ਪੰਥਕ ਸਿਆਸਤ ਵਿਚ ਜਿਸ ਕੋਲ ਸ਼੍ਰੋਮਣੀ ਕਮੇਟੀ ਹੈ, ਉਹ ਸਿੱਖ ਰਾਜਨੀਤੀ ਦਾ ਮੋਹਰਾ ਹੈ
ਅੰਮ੍ਰਿਤਸਰ(ਸੁਖਵਿੰਦਰਜੀਤ ਸਿੰਘ ਬਹੋੜੂ): ਮੋਦੀ ਸਰਕਾਰ ਨੇ ਸਿੱਖਾਂ ਦੀ ਮਿੰਨੀ ਸੰਸਦ ਸ਼੍ਰੋਮਣੀ ਗੁਰਦਵਾਰਾ ਪ੍ਰਬੰਧਕ ਕਮੇਟੀ ਦੀਆਂ ਚੋਣਾਂ ਕਰਵਾਉਣ ਲਈ ਮਨ ਬਣਾ ਲਿਆ ਹੈ ਤਾਂ ਜੋ ਬਾਦਲਾਂ ਨੂੰ ਧਾਰਮਕ ਖੇਤਰ ਵਿਚ ਵੀ ਚਿਤ ਕੀਤਾ ਜਾ ਸਕੇ। ਇਹ ਦਸਣਯੋਗ ਹੈ ਕਿ ਅਕਾਲੀ-ਭਾਜਪਾ ਗਠਜੋੜ ਦਾ ਤੋੜ ਵਿਛੋੜਾ ਖੇਤੀ ਆਰਡੀਨੈਂਸ ਦੇ ਗੰਭੀਰ ਮਸਲੇ 'ਤੇ ਹੋਇਆ ਹੈ।
Sukhbir Badal, Harsimrat Kaur Badal, Narendra Modi
ਹਰਸਿਮਰਤ ਕੌਰ ਬਾਦਲ ਰੋਸ ਵਜੋਂ ਕੇਂਦਰੀ ਮੰਡਲ ਤੋਂ ਅਸਤੀਫ਼ਾ ਦੇਣ ਉਪਰੰਤ ਸੁਖਬੀਰ ਸਿੰਘ ਬਾਦਲ ਪ੍ਰਧਾਨ ਸ਼੍ਰੋਮਣੀ ਅਕਾਲੀ ਦਲ ਨੇ ਭਾਜਪਾ ਨੂੰ ਅਲਵਿਦਾ ਆਖ ਦਿਤੀ ਜੋ ਇਨ੍ਹਾਂ ਦਾ ਕਾਫ਼ੀ ਪੁਰਾਣਾ ਗਠਜੋੜ ਸੀ, ਵੱਡੇ ਬਾਦਲ ਇਸ ਗਠਜੋੜ ਨੂੰ ਨਹੁੰ-ਮਾਸ ਦਾ ਰਿਸ਼ਤਾ ਦਿਤਾ ਸੀ, ਪਰ ਸਿਆਸਤ ਵਿਚ ਦੋਸਤੀਆਂ ਤੇ ਦੁਸ਼ਮਣੀਆਂ ਪਲ-ਪਲ ਤੇ ਡਿਗਦੀਆਂ ਰਹਿੰਦੀਆਂ ਹਨ।
farmer protest
ਬਾਦਲਾਂ ਦੀ ਅਗਵਾਈ ਵਾਲੇ ਸ਼੍ਰੋਮਣੀ ਅਕਾਲੀ ਦਲ ਸਮੇਤ ਸਮੂਹ ਦਲਾਂ ਦਾ ਮੁੱਢ ਕਿਸਾਨ ਹੈ ਜੋ ਮੋਦੀ ਸਰਕਾਰ ਵਿਰੁਧ ਸੜਕਾਂ ਅਤੇ ਰੇਲ ਪਟੜੀਆਂ 'ਤੇ ਬੈਠੇ ਹਨ। ਭਾਜਪਾ ਨੇ ਕਿਸਾਨੀ ਨਾਲ ਸਬੰਧਤ ਬਿਲ ਤੇਜ਼ੀ ਨਾਲ ਪਾਸ ਕਰ ਕੇ ਵੱਡੇ ਘਰਾਣਿਆਂ ਨੂੰ ਖ਼ੁਸ਼ ਕਰ ਲਿਆ ਹੈ ਪਰ ਦੂਸਰੇ ਪਾਸੇ ਕਿਸਾਨੀ ਨੇ ਇਹ ਬਿਲ ਰੱਦ ਕਰਵਾਉਣ ਲਈ ਅੰਦੋਲਨ ਸ਼ੁਰੂ ਕੀਤਾ ਹੈ ਪਰ ਮੋਦੀ ਹਕੂਮਤ ਟਸ ਤੋਂ ਮਸ ਨਹੀਂ ਹੋ ਰਹੀ
SGPC
ਜਿਸ ਦਾ ਖ਼ਮਿਆਜ਼ਾ ਭਾਰਤੀਆਂ ਨੂੰ ਭੁਗਤਣਾ ਪਵੇਗਾ। ਸਿੱਖ ਹਲਕਿਆਂ ਮੁਤਾਬਕ ਬਾਦਲਾਂ ਦੀਆਂ ਗ਼ਲਤ ਨੀਤੀਆਂ ਨੇ ਨੌਬਤ ਇਥੋਂ ਤਕ ਲਿਆਂਦੀ ਜੋ 10 ਸਾਲ ਤੋਂ ਭਾਜਪਾ ਅੱਗੇ ਗੋਡੇ ਟੇਕਦੀ ਰਹੀ ਤੇ ਹੁਣ ਉਸ ਨੂੰ ਕਿਸਾਨੀ ਦਾ ਹੇਜ਼ ਚੜ੍ਹ ਗਿਆ ਹੈ। ਇਥੇ ਇਹ ਵੀ ਦਸਿਆ ਜਾਂਦਾ ਹੈ ਕਿ ਕੇਂਦਰ ਸਰਕਾਰ ਨੇ ਚੋਣ ਕਰਵਾਉਣ ਲਈ ਸੇਵਾ ਮੁਕਤ ਜਸਟਿਸ ਬਲਦੇਵ ਸਿੰਘ ਦੀ ਨਿਯੁਕਤੀ ਕਰ ਦਿਤੀ ਹੈ। ਚਰਚਾ ਹੈ ਕਿ ਭਾਜਪਾ ਨੇ ਅੱਧੋ-ਅੱਧ 60-57 ਵਿਧਾਨ ਸਭਾ ਦੀਆਂ ਸੀਟਾਂ 'ਤੇ ਚੋਣ ਲੜਨੀ ਹੈ ਤੇ ਸਿੱਖ ਪ੍ਰਭਾਵ ਵਾਲੇ ਸੂਬੇ ਦਾ ਖ਼ਤਮ ਕਰਨਾ ਹੈ।
Captain Amarinder Singh and Sukhbir Singh Badal
ਸੂਤਰ ਦਸਦੇ ਹਨ ਕਿ ਕੈਪਟਨ ਸਰਕਾਰ ਕਰ ਕੇ ਬਾਦਲਾਂ ਨੇ ਹੀ ਸ਼੍ਰੋਮਣੀ ਕਮੇਟੀ ਦੀਆਂ ਚੋਣਾਂ ਨਾ ਕਰਵਾਉਣ ਲਈ ਅਪਣਾ ਅਸਰ-ਰਸੂਖ ਵਰਤਿਆ ਸੀ ਜਿਸ ਨੂੰ ਭਾਜਪਾ ਨੇ ਹਥਿਆਰ ਬਣਾ ਕੇ ਬਾਦਲਾਂ ਨੂੰ ਝਟਕਾ ਗੁਰਦਵਾਰਾ ਚੋਣ ਕਮਿਸ਼ਨ ਹੀ ਨਿਯੁਕਤੀ ਕਰ ਕੇ ਦੇ ਦਿਤਾ ਹੈ। ਅੰਗਰੇਜ਼ਾਂ ਤੋਂ ਬਾਅਦ ਦੇਸ਼ ਅਜ਼ਾਦ ਹੋਣ ਤੇ ਸ਼੍ਰੋਮਣੀ ਕਮੇਟੀ ਦੀ ਚੋਣ ਕਦੇ ਸਮੇਂ ਸਿਰ ਨਹੀਂ ਹੋਈ।
