ਇਕ ਫ਼ੌਜੀ ਵਲੋਂ ਅਪਣੀ ਸਰਵਿਸ ਰਾਇਫ਼ਲ ਨਾਲ ਖ਼ੁਦ ਨੂੰ ਗੋਲੀ ਮਾਰ ਕੇ ਖ਼ੁਦਕੁਸ਼ੀ ਕਰਨ ਦਾ ਮਾਮਲਾ ਸਾਹਮਣੇ...
ਫਿਰੋਜ਼ਪੁਰ (ਸਸਸ) : ਇਕ ਫ਼ੌਜੀ ਵਲੋਂ ਅਪਣੀ ਸਰਵਿਸ ਰਾਇਫ਼ਲ ਨਾਲ ਖ਼ੁਦ ਨੂੰ ਗੋਲੀ ਮਾਰ ਕੇ ਖ਼ੁਦਕੁਸ਼ੀ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਫ਼ੌਜੀ ਨੇ ਖ਼ੁਦਕੁਸ਼ੀ ਕਰਨ ਲਈ ਅਸਲਾ ਭੰਡਾਰ ਵਿਚੋਂ ਰਾਇਫ਼ਲ ਇਸ਼ੂ ਕਰਵਾਈ ਸੀ। ਇਸ ਸਬੰਧ ਵਿਚ ਥਾਣਾ ਕੈਂਟ ਪੁਲਿਸ ਨੂੰ ਸੂਚਨਾ ਦਿਤੀ ਹੈ। ਪੁਲਿਸ ਦੇ ਮੁਤਾਬਕ, ਜਵਾਨ ਓਮਾਸ਼ੰਕਰ ਮਿਸ਼ਰਾ 607 ਈਐਮਈ ਬਟਾਲੀਅਨ ਫਿਰੋਜ਼ਪੁਰ ਵਿਚ ਤੈਨਾਤ ਸੀ।
ਪੰਜਾਬ ਵਿਚ ਅਲਰਟ ਐਲਾਨ ਹੋਣ ਦੇ ਕਾਰਨ ਉਸ ਨੇ ਅਸਲਾ ਭੰਡਾਰ ਵਿਚੋਂ ਵੀਰਵਾਰ ਨੂੰ ਅਪਣੀ ਸਰਵਿਸ ਰਾਇਫ਼ਲ ਇੰਸਾਸ ਇਸ਼ੂ ਕਰਵਾਈ। ਜਵਾਨ ਵਲੋਂ ਰਾਤ ਦੇ ਸਮੇਂ ਗੋਲੀ ਮਾਰ ਕੇ ਖ਼ੁਦਕੁਸ਼ੀ ਕੀਤੀ ਗਈ। ਓਮਸ਼ੰਕਰ ਦੇ ਖ਼ੁਦਕੁਸ਼ੀ ਕਰਨ ‘ਤੇ ਬਟਾਲੀਅਨ ਵਿਚ ਹਫ਼ੜਾ ਦਫ਼ੜੀ ਮੱਚ ਗਈ। ਸੂਚਨਾ ਮਿਲਦੇ ਹੀ ਫ਼ੌਜ ਦੇ ਸੀਨੀਅਰ ਅਧਿਕਾਰੀ ਘਟਨਾ ਸਥਾਨ ‘ਤੇ ਪਹੁੰਚ ਗਏ। ਓਮਾਸ਼ੰਕਰ ਨੂੰ ਹਸਪਤਾਲ ਲੈ ਕੇ ਪਹੁੰਚੇ, ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਕਰ ਦਿਤਾ।
ਓਮਾਸ਼ੰਕਰ ਦੇ ਖ਼ੁਦਕੁਸ਼ੀ ਕਰਨ ਦੇ ਕਾਰਨਾਂ ਦਾ ਪਤਾ ਨਹੀਂ ਲੱਗ ਸਕਿਆ ਹੈ। ਸੂਤਰਾਂ ਦੇ ਮੁਤਾਬਕ, ਓਮਾਸ਼ੰਕਰ ਦੀ ਡਿਊਟੀ ਵਰਕਸ਼ਾਪ ਵਿਚ ਸੀ, ਜਿਸ ਜਵਾਨ ਦੀ ਡਿਊਟੀ ਰਾਤ ਦੇ ਸਮੇਂ ਹੁੰਦੀ ਹੈ, ਉਸ ਨੂੰ ਹੀ ਅਸਲਾ ਇਸ਼ੂ ਹੁੰਦਾ ਹੈ। ਮਿਲੀ ਜਾਣਕਾਰੀ ਦਾ ਕਹਿਣਾ ਹੈ ਕਿ ਓਮਾਸ਼ੰਕਰ ਦੀ ਰਾਤ ਨੂੰ ਡਿਊਟੀ ਨਹੀਂ ਸੀ। ਫੌਜ ਦੇ ਅਧਿਕਾਰੀ ਓਮਾਸ਼ੰਕਰ ਦੀ ਖੁਦਕੁਸ਼ੀ ਦੇ ਕਾਰਨਾਂ ਦਾ ਪਤਾ ਲਗਾਉਣ ਵਿਚ ਜੁਟੇ ਹਨ।
