ਚੰਡੀਗੜ੍ਹ ਦੇ ਹੱਲੋਮਾਜਰਾ ਮਾਜਰਾ ਜੰਗਲੀ ਏਰੀਏ ਵਿਚ ਇਕ 6 ਸਾਲਾ ਬੱਚੀ ਦੀ ਅੱਧ-ਨੰਗੀ ਲਾਸ਼...
ਚੰਡੀਗੜ੍ਹ: ਚੰਡੀਗੜ੍ਹ ਦੇ ਹੱਲੋਮਾਜਰਾ ਮਾਜਰਾ ਜੰਗਲੀ ਏਰੀਏ ਵਿਚ ਇਕ 6 ਸਾਲਾ ਬੱਚੀ ਦੀ ਅੱਧ-ਨੰਗੀ ਲਾਸ਼ ਬਰਾਮਦ ਹੋਈ ਹੈ। ਬੱਚੀ ਸ਼ੁਕਰਵਾਰ ਸ਼ਾਮ ਤੋਂ ਹੀ ਘਰੋਂ ਲਾਪਤਾ ਸੀ, ਜਿਸਨੂੰ ਪਰਵਾਰ ਅਤੇ ਸੰਬੰਧਤ ਥਾਣਾ ਪੁਲਿਸ ਨੇ ਮਿਲਕੇ ਪੂਰੀ ਰਾਤ ਲੱਭਿਆ ਪਰ ਨਹੀਂ ਮਿਲੀ। ਸਵੇਰੇ ਜੰਗਲ ਏਰੀਏ ਵਿਚੋਂ ਲਾਸ਼ ਮਿਲਣ ਤੋਂ ਬਾਅਦ ਪੁਲਿਸ ਨੇ ਆਪਣੇ ਕਬਜ਼ੇ ਵਿਚ ਲੈ ਲਿਆ ਹੈ। ਲੋਕਾਂ ਵੱਲੋਂ ਕਿਆਸ ਲਗਾਏ ਜਾ ਰਹੇ ਹਨ ਕਿ ਕਿਸੇ ਨੇ ਗਲਤ ਕੰਮ ਕਰਨ ਤੋਂ ਬਾਅਦ ਲੜਕੀ ਦਾ ਕਤਲ ਕਰ ਦਿੱਤਾ ਹੋਵੇਗਾ।
Graphic
ਪੁਲਿਸ ਨੇ ਅਗਲੇਰੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਉਥੇ ਹੀ ਮੌਕੇ ’ਤੇ ਪੁਲਿਸ ਫੋਰਸ ਅਤੇ ਸਥਾਨਕ ਲੋਕਾਂ ਦੀ ਭੀੜ ਲੱਗੀ ਹੋਈ ਹੈ। ਮ੍ਰਿਤਕ ਬੱਚੀ ਦੇ ਪਿਤਾ ਨੇ ਦੱਸਿਆ ਕਿ ਉਨ੍ਹਾਂ ਦੀ ਬੇਟੀ ਸਰਕਾਰੀ ਸਕੂਲ ਵਿਚ ਨਰਸਰੀ ਵਿਚ ਪੜ੍ਹਦੀ ਸੀ। ਪਿਤਾ ਨੇ ਦੱਸਿਆ ਕਿ ਅਸੀਂ ਇੱਥੇ ਲਗਪਗ 30 ਤੋਂ ਰਹਿ ਰਹੇ ਹਾਂ ਅਤੇ ਮੇਰੇ ਕੋਲ 3 ਬੱਚੇ ਹਨ। ਬੱਚੀ ਰੋਜ਼ਾਨਾ ਸਵੇਰੇ 11 ਵਜੇ ਅਤੇ ਸ਼ਾਮ 5 ਵਜੇ ਦੋ ਵਾਰ ਟਿਊਸ਼ਨ ਕਲਾਸ ਆਪਣੇ ਘਰਦੇ ਨੇੜੇ ਹੀ ਜਾਂਦੀ ਸੀ।
Girl
ਸ਼ੁਕਰਵਾਰ ਸਵੇਰ ਦੀ ਕਲਾਸ ਤੋਂ ਬਾਅਦ ਸ਼ਾਮ 5 ਵਜੇ ਵਾਲੀ ਟਿਊਸ਼ਨ ਕਲਾਸ ਵਿਚ ਬੱਚੀ ਦੇ ਨਾ ਪਹੁੰਚਣ ਦੀ ਪਰਵਾਰ ਨੂੰ ਖਬਰ ਮਿਲੀ। ਇਸਤੋਂ ਬਾਅਦ ਨੇੜੇ ਭਾਲ ਕਰਨ ਤੋਂ ਬਾਅਦ ਬੱਚੀ ਦਾ ਪਤਾ ਨਹੀਂ ਲੱਗਿਆ ਤਾਂ ਸ਼ਾਮ 7.30 ਵਜੇ ਪਿਤਾ ਨੇ ਸੰਬੰਧਤ ਸੈਕਟਰ 31 ਥਾਣਾ ਪੁਲਿਸ ਨੂੰ ਬੱਚੀ ਦੇ ਲਾਪਤਾ ਹੋਣ ਦੀ ਖਬਰ ਦਿੱਤੀ। ਖਬਰ ਤੋਂ ਬਾਅਦ ਤੁਰੰਤ ਐਕਸ਼ਨ ਵਿਚ ਆਈ ਪੁਲਿਸ ਨੇ ਪਰਵਾਰ ਨਾਲ ਮਿਲਕੇ ਸਾਰੇ ਏਰੀਏ ਵਿਚ ਭਾਲ ਕੀਤੀ ਪਰ ਬੱਚੀ ਨਹੀਂ ਮਿਲੀ।
Rape Case
ਮ੍ਰਿਤਕ ਬੱਚੀ ਦੇ ਪਿਤਾ ਨੇ ਦੱਸਿਆ ਕੇ ਦੇਰ ਰਾਤ ਤੱਕ ਪੁਲਿਸ ਟੀਮ ਉਨ੍ਹਾਂ ਦੇ ਨਾਲ ਬੱਚੀ ਨੂੰ ਏਰੀਏ ਵਿਚ ਭਾਲ ਰਹੀ ਸੀ। ਪਰਵਾਰਕ ਮੈਂਬਰ ਸਵੇਰੇ ਸਮਸ਼ਾਨ ਘਾਟ ਦੇ ਪਿਛਲੇ ਪਾਸੇ ਜੰਗਲੀ ਏਰੀਏ ਵਿਚ ਪੁਲਿਸ ਦੇ ਨਾਲ ਭਾਲ ਕਰਨ ਗਏ। ਜਿੱਥੇ ਬੱਚੀ ਮ੍ਰਿਤਕ ਮਿਲੀ, ਇਸਤੋਂ ਬਾਅਦ ਪੁਲਿਸ ਨੇ ਲਾਸ਼ ਨੂੰ ਕਬਜੇ ਵਿਚ ਲੈ ਲਿਆ ਹੈ।
