File Photo
ਮ੍ਰਿਤਕ ਆਪਣੇ ਪਿੱਛੇ ਪਤਨੀ ਅਤੇ 3 ਬੱਚੇ ਛੱਡ ਗਿਆ ਹੈ।
Punjab News: ਪਟਿਆਲਾ - ਪਟਿਆਲਾ ਵਿਚ ਪਾਵਰਕਾਮ ਦੇ ਲਾਈਨਮੈਨ ਦੀ ਦਰੱਖਤ ਦੀ ਟਾਹਣੀ ਡਿੱਗਣ ਕਰ ਕੇ ਮੌਤ ਹੋ ਗਈ। ਸਥਾਨਕ ਸ਼ਹਿਰ ਦੀ ਬੀਡ ਕੌਲੀ ਵਿਚ ਬੀਤੇ ਕੱਲ ਬਿਜਲੀ ਦੀਆਂ ਤਾਰਾਂ ਵਿਚ ਫਸੀਆਂ ਦਰੱਖਤ ਦੀਆਂ ਟਹਿਣੀਆਂ ਨੂੰ ਮੁਲਾਜ਼ਮ ਕੱਟ ਰਹੇ ਸਨ ਇਸੇ ਦੌਰਾਨ ਹੇਠਾਂ ਪੌੜੀ ਪੜ ਕੇ ਖੜੇ ਅਸਿਸਟੈਂਟ ਲਾਈਨਮੈਨ ਮਲਕੀਤ ਸਿੰਘ ਨਿਵਾਸੀ ਸ਼ੰਕਰਪੁਰ 'ਤੇ ਇਕ ਟਾਹਣੀ ਟੁੱਟ ਕੇ ਡਿੱਗ ਗਈ ਤੇ ਉਹ ਜਖਮੀ ਹੋ ਗਿਆ ਪਰ ਜਦੋਂ ਹੀ ਉਹ ਹਸਪਤਲਾ ਪਹੁੰਚਿਆ ਤਾਂ ਉਸ ਦੀ ਮੌਤ ਹੋ ਗਈ।
ਚੌਕੀ ਬਹਾਦਰਗੜ੍ਹ ਪੁਲਿਸ ਨੇ ਪੋਸਟਮਾਰਟਮ ਮਗਰੋਂ ਲਾਸ਼ ਵਾਰਸਾਂ ਹਵਾਲੇ ਕਰ ਦਿੱਤੀ ਹੈ। ਮੁਲਾਜ਼ਮ ਤੇ ਟੀਐਸਯੂ ਯੂਨੀਅਨ ਬਹਾਦਰਗੜ੍ਹ ਦੇ ਇਲਾਕਾ ਪ੍ਰਧਾਨ ਰਾਮ ਦੁਲਾਰਾ ਨੇ ਦੱਸਿਆ ਕਿ ਮਲਕੀਤ ਸਿੰਘ ਬਿਜਲੀ ਦੀਆਂ ਤਾਰਾਂ ’ਤੇ ਲਟਕਦੀ ਦਰੱਖਤ ਦੀ ਟਾਹਣੀ ਨੂੰ ਕੱਟਣ ਗਿਆ ਸੀ। ਘਟਨਾ ਵੀਰਵਾਰ ਦੁਪਹਿਰ 12:30 ਵਜੇ ਵਾਪਰੀ। ਮ੍ਰਿਤਕ ਆਪਣੇ ਪਿੱਛੇ ਪਤਨੀ ਅਤੇ 3 ਬੱਚੇ ਛੱਡ ਗਿਆ ਹੈ।
