ਗਰੀਬਾਂ ਦੇ ਘਰਾਂ ‘ਚ ਚੁੱਲ੍ਹੇ ਦੀ ਥਾਂ ਰਸੋਈ ਗੈਸ ਪਹੁੰਚਾਉਣ ਲਈ ਸਰਕਾਰ ਦੇ ਸੰਕਲਪ ਦਾ ਅਸਰ ਤਾਂ ਦਿਖਿਆ ਹੈ, ਪਰ ਮਹਿੰਗੇ ਸਿਲੰਡਰ ਦਾ ‘ਧੂੰਆਂ’ ਉਹਨਾਂ...

ਕਾਨਪੁਰ (ਭਾਸ਼ਾ) : ਗਰੀਬਾਂ ਦੇ ਘਰਾਂ ‘ਚ ਚੁੱਲ੍ਹੇ ਦੀ ਥਾਂ ਰਸੋਈ ਗੈਸ ਪਹੁੰਚਾਉਣ ਲਈ ਸਰਕਾਰ ਦੇ ਸੰਕਲਪ ਦਾ ਅਸਰ ਤਾਂ ਦਿਖਿਆ ਹੈ, ਪਰ ਮਹਿੰਗੇ ਸਿਲੰਡਰ ਦਾ ‘ਧੂੰਆਂ’ ਉਹਨਾਂ ਨੂੰ ਪ੍ਰੇਸ਼ਾਨ ਕਰ ਰਿਹਾ ਹੈ। ਇਸ ਤੋਂ ਛੁਟਕਾਰਾ ਦਿਵਾਉਣ ਲਈ ਗਰੀਬਾਂ ਦੇ ਘਰ ਰਿਆਇਤੀ ਸਿਲੰਡਰ ਪਹੁੰਚਾਉਣ ਦੀ ਤਿਆਰੀ ਹੋ ਰਹੀ ਹੈ। ਅਜਿਹਾ ਹੋਣ ਕਾਰਨ ਦੇਸ਼ ਵਿਚ ਉਜਾਵਲਾ ਯੋਜਨਾ ਦੇ ਪੰਜ ਕਰੋੜ ਰੁਪਏ ਤੋਂ ਜ਼ਿਆਦਾ ਉਪਭੋਗਤਾਵਾਂ ਨੂੰ ਲਾਭ ਮਿਲੇਗਾ। ਦਰਅਸਲ, ਸਬਸਿਡੀ ਦੇ ਬੈਂਕ ਖਾਤੇ ‘ਚ ਜਾਣ ਦਾ ਇੰਤਜ਼ਾਰ ਨੇ ਕਰਦੇ ਹੋਏ ਉਹਨਾਂ ਸਿਧੀ ਛੂਟ ਕਰਕੇ ਸਿਲੰਡਰ ਮੁਹੱਈਆ ਕਰਾਇਆ ਜਾਵੇਗਾ।

ਇੰਡੀਅਨ ਆਇਲ ਦੇ ਸੂਤਰਾਂ ਦੇ ਮੁਤਾਬਿਕ ਉਕਤ ਯੋਜਨਾ ਜਨਵਰੀ 2019 ਤੋਂ ਲਾਗੂ ਕੀਤੀ ਜਾ ਸਕਦੀ ਹੈ। ਉਜਾਵਲਾ ਯੋਜਨਾ ਦੇ ਲਾਭ ਪਾਤਰੀਆਂ ਤੋਂ ਬਾਅਦ ਦੂਜੇ ਪੜਾਅ ਵਿਚ ਪੁਰਾਣੀ ਵਿਵਸਥਾ ਦੇ ਅਧੀਨ ਹੀ ਸਾਰੇ ਉਪਭੋਗਤਾਵਾਂ ਨੂੰ ਘਰ ਉਤੇ ਸਬਸਿਡੀ ਦੇ ਨਾਲ ਸਿਲੰਡਰ ਦਿਤਾ ਜਾ ਸਕਦਾ ਹੈ। ਅੰਕੜੇ ਗਵਾਹ ਹਨ ਕਿ ਜਿਨ੍ਹਾਂ ਨੂੰ ਬਿਨ੍ਹਾਂ ਸਿਕੁਰਿਟੀ ਦੇ ਸਿਲੰਡਰ ਦਿਤੇ ਗਏ, ਉਹਨਾਂ ਨੇ ਸਾਲ ਵਿਚ ਚਾਰ ਤੋਂ ਜ਼ਿਆਦਾ ਦੀ ਖ਼ਪਤ ਨਹੀਂ ਕੀਤੀ। ਇਸ ਸਿੱਧਾ ਮਤਲਬ ਹੈ ਕਿ ਪ੍ਰਤੀ ਮਹੀਨਾ ਵੱਧਦੀਆਂ ਕੀਮਤਾਂ ਨਾਲ ਇਕ ਹਜ਼ਾਰ ਰੁਪਏ ਦੇ ਲਗਪਗ ਪਹੁੰਚੇ ਸਿਲੰਡਰ ਖਰੀਦਣ ਦੀ ਸਮਰੱਥਾ ਇਹਨਾਂ ਗਰੀਬਾਂ ‘ਚ ਨਹੀਂ ਸੀ।

ਇਸ ਨਾਲ ਉਜਾਵਲਾ ਯੋਜਨਾ ਦੇ ਬੰਦ ਹੋਣ ਦੀ ਨੌਬਤ ਆ ਗਈ। ਹੁਣ ਜਵਾਬਦੇਹ ਲੋਕਾਂ ਨੇ ਮਾਮਲੇ ਦਾ ਪੱਖ ਲੈ ਲਿਆ ਹੈ। ਇਸੇ ਕ੍ਰਮ ਵਿਚ ਸਰਕਾਰ ਨੇ ਆਇਲ ਕੰਪਨੀਆਂ ਤੋਂ ਸਿੰਲਡਰ ਵੰਡ ਅਤੇ ਸਬਸਿਡੀ ਨੂੰ ਲੈ ਕੇ ਸੁਝਾਅ ਮੰਗੇ। ਯੋਜਨਾ ਦੇ ਤਹਿਤ ਉਪਭੋਗਤਾਵਾਂ ਨੂੰ 500 ਰੁਪਏ ਵਿਚ ਸਿਲੰਡਰ ਮਿਲੇਗਾ, ਸਬਸਿਡੀ ਆਇਲ ਕੰਪਨੀਆਂ ਦੇ ਖਾਤਿਆਂ ਵਿਚ ਸਿਧੀ ਜਾਵੇਗੀ। ਉਮੀਦ ਹੈ ਕਿ ਦੂਜੇ ਪੜਾਅ ਵਿਚ ਇਹ ਵਿਵਸਥਾ ਸਾਰੇ ਉਪਭੋਗਤਾਵਾਂ ਲਈ ਲਾਗੂ ਹੋ ਸਕਦੀ ਹੈ।