ਰੋਜ਼ਾਨਾ ਸਪੋਕਸਮੈਨ ਦੇ ਪੋਲ ਸਰਵੇ...
ਚੰਡੀਗੜ੍ਹ: ਬਟਾਲੇ ਵਿੱਚ ਪਟਾਕਾ ਫ਼ੈਕਟਰੀ ਵਿੱਚ ਹੋਏ ਧਮਾਕੇ ਵਿੱਚ ਲਗਭਗ 23 ਵਿਅਕਤੀ ਆਪਣੀਆਂ ਜਾਨਾਂ ਗਵਾ ਚੁੱਕੇ ਹਨ। ਡਿਪਟੀ ਕਮਿਸ਼ਨਰ ਅਤੇ ਲੋਕ ਇਨਸਾਫ ਪਾਰਟੀ ਦੇ ਮੁਖੀ ਸਿਮਰਜੀਤ ਸਿੰਘ ਬੈਂਸ ਵਿਚਕਾਰ ਤਿੱਖੀ ਨੋਕ ਝੋਕ ਹੋ ਗਈ। ਗੱਲ ਉਸ ਸਮੇਂ ਵਧ ਗਈ। ਜਦੋਂ ਡਿਪਟੀ ਕਮਿਸ਼ਨਰ ਨੇ ਪੀੜਤਾਂ ਨੂੰ ਦਫ਼ਤਰ ਵਿੱਚੋਂ ਬਾਹਰ ਨਿਕਲਣ ਲਈ ਆਖ ਦਿੱਤਾ। ਇਸ ਤੇ ਸਿਮਰਜੀਤ ਸਿੰਘ ਬੈਂਸ ਨੇ ਆਖ ਦਿੱਤਾ ਕਿ ਇਹ ਉਨ੍ਹਾਂ ਦੇ ਬਾਪ ਦਾ ਦਫਤਰ ਨਹੀਂ ਹੈ। ਇਹ ਲੋਕਾਂ ਦਾ ਦਫ਼ਤਰ ਹੈ। ਸਿਮਰਜੀਤ ਸਿੰਘ ਬੈਂਸ ਦੇ ਦੱਸਣ ਅਨੁਸਾਰ ਇੱਕ ਅਖ਼ਬਾਰ ਵੱਲੋਂ ਇੱਕ ਮ੍ਰਿਤਕ ਵਿਅਕਤੀ ਦੀ ਫੋਟੋ ਛਾਪੀ ਗਈ ਸੀ।
Batala Firecracker Factory Blast
ਇਸ ਵਿਅਕਤੀ ਦੇ ਰਿਸ਼ਤੇਦਾਰ ਅਖ਼ਬਾਰ ਵਿੱਚ ਲੱਗੀ। ਫੋਟੋ ਦੇਖ ਕੇ ਉਸ ਨੂੰ ਲੱਭਣ ਲਈ ਆਏ ਤਾਂ ਉਨ੍ਹਾਂ ਨੂੰ ਕਿਤੇ ਵੀ ਆਪਣੇ ਪਰਿਵਾਰਕ ਮੈਂਬਰ ਦਾ ਪਤਾ ਨਹੀਂ ਲੱਗਿਆ। ਜਦੋਂ ਇਹ ਪੀੜਤ ਵਿਅਕਤੀ ਡਿਪਟੀ ਕਮਿਸ਼ਨਰ ਦੇ ਦਫ਼ਤਰ ਵਿੱਚ ਪਤਾ ਕਰਨ ਲਈ ਗਏ ਤਾਂ ਡਿਪਟੀ ਕਮਿਸ਼ਨਰ ਦੁਆਰਾ ਉਨ੍ਹਾਂ ਨੂੰ ਬਾਹਰ ਜਾਣ ਲਈ ਕਿਹਾ ਗਿਆ। ਸਿਮਰਜੀਤ ਸਿੰਘ ਬੈਂਸ ਦਾ ਕਹਿਣਾ ਹੈ ਕਿ ਪੀੜਤ ਵਿਅਕਤੀ ਨੂੰ ਕਿਸੇ ਹੋਰ ਹੀ ਮ੍ਰਿਤਕ ਦੀ ਦੇਹ ਲਿਜਾਣ ਲਈ ਵੀ ਕਿਹਾ ਗਿਆ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਡੀਸੀ ਦਾ ਪੀੜਤ ਪਰਿਵਾਰਾਂ ਨਾਲ ਇਸ ਤਰੀਕੇ ਨਾਲ ਪੇਸ਼ ਆਉਣਾ ਚੰਗੀ ਗੱਲ ਨਹੀਂ ਹੈ।
Simarjeet Singh Bains
ਉਨ੍ਹਾਂ ਨੂੰ ਪੀੜਤਾਂ ਨਾਲ ਹਮਦਰਦੀ ਭਰਿਆ ਵਤੀਰਾ ਰੱਖਣਾ ਚਾਹੀਦਾ ਹੈ। ਸਵੇਰ ਤੋਂ ਪੀੜਤ ਆਪਣੇ ਵਿਅਕਤੀ ਨੂੰ ਲੱਭ ਰਹੇ ਹਨ। ਡਿਪਟੀ ਕਮਿਸ਼ਨ ਦਾ ਫਰਜ਼ ਬਣਦਾ ਸੀ ਕਿ ਉਹ ਸਬੰਧਿਤ ਅਖਬਾਰ ਦੇ ਉਸ ਫੋਟੋਗ੍ਰਾਫਰ ਨੂੰ ਬੁਲਾ ਕੇ ਪਤਾ ਕਰਦੇ ਕਿ ਇਹ ਫੋਟੋ ਉਨ੍ਹਾਂ ਨੂੰ ਕਿੱਥੋਂ ਪ੍ਰਾਪਤ ਹੋਈ ਹੈ। ਉਹ ਤਾਂ ਪੀੜਤਾਂ ਨੂੰ ਦਫ਼ਤਰ ਵਿੱਚੋਂ ਹੀ ਭਜਾਉਣ ਲੱਗ ਗਏ। ਇਸ ਤੇ ਡਿਪਟੀ ਕਮਿਸ਼ਨਰ ਨੇ ਸਿਮਰਜੀਤ ਸਿੰਘ ਬੈਂਸ ਨੂੰ ਕਿਹਾ ਕਿ ਤੁਸੀਂ ਉਨ੍ਹਾਂ ਨੂੰ ਗਲਤ ਬੋਲ ਰਹੇ ਹੋ। ਉਹ ਤੁਹਾਡੇ ਨਾਲ ਗੱਲ ਨਹੀਂ ਕਰਨਾ ਚਾਹੁੰਦੇ। ਇਸ ਤੇ ਬੈਂਸ ਨੇ ਕਿਹਾ ਕਿ ਨਹੀਂ ਗੱਲ ਕਰਨੀ ਤਾਂ ਨਾ ਕਰੋ। ਸਾਨੂੰ ਆਪਣੀ ਗੱਲ ਸੁਣਾਉਣ ਦਾ ਤਰੀਕਾ ਪਤਾ ਹੈ।
Simarjeert Singh Bains
ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੇ ਫ਼ੇਸਬੁੱਕ ਪੇਜ਼ ‘ਤੇ ਕੀ ਸਿਮਰਜੀਤ ਬੈਂਸ ਵੱਲੋਂ ਗੁਰਦਾਸਪੁਰ ਦੇ ਡੀਸੀ ਦੀ ਜੋ ਝਾੜ ਪਾਈ ਗਈ ਕੀ ਉਹ ਸਹੀ ਹੈ? ਸਵਾਲ ਪਾਇਆ ਗਿਆ ਸੀ। ਇਸ ਦੇ ਜਵਾਬ ਵਿਚ 82% ਲੋਕਾਂ ਨੇ ਹਾਂ ਅਤੇ ਸਿਰਫ਼ 18% ਲੋਕਾਂ ਨੇ ਨਾ ਵਿਚ ਜਵਾਬ ਦਿੱਤਾ। ਇਸ ਪੋਲ ਵਿਚ ਸੈਂਕੜੇ ਲੋਕਾਂ ਨੇ ਕੁਮੈਂਟ ਕਰਕੇ ਆਪਣੇ ਵਿਚਾਰ ਵੀ ਪੇਸ਼ ਕੀਤੇ ਹਨ।
Comments
ਪਰਮਿੰਦਰ ਸਿੰਘ ਰੁਪਾਲ ਨੇ ਕੁਮੈਂਟ ਕੀਤਾ ਕਿ ਬਰਨਾਲਾ ਵਿਖੇ ਸਰਕਾਰੀ ਮੁਲਾਜ਼ਮ ਦੀ ਚੋਣਾਂ ਦੌਰਾਨ ਮੌਤ ਹੋ ਗਈ, ਡੀਸੀ ਤੇ ਏਡੀਸੀ ਪਰਵਾਰ ਨਾਲ ਲਿਖਤੀ ਕੀਤੇ ਗਏ ਸਮਝੌਤੇ ਤੋਂ ਮੁੱਕਰ ਗਏ।
ਐਸਡੀ ਬੋਪਾਰਾਏ ਨੇ ਕੁਮੈਂਟ ਕੀਤਾ, ਬਿਲਕੁਲ ਸਹੀ ਕੀਤਾ
ਇੰਦਰ ਜੋਰਡਨ ਨੇ ਕੁਮੈਂਟ ਕੀਤਾ, ਸਹੀ ਐ ਜੀ ਬਿਨ੍ਹਾ ਝਾੜ ਤੋਂ ਕੰਮ ਨਹੀਂ ਕਰਦੇ
Comments
ਆਰ ਸਹੋਤਾ ਨੇ ਕੁਮੈਂਟ ਕੀਤਾ, ਗਰੀਬ ਬੰਦੇ ਨੂੰ ਤਾਂ ਕੁਝ ਨਹੀਂ ਸਮਝਦੇ ਇਹ ਅਫ਼ਸਰ ਗੁੱਡ ਜੋਬ
ਨਿਰਮਲ ਸਿੰਘ ਆਨੰਦਪੁਰੀਆ ਨੇ ਕੁਮੈਂਟ ਕੀਤਾ, ਬਿਲਕੁਲ ਸਹੀ ਕਿਹਾ ਬੈਂਸ ਸਾਹਿਬ ਨੇ
ਹਰਵਿੰਦਰ ਸਿੰਘ ਨੇ ਕੁਮੈਂਟ ਕੀਤਾ, 101% ਠੀਕ ਕੀਤਾ ਬਟਾਲਾ ਦਾ ਐਮਐਲਏ ਬਣੋ ਬੈਂਸ ਸਾਬ, ਸਾਰੇ ਤੁਹਾਡੇ ਨਾਲ ਹਨ।
ਇਸ ਪੋਲ ਸਰਵੇ ਤੋਂ ਅੰਦਾਜ਼ਾ ਲਗਾਇਆ ਜਾ ਸਕਦਾ ਹੈ ਕਿ ਸਿਮਰਜੀਤ ਬੈਂਸ ਵੱਲੋਂ ਡੀਸੀ ਨੂੰ ਝਾੜ ਪਾਉਣ ਕਿੰਨ ਕੁ ਜਾਇਜ਼ ਸੀ ਜ਼ਿਆਦਾ ਤਰ ਲੋਕਾਂ ਨੇ ਸਿਮਰਜੀਤ ਸਿੰਘ ਬੈਂਸ ਦੇ ਹੱਕ ਵਿਚ ਕੁਮੈਂਟ ਕੀਤੇ।
