ਦਾਰੂ ਦੇ ਨਸ਼ੇ ਵਿਚ ਵਾਰ-ਵਾਰ ਮਾਰਿਆ ਸਿਰ ਜ਼ਮੀਨ ਨਾਲ
ਸੜਕ ’ਤੇ ਇਕ ਸ਼ਰਾਬੀ ਬੰਦਾ ਇੱਕ ਵਾਰ ਨਹੀਂ ਬਲਕਿ ਕਿੰਨੀ ਹੀ ਵਾਰ ਉੱਠਣ ਦੀ ਕੋਸ਼ਿਸ਼ ਕਰਦਾ ਪਰ ਹਰ ਵਾਰ ਹੇਠਾਂ ਡਿੱਗਦਾ। ਕਿੰਨੀ ਵਾਰ ਤਾਂ ਇਸ ਸ਼ਰਾਬੀ ਬੰਦੇ ਨੇ ਆਪਣੀ ਪੱਗ ਜ਼ਮੀਨ ਨਾਲ ਮਾਰੀ ਹੋਵੇਗੀ। ਹਾਲਾਂਕਿ ਲੋਕ ਖੜ੍ਹੇ ਹਨ ਤੇ ਵੀਡੀਓ ਬਣਾ ਰਹੇ ਹਨ ਅਤੇ ਇਹ ਸ਼ਖਸ਼ ਆਪਣੀਆਂ ਹਰਕਤਾਂ ਕਾਰਨ ਮਜ਼ਾਕ ਦਾ ਪਾਤਰ ਬਣਦਾ ਹੀ ਜਾ ਰਿਹਾ ਹੈ। ਇਹ ਵਿਅਕਤੀ ਪੰਜਾਬ ਪੁਲਿਸ ਦਾ ਡਰਾਇਵਰ ਦੱਸਿਆ ਜਾ ਰਿਹਾ ਹੈ ਜੋ ਕਿ ਨਸ਼ੇ ਦੀ ਐਨੀ ਬੁਰੀ ਹਾਲਤ ਵਿਚ ਹੈ ਕਿ ਆਪਣੇ ਪੈਰਾਂ ਤੇ ਵੀ ਖੜ੍ਹਾ ਨਹੀਂ ਹੋ ਪਾ ਰਿਹਾ।
ਤੁਸੀਂ ਦੇਖ ਸਕਦੇ ਹੋ ਕਿ ਪੰਜਾਬ ਪੁਲਿਸ ਕੈਂਟਰ ਵੀ ਕੋਲ ਹੀ ਖੜ੍ਹਾ। ਜਿਸ ਵਿਚ ਇਹ ਚੜ੍ਹਨ ਦੀ ਕੋਸ਼ਿਸ਼ ਕਰ ਰਿਹਾ ਹੈ ਤੇ ਲੋਕ ਇਸ ਦੀ ਚਾਬੀ ਲੈਣ ਦੀ ਗੱਲ ਕਰ ਰਹੇ ਹਨ ਤਾਂ ਜੋ ਅਜਿਹੀ ਹਾਲਤ ਵਿਚ ਇਹ ਕਿਸੇ ਦੇ ਟੱਕਰ ਨਾ ਮਾਰ ਦੇਵੇ। ਪੰਜਾਬ ਪੁਲਿਸ ਦੇ ਮੁਲਾਜ਼ਮ ਦੀ ਦਾਰੂ ਪੀਕੇ ਇਸ ਤਰ੍ਹਾਂ ਸ਼ਰੇਆਮ ਬੇਇੱਜ਼ਤ ਹੋਣ ਦੀ ਇਹ ਕੋਈ ਪਹਿਲੀ ਵੀਡੀਓ ਨਹੀਂ।
ਇਸ ਤੋਂ ਪਹਿਲਾਂ ਵੀ ਵੱਖ ਵੱਖ ਥਾਵਾਂ ਤੇ ਦਾਰੂ ਦੇ ਨਸ਼ੇ ’ਚ ਪੁਲਿਸ ਵਾਲੇ ਡਿਗਦੇ ਢਹਿੰਦੇ ਜਾਂ ਲੋਕਾਂ ਨਾਲ ਉਲਝਦੇ ਦਿਖਾਈ ਦਿੱਤੇ ਹਨ ਜਿਨ੍ਹਾਂ ਉੱਤੇ ਸਖ਼ਤ ਕਾਰਵਾਈਆਂ ਵੀ ਹੋਈਆਂ ਅਤੇ ਉਨ੍ਹਾਂ ਦੀ ਨੌਕਰੀ ਤੱਕ ਵੀ ਚਲੀ ਗਈ ਪਰ ਫਿਰ ਵੀ ਪਤਾ ਨਹੀਂ ਕਿ ਅਜਿਹਾ ਦੁਬਾਰਾ ਕਿਉਂ ਹੁੰਦਾ ਹੈ। ਹੁਣ ਦੇਖਣ ਹੋਵੇਗਾ ਕਿ ਇਸ ਮੁਲਾਜ਼ਮ ਤੇ ਪੁਲਿਸ ਦੇ ਉੱਚ ਅਧਿਕਾਰੀਆਂ ਵਲੋਂ ਕੀ ਕਾਰਵਾਈ ਕੀਤੀ ਜਾਂਦੀ ਹੈ।
ਦਸ ਦਈਏ ਕਿ ਇਕ ਵੀਡੀਓ ਵਿਚ ਔਰਤ ਵਰਦੀਧਾਰੀ ਮੁਲਾਜ਼ਮ ਨੂੰ ਬੁਰੀ ਤਰ੍ਹਾਂ ਕੁੱਟ ਰਹੀ ਹੈ। ਇਹ ਵੀਡੀਓ ਜ਼ਿਲ੍ਹਾ ਫਰੀਦਕੋਟ ਦੇ ਪਿੰਡ ਮਚਾਕੀ ਮੱਲ ਸਿੰਘ ਵਾਲਾ ਦਾ ਹੈ। ਜਾਣਕਾਰੀ ਮੁਤਾਬਕ ਇਹ ਵਰਦੀਧਾਰੀ ਸ਼ਰਾਬ ਦੇ ਨਸ਼ੇ ਵਿੱਚ ਕਿਸੇ ਦੇ ਘਰ ਵੜ ਗਿਆ। ਉੱਥੇ ਮੌਜੂਦ ਇੱਕ ਔਰਤ ਨਾਲ ਜ਼ਬਰਦਸਤੀ ਕਰਨ ਦੀ ਕੋਸ਼ਿਸ਼ ਕੀਤੀ। ਔਰਤ ਨੇ ਇਸ ਦਾ ਵਿਰੋਧ ਕੀਤਾ ਤੇ ਫਿਰ ਆਤਮ ਰੱਖਿਆ ਕਰਦੇ ਹੋਏ ਮੁਲਾਜ਼ਮ ਦੇ ਸਿਰ ਵਿੱਚ ਇੱਟ ਮਾਰ ਦਿੱਤੀ।
ਇਕਬਾਲ ਸਿੰਘ ਨੂੰ ਛੁਡਵਾ ਕੇ ਲਿਆਏ ਐਸਐਚਓ ਮੁਖਤਿਆਰ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਕੰਟਰੋਲ ਰੂਮ ਵਿਚ ਸੂਚਨਾ ਮਿਲੀ ਸੀ ਕਿ ਪਿੰਡ ਮੱਲ ਸਿੰਘ ਵਾਲਾ ਵਿਚ ਪੁਲਿਸ ਵਾਲੇ ਨੂੰ ਕੁਝ ਲੋਕ ਬੰਨ੍ਹ ਕਰ ਕੁੱਟ ਰਹੇ ਹਨ। ਉਹ ਮੌਕੇ ਉੱਤੇ ਪੁੱਜੇ ਤੇ ਉਸ ਨੂੰ ਛੁੜਵਾ ਕੇ ਲਿਆਏ। ਉਸ ਨੂੰ ਗੁਰੂ ਗੋਬਿੰਦ ਸਿੰਘ ਮੈਡੀਕਲ ਕਾਲਜ ਵਿਚ ਇਲਾਜ ਲਈ ਦਾਖਲ ਕਰਵਾਇਆ ਗਿਆ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।