਗੂ ਨੇ ਲਾਈਵ ਹੋ ਕੇ ਦਿੱਤੀ ਹੈ ਤੇ ਨਾਲ ਹੀ ਉਹਨਾਂ ਨੇ ਸਿੱਖ ਵਿਅਕਤੀਆਂ ਬਾਰੇ ਦਸਿਆ ਜਿਹਨਾਂ ਨੇ ਮਰੀਜ਼ ਦੀ ਸਹਾਇਤਾ ਕੀਤੀ ਹੈ। ਜਿਸ ਸਿੱਖ ਨਾਲ ਘਟਨਾ ਵਾਪਰੀ ਹੈ ਉਹ ਰਿਕਸ਼ਾ ਚਲਾ ਕੇ ਅਪਣਾ ਗੁਜ਼ਾਰਾ ਕਰਦੇ ਹਨ ਤੇ ਉਹਨਾਂ ਦੀ ਆਰਥਿਕ ਹਾਲਤ ਵੀ ਬਿਲਕੁੱਲ ਹੀ ਮਾੜੀ ਹੈ। ਨਵਤੇਜ ਗੁੱਗੂ ਵੱਲੋਂ ਬਟਾਲਾ ਵਿਚ ਨਵਤੇਜ ਹਿਊਮਿਨਿਟੀ ਚੈਰੀਟੇਬਲ ਖੋਲ੍ਹਿਆ ਗਿਆ ਹੈ ਜਿੱਥੇ ਕਿ ਉਹ ਲੋਕਾਂ ਦਾ ਮੁਫ਼ਤ ਇਲਾਜ ਕਰਦੇ ਹਨ।
Navtej Singh Guggu
ਨਵਤੇਜ ਗੁੱਗੂ ਨੇ ਸਮਾਜ ਸੇਵੀਆਂ ਨੂੰ ਇਹੀ ਅਪੀਲ ਕੀਤੀ ਹੈ ਕਿ ਉਹ ਜਦੋਂ ਕਿਸੇ ਮਰੀਜ਼ ਦੀ ਮਦਦ ਕਰਦੇ ਹਨ ਤਾਂ ਉਹਨਾਂ ਨੂੰ ਪ੍ਰਾਈਵੇਟ ਹਸਪਤਾਲ ਵਿਚ ਲਿਜਾਣ ਦੀ ਥਾਂ ਨਵਤੇਜ ਚੈਰੀਟੇਬਲ ਵਿਚ ਲੈ ਕੇ ਆਉਣ ਕਿਉਂ ਕਿ ਇੱਥੇ ਉਹ ਮਰੀਜ਼ਾਂ ਦਾ ਬਿਲਕੁੱਲ ਮੁਫ਼ਤ ਇਲਾਜ ਕਰਦੇ ਹਨ। ਉੱਥੇ ਹੀ ਉਹਨਾਂ ਨੇ ਐਨਆਰਆਈਜ਼ ਵੱਲੋਂ ਭੇਜੀ ਜਾਣ ਵਾਲੀ ਸੇਵਾ ਨੂੰ ਲੈ ਕੇ ਕਿਹਾ ਕਿ ਉਹ ਵੀ ਸੇਵਾ ਭੇਜਣ ਤੋਂ ਪਹਿਲਾਂ ਵੀਡੀਓ ਦੀ ਪੂਰੀ ਜਾਂਚ ਕਰ ਲੈਣ।
Navtej Singh Guggu
ਦਸ ਦਈਏ ਕਿ ਪਿਛਲੇ ਕੁੱਝ ਦਿਨਾਂ ਤੋਂ ਵਿਰੋਧੀਆਂ ਵੱਲੋਂ ਸਮਾਜ ਸੇਵੀਆਂ ਤੇ ਬਹੁਤ ਸਾਰੇ ਇਲਜ਼ਾਮ ਲਗਾਏ ਜਾ ਰਹੇ ਹਨ ਕਿ ਉਹ ਐਨਆਰਆਈਜ਼ ਵੱਲੋਂ ਭੇਜੇ ਪੈਸਿਆਂ ਦਾ ਗਲਤ ਇਸਤੇਮਾਲ ਕਰਦੇ ਹਨ। ਇਸ ਨੂੰ ਲੋਕਾਂ ਦੀ ਸੇਵਾ ਵਿਚ ਨਹੀਂ ਲਗਾਉਂਦੇ ਸਗੋਂ ਆਪਣੇ ਘਰ ਭਰਦੇ ਹਨ। ਇਸ ਤੇ ਕੁੱਝ ਸਮਾਜ ਸੇਵੀਆਂ ਨੇ ਵੀਡੀਓ ਪੋਸਟ ਕਰ ਕੇ ਅਪਣਾ ਪੱਖ ਰੱਖਿਆ ਹੈ। ਇਸ ਦੇ ਨਾਲ ਹੀ ਉਹਨਾਂ ਨੇ ਇਹ ਵੀ ਕਿਹਾ ਕਿ ਉਹ ਇਸ ਦਾ ਸਪੱਸ਼ਟੀਕਰਨ ਵੀ ਦੇਣਗੇ ਪਰ ਸਹੀ ਸਮਾਂ ਆਉਣ ਤੇ।
Navtej Singh Guggu
ਕੱਲ੍ਹ ਰੱਖੜੀ ਵਾਲੇ ਦਿਨ ਇਲਜ਼ਾਮ ਲੱਗਣ ਤੋਂ ਬਾਅਦ ਇਕ ਵਾਰ ਫਿਰ ਸਮਾਜ ਸੇਵੀ ਪੁਨੀਤ ਪੀਪੀ ਨੇ ਲਾਈਵ ਹੋ ਕੇ ਹੇਟਰਾਂ ਨੂੰ ਜਿੱਥੇ ਠੋਕਵੇਂ ਜਵਾਬ ਦਿੱਤੇ ਹਨ ਉੱਥੇ ਹੀ ਹੁਣ ਉਹਨਾਂ ਨੇ ਇਕ ਵੱਡਾ ਫ਼ੈਸਲਾ ਵੀ ਲਿਆ ਹੈ। ਪੁਨੀਤ ਨੇ ਕਿਹਾ ਕਿ ਉਹ ਸੇਵਾ ਬੰਦ ਨਹੀਂ ਕਰਨਗੇ ਤੇ ਹੇਟਰਾਂ ਨੂੰ ਵੀ ਕਿਹਾ ਕਿ ਉਹਨਾਂ ਨੇ ਤਾਂ ਅਜੇ ਸੇਵਾ ਵਿਚ ਪੈਰ ਹੀ ਰੱਖਿਆ ਸੀ ਤੇ ਹੇਟਰਾਂ ਨੇ ਪਹਿਲਾਂ ਹੀ ਉਹਨਾਂ ਨੂੰ ਫੇਲ੍ਹ ਕਰ ਦਿੱਤਾ।
Batala
ਉਹਨਾਂ ਨੂੰ ਸੇਵਾ ਦਾ ਮੌਕਾ ਤਾਂ ਦਿੰਦੇ ਫਿਰ ਜੱਜ ਕਰਦੇ ਕਿ ਉਹ ਸੇਵਾ ਸਹੀ ਢੰਗ ਨਾਲ ਕਰ ਰਹੇ ਹਨ ਜਾਂ ਨਹੀਂ। ਦਸ ਦਈਏ ਕਿ ਪੰਜਾਬ ਵਿਚ ਕਈ ਸਮਾਜ ਸੇਵੀਆਂ ਤੇ ਕੁੱਝ ਦਿਨਾਂ ਤੋਂ ਲਗਾਤਾਰ ਇਲਜ਼ਾਮ ਲਗਾਏ ਜਾ ਰਹੇ ਹਨ ਕਿ ਉਹ ਸੇਵਾ ਸਹੀ ਢੰਗ ਨਾਲ ਕੀਤੀ ਜਾਂਦੀ। ਪਰ ਹੁਣ ਸਮਾਜ ਸੇਵੀਆਂ ਨੇ ਵੀ ਕਹਿ ਦਿੱਤਾ ਹੈ ਕਿ ਉਹ ਵੀ ਅਪਣਾ ਸਪੱਸ਼ਟੀਕਰਨ ਜ਼ਰੂਰ ਦੇਣਗੇ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
