ਦੁਪਹੀਆ ਵਾਹਨ ’ਤੇ ਦੋਹਰੀ ਸਵਾਰੀ ’ਤੇ ਵੀ ਹੈ ਰੋਕ, ਸਿਰਫ਼ ਪਤੀ-ਪਤਨੀ ਹੋਣ ’ਤੇ ਛੋਟ
ਚੰਡੀਗੜ੍ਹ: ਪੰਜਾਬ ਸਰਕਾਰ ਦੇ ਸਬੰਧਤ ਵਿਭਾਗਾਂ ਤੋਂ ਤਾਲਾਬੰਦੀ ਦੌਰਾਨ ਲਾਗੂ ਪਾਬੰਦੀਆਂ ’ਤੇ ਛੋਟਾਂ ਦੇ ਸਬੰਧ ’ਚ ਸਥਿਤੀ ਸਾਫ਼ ਹੋਈ ਹੈ। ਸਰਕਾਰੀ ਤੌਰ ’ਤੇ ਇਸ ਗੱਲ ਦੀ ਪੁਸ਼ਟੀ ਹੋ ਗਈ ਹੈ ਕਿ ਮਾਸਕ ਪਾਉਣ ਦੀਆਂ ਪਾਬੰਦੀਆਂ ਤਹਿਤ ਗੱਡੀ ਚਲਾਉਂਦੇ ਸਮੇਂ ਵੀ ਅਤੇ ਗੱਡੀ ’ਚ ਬੈਠੇ ਹੋਰ ਲੋਕਾਂ ਲਈ ਵੀ ਮਾਸਕ ਪਾਉਣਾ ਜ਼ਰੂਰੀ ਹੈ।
Mask
ਜ਼ਿਕਰਯੋਗ ਹੈ ਕਿ ਇਸ ਨੂੰ ਲੈ ਕੇ ਉਸ ਸਮੇਂ ਪਿਛਲੇ ਦਿਨੀਂ ਵਿਵਾਦ ਪੈਦਾ ਹੋ ਗਿਆ ਸੀ ਜਦੋਂ ਗੱਡੀ ’ਚ ਬਗ਼ੈਰ ਮਾਸਕ ਜਾ ਰਹੀ ਡਾਕਟਰ ਦਾ ਪੁਲਿਸ ਨੇ ਪਟਿਆਲਾ ’ਚ ਚਲਾਨ ਕਰ ਦਿਤਾ ਸੀ। ਜ਼ਿਲ੍ਹੇ ਦੇ ਸਿਵਲ ਸਰਜਨ ਨੇ ਇਸ ਨੂੰ ਗ਼ਲਤ ਦਸਦਿਆਂ ਐਸ.ਐਸ.ਪੀ. ਨੂੰ ਚਿੱਠੀ ਲਿਖੀ ਸੀ।
Mask
ਇਸ ਬਾਬਤ ਸਿਹਤ ਸਬੰਧੀ ਪਾਬੰਦੀਆਂ ਲਾਗੂ ਕਰਨ ਲਈ ਮਹਾਂਮਾਰੀ ਕੰਟਰੋਲ ਐਕਟ ਤਹਿਤ ਨਿਯੁਕਤ ਸੂਬਾ ਅਧਿਕਾਰੀ ਅਤੇ ਸਿਹਤ ਵਿਭਾਗ ਦੀ ਡਾਇਰੈਕਟਰ ਡਾ. ਅਵਨੀਤ ਕੌਰ ਵਲੋਂ ਜਾਰੀ ਹੁਕਮਾਂ ’ਚ ਸਪੱਸ਼ਟ ਲਿਖਿਆ ਹੈ ਕਿ ਗੱਡੀ ਅੰਦਰ ਵੀ ਮਾਸਕ ਪਾਉਣਾ ਜ਼ਰੂਰੀ ਹੈ।
Mask
ਇਸ ਹੁਕਮ ਅਨੁਸਾਰ ਦਫ਼ਤਰਾਂ ਅੰਦਰ ਬੈਠਣ ਸਮੇਂ ਵੀ ਸੱਭ ਮੁਲਾਜ਼ਮਾਂ ਲਈ ਮਾਸਕ ਪਾਉਣਾ ਜ਼ਰੂਰੀ ਹੈ। ਇਸੇ ਤਰ੍ਹਾਂ ਦੁਪਹੀਆ ਵਾਹਨ ’ਤੇ ਦੋ ਸਵਾਰੀਆਂ ਬਿਠਾਉਣ ਸਬੰਧੀ ਹੁਕਮਾਂ ਬਾਰੇ ਵੀ ਟਰਾਂਸਪੋਰਟ ਮਹਿਕਮੇ ਨੇ ਸਪੱਸ਼ਟ ਕੀਤਾ ਹੈ ਕਿ ਦੁਪਹੀਆ ਵਾਹਨ ’ਤੇ ਦੋਹਰੀ ਸਵਾਰੀ ’ਤੇ ਰੋਕ ਹੈ।
Mask
ਪਰ ਪਤੀ-ਪਤਨੀ ਜਾਂ ਨਾਬਾਲਗ ਬੱਚਾ ਹੋਣ ਦੀ ਸੂਰਤ ’ਚ ਦੋਹਰੀ ਸਵਾਰੀ ਤੋਂ ਛੋਟ ਹੈ। ਇਸੇ ਤਰ੍ਹਾਂ ਇਕ ਜ਼ਿਲ੍ਹੇ ਤੋਂ ਦੂਜੇ ਜ਼ਿਲ੍ਹੇ ’ਚ ਅਪਣੀ ਨਿਜੀ ਗੱਡੀ ’ਤੇ ਜਾਣ ਸਬੰਧੀ ਹੁਕਮ ਸਬੰਧੀ ਵੀ ਸਥਿਤੀ ਸਪੱਸ਼ਟ ਹੋਈ ਹੈ ਕਿ ਇਸ ਲਈ ਕੋਵਾ ਐਪ ਹੋਣਾ ਅਤੇ ਉਸ ’ਚ ਸਵੈ ਤੌਰ ’ਤੇ ਤਿਆਰ ਈ-ਪਾਸ ਹੋਣਾ ਜ਼ਰੂਰੀ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
