ਇਸ ਕੁੜੀ ਨੇ ਪੰਜਾਬ ਹੀ ਨਹੀਂ ਸਗੋਂ ਦੇਸ਼ ਦਾ ਪਹਿਲਾਂ ਲੋਕ ਸਾਜ਼ ਵਜਾਉਣ ਵਾਲਾ...
ਅੰਮ੍ਰਿਤਸਰ: ਪੰਜਾਬੀ ਵਿਰਸੇ ਨੂੰ ਜਿਥੇ ਬਹੁਤ ਸਾਰੇ ਲੋਕ ਭੁੱਲਦੇ ਜਾ ਰਹੇ ਹਨ, ਉਥੇ ਹੀ ਇਸ ਅਮੀਰ ਵਿਰਸੇ ਨੂੰ ਕਈ ਲੋਕ ਸੰਭਾਲਣ ਦੀ ਕੋਸ਼ਿਸ਼ ਵਿਚ ਜੁਟੇ ਹੋਏ ਹਨ। ਅੰਮ੍ਰਿਤਸਰ 'ਚ ਰਹਿ ਰਹੀ ਇਕ ਮੁਟਿਆਰ ਬਲਜੀਤ ਕੌਰ ਨੇ ਪੰਜਾਬ ਦੇ ਇਸ ਵਿਰਸੇ ਨੂੰ ਸੰਭਾਲੀ ਰੱਖਣ ਦੀ ਇਕ ਅਨੋਖੀ ਮਿਸਾਲ ਕਾਇਮ ਕੀਤੀ ਹੈ।
Photo ਜਾਣਕਾਰੀ ਅਨੁਸਾਰ ਮੁਟਿਆਰ ਬਲਜੀਤ ਕੌਰ ਲੋਕ ਪੰਜਾਬ ਦੇ ਅਜਿਹੇ ਲੋਕ ਸਾਜ਼ ਹਨ, ਜਿਸ ਦੇ ਨਾਂ ਨਾ ਤਾਂ ਤੁਸੀਂ ਸੁਣੇ ਹੋਣਗੇ ਅਤੇ ਨਾ ਦੇਖੇ ਹੋਣਗੇ। ਇਸ ਕੁੜੀ ਨੇ ਪੰਜਾਬ ਹੀ ਨਹੀਂ ਸਗੋਂ ਦੇਸ਼ ਦਾ ਪਹਿਲਾਂ ਲੋਕ ਸਾਜ਼ ਵਜਾਉਣ ਵਾਲਾ ਕੁੜੀਆਂ ਦਾ ਗਰੁੱਪ (ਲੇਡੀਜ਼ ਫੌਕ ਬੈਂਡ) ਤਿਆਰ ਕੀਤਾ ਹੋਇਆ ਹੈ, ਜੋ ਪੁਰਾਤਨ ਸਮੇਂ ਦੇ ਗਾਣੇ ਇਨ੍ਹਾਂ ਸਾਜ਼ਾ ਰਾਹੀਂ ਵਜਾਉਂਦੇ ਹਨ।
Photo ਮਿਲੀ ਰਿਪੋਰਟ ਅਨੁਸਾਰ ਲੋਕ ਸਾਜ਼ ਵਜਾਉਣ ਵਾਲੀ ਕੁੜੀ ਬਲਜੀਤ ਕੌਰ ਨੇ ਕਿਹਾ ਕਿ ਉਨ੍ਹਾਂ ਨੇ ਪੰਜਾਬੀ ਵਿਰਸੇ ਦਾ ਗਰੁੱਪ ਬਹੁਤ ਕੁਝ ਸੋਚ ਵਿਚਾਰ ਕੇ ਬਣਾਇਆ ਹੈ। ਉਨ੍ਹਾਂ ਕਿਹਾ ਕਿ ਅਜੌਕੇ ਸਮੇਂ 'ਚ ਕੁੜੀਆਂ ਦੇ ਨਾਲ ਜੋ ਘਟਨਾਵਾਂ ਵਾਪਰ ਰਹੀਆਂ ਹਨ, ਉਨ੍ਹਾਂ ਨੂੰ ਧਿਆਨ 'ਚ ਰੱਖਦੇ ਹੋਏ ਉਨ੍ਹਾਂ ਦੇ ਮਨ 'ਚ ਕੁਝ ਵੱਖਰਾ ਕਰਨ ਦਾ ਵਿਚਾਰ ਆਇਆ।
Photo ਜਿਸ ਨਾਲ ਲੋਕਾਂ ਦੀ ਸੋਚ ਬਦਲੀ ਜਾ ਸਕੇ ਅਤੇ ਪੰਜਾਬ ਦੇ ਅਮੀਰ ਵਿਰਸੇ ਨੂੰ ਜੋੜ ਕੇ ਰੱਖਣ ਦੀ ਥਾਂ ਉਸ ਦੀ ਸਾਂਭ-ਸੰਭਾਲ ਵੀ ਕੀਤੀ ਜਾ ਸਕੇ। ਲੋਕਾਂ ਦੀ ਸੰਗੀਤ ਪ੍ਰਤੀ ਵੱਧ ਰਹੀ ਰੁਚੀ ਨੂੰ ਦੇਖਦੇ ਹੋਏ ਉਸ ਨੇ ਲੋਕ ਸਾਜ ਗਰੁੱਪ ਤਿਆਰ ਕੀਤਾ। ਬਲਜੀਤ ਕੌਰ ਨੇ ਦੱਸਿਆ ਕਿ ਉਸ ਕੋਲ ਪੰਜਾਬ ਦੇ ਲੋਕ ਸਾਜ਼ਾਂ ਘੜੇ, ਚਿਮਟੇ, ਅਖੰਜ਼ਰੀ, ਅਲਗੋਜ਼ੇ, ਸ਼ੰਖ, ਬੁਛੂ, ਤੂੰਬੀ, ਸਾਰੰਗੀ, ਢੋਲਕੀ, ਕਾਟੋ, ਸੱਪ, ਢੋਲ ਆਦਿ ਸਾਜ ਹਨ, ਜਿਨ੍ਹਾਂ ਦੀ ਵਰਤੋਂ ਉਨ੍ਹਾਂ ਵਲੋਂ ਕੀਤੀ ਜਾ ਰਹੀ ਹੈ। ਉਹ ਇਨ੍ਹਾਂ ਸਾਜ਼ਾ ਨੂੰ ਵਜ੍ਹਾ ਕੇ ਪੰਜਾਬੀ ਵਿਰਸੇ ਦੀ ਯਾਦ ਨੂੰ ਤਰੋਤਾਜ਼ਾ ਕਰਦੇ ਹਨ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
