ਪੰਜਾਬ `ਚ ਲਗਾਤਾਰ ਲੁੱਟਾ ਖੋਹਾਂ ਦੀਆਂ ਘਟਨਾਵਾਂ ਲਗਾਤਾਰ ਵੱਧ ਦੀਆਂ ਜਾ ਰਹੀਆਂ ਹਨ।
ਲੁਧਿਆਣਾ : ਪੰਜਾਬ `ਚ ਲਗਾਤਾਰ ਲੁੱਟਾ ਖੋਹਾਂ ਦੀਆਂ ਘਟਨਾਵਾਂ ਲਗਾਤਾਰ ਵੱਧ ਦੀਆਂ ਜਾ ਰਹੀਆਂ ਹਨ। ਕੁਝ ਸ਼ਰਾਰਤੀ ਅਨਸਰਾਂ ਵਲੋਂ ਇਹਨਾਂ ਘਟਨਾਵਾਂ ਨੂੰ ਅੰਜ਼ਾਮ ਦਿੱਤਾ ਜਾ ਰਿਹਾ ਹੈ। ਅਜਿਹੀ ਹੀ ਇੱਕ ਘਟਨਾ ਲੁਧਿਆਣਾ ਦੇ ਦੁਗਰੀ ਫੇਸ - 3 ਦੇ ਕਰਨੈਲ ਸਿੰਘ ਨਗਰ ਦੀ ਗਲੀ ਨੰਬਰ 10 ਵਿਚ ਸਾਹਮਣੇ ਆਈ ਹੈ। ਜਿਥੇ ਠੇਕੇਦਾਰ ਦੇ ਘਰ `ਚ ਆਏ ਨਕਾਬਪੋਸ਼ ਗਨ ਪੁਆਇੰਟ ਉੱਤੇ ਪੂਰੇ ਪਰਵਾਰ ਨੂੰ ਬੰਧਕ ਬਣਾ ਕੇ 1.50 ਲੱਖ ਦੀ ਨਕਦੀ ਲੁੱਟ ਕੇ ਲੈ ਗਏ। ਦਸਿਆ ਜਾ ਰਿਹਾ ਹੈ ਕਿ ਜਾਂਦੇ ਸਮੇਂ ਉਨ੍ਹਾਂ ਨੇ ਪਤੀ-ਪਤਨੀ ਅਤੇ ਦੋਨਾਂ ਬੇਟਿਆਂ ਨੂੰ ਬਾਥਰੂਮ ਵਿਚ ਬੰਦ ਕਰ ਦਿੱਤਾ ਅਤੇ ਸਾਰਿਆਂ ਦੇ ਮੋਬਾਇਲ ਫੋਨ ਆਪਣੇ ਨਾਲ ਲੈ ਗਏ।
ਘਟਨਾ ਦਾ ਪਤਾ ਚਲਦਿਆ ਹੀ ਸਥਾਨਕ ਪੁਲਿਸ ਮੌਕੇ `ਤੇ ਪਹੁੰਚ ਗਈ।ਦਸਿਆ ਜਾ ਰਿਹਾ ਹੈ ਕਿ ਇਸ ਮਾਮਲੇ ਵਿਚ ਥਾਨਾ ਦੁਗਰੀ ਦੀ ਪੁਲਿਸ ਨੇ ਅਗਿਆਤ ਲੁਟੇਰਿਆਂ ਦੇ ਖਿਲਾਫ਼ ਧਾਰਾ 392 , ਦੇ ਅਧੀਨ ਕੇਸ ਦਰਜ ਕਰ ਉਨ੍ਹਾਂ ਦੀ ਤਲਾਸ਼ ਸ਼ੁਰੂ ਕਰ ਦਿੱਤੀ ਹੈ।ਪੁਲਿਸ ਨੂੰ ਦਿੱਤੀ ਸ਼ਿਕਾਇਤ ਵਿਚ ਰਾਮਪਤੀ ਸਾਹਿਨੀ ਨੇ ਦੱਸਿਆ ਕਿ ਉਸ ਦੇ ਪਤੀ ਲਲਨ ਸਾਹਿਨੀ ਠੇਕੇਦਾਰ ਹੈ ਅਤੇ ਲੋਕਾਂ ਦੇ ਘਰ ਬਣਾਉਣ ਦਾ ਕੰਮ ਕਰਦੇ ਹੈ। ਨਾਲ ਹੀ ਉਹਨਾਂ ਨੇ ਕਿਹਾ ਕਿ ਉਸ ਦਾ ਵੱਡਾ ਪੁੱਤਰ ਰਾਹੁਲ ( 18 ) ਅਤੇ ਛੋਟਾ ਪੁੱਤਰ ਨੀਤੀਸ਼ ( 17 ) ਪੜ੍ਹਦੇ ਹਨ।
ਉਹਨਾਂ ਦਾ ਕਹਿਣਾ ਹੈ ਕਿ ਅਸੀਂ ਘਰ `ਚ ਇੱਕਲੇ ਸੀ। ਉਦੋਂ 2 ਲੁਟੇਰੇ ਇਕ ਦਮ ਤੋਂ ਅੰਦਰ ਆ ਗਏ। ਇੱਕ ਨੇ ਸਿਰ `ਤੇ ਟੋਪੀ ਅਤੇ ਚਿਹਰੇ `ਤੇ ਰੁਮਾਲ ਬੰਨਿਆ ਹੋਇਆ ਸੀ , ਜਦੋਂ ਕਿ ਦੂਜੇ ਦਾ ਚਿਹਰਾ ਸਾਫ਼ ਵਿਖਾਈ ਦੇ ਰਿਹੇ ਸੀ।ਦੋਨਾਂ ਨੇ ਹੱਥਾਂ `ਚ ਰਿਵਾਲਵਰ ਫੜੇ ਹੋਏ ਸਨ। ਜਦੋਂ ਵੱਡਾ ਪੁੱਤਰ ਰਾਹੁਲ ਬਾਹਰ ਆਇਆ ਤਾਂ ਉਨ੍ਹਾਂ ਨੇ ਉਸ ਨੂੰ ਫੜ ਕੇ ਡਰਾਇੰਗ ਰੂਮ ਵਿਚ ਬਿਠਾ ਲਿਆ ਅਤੇ ਪਿਓ ਨੂੰ ਫੋਨ ਕਰ ਕੇ ਘਰ ਬੁਲਾਉਣ ਨੂੰ ਕਿਹਾ। ਇਸ ਦੌਰਾਨ ਉਸ ਦਾ ਛੋਟਾ ਭਰਾ ਅਤੇ ਮਾਂ ਬਾਹਰ ਆ ਗਏ। ਲੁਟੇਰਿਆਂ ਨੇ ਉਨ੍ਹਾਂ ਨੂੰ ਵੀ ਡਰਾਇੰਗ ਰੂਮ ਵਿਚ ਬੈਠਣ ਨੂੰ ਕਿਹਾ। 15 ਮਿੰਟ ਬਾਅਦ ਹੀ ਉਸ ਦੇ ਪਤੀ ਘਰ ਆ ਗਿਆ।
ਲੁਟੇਰਿਆਂ ਨੇ ਅੰਦਰ ਤੋਂ ਦਰਵਾਜਾ ਬੰਦ ਕਰ ਉਸ ਦੀ ਕਨਪਟੀ `ਤੇ ਰਿਵਾਲਵਰ ਤਾਨ ਦਿੱਤੀ ਅਤੇ ਉਹਨਾਂ ਨਾਲ ਮਾਰ ਕੁੱਟ ਕੀਤੀ। ਪਰਵਾਰਿਕ ਮੈਂਬਰਾਂ ਦੇ ਮੁਤਾਬਕ ਦੋਨਾਂ ਲੁਟੇਰਿਆਂ ਨੇ ਉਸ ਦੇ ਪਿਤਾ ਉੱਤੇ ਰਿਵਾਲਵਰ ਤਾਨੀ ਹੋਈ ਸੀ ਅਤੇ ਧਮਕਾ ਰਹੇ ਸਨ ਉਸ ਦੀ 5 ਲੱਖ ਰੁਪਏ ਵਿਚ ਸੁਪਾਰੀ ਲਈ ਹੈ, ਕਿਉਂਕਿ ਉਸ ਨੇ ਗੁਰਦੇਵ ਨਗਰ ਵਿਚ ਇੱਕ ਕਬਜੇ ਦੇ ਮਕਾਨ ਦੀ ਉਸਾਰੀ ਕਰਨੀ ਸ਼ੁਰੂ ਕਰ ਦਿੱਤੀ ਸੀ। ਜਦੋਂ ਕਿ ਉਕਤ ਜਗ੍ਹਾ ਉਤੇ ਕੰਮ ਕਰਨ ਤੋਂ ਰੋਕਿਆ ਗਿਆ ਸੀ। ਉਨ੍ਹਾਂ ਦੇ ਵਲੋਂ ਸੁਪਾਰੀ ਦਿੱਤੀ ਗਈ ਹੈ।
