ਜਲੰਧਰ 'ਚ 'ਸਵਾਈਨ ਫਲੂ' ਦਾ ਕਹਿਰ
ਜਲੰਧਰ: ਜਲੰਧਰ 'ਚ 'ਸਵਾਈਨ ਫਲੂ' ਦਾ ਕਹਿਰ ਕਈ ਸਾਲਥਾਂ ਤਪਂ ਲਗਾਤਾਰ ਜਾਰੀ ਹੈ। ਦਅਰਸਲ ਇਸ ਸਾਲ 'ਸਵਾਈਨ ਫਲੂ' ਕਾਰਨ ਹੋਈਆਂ 2 ਮੌਤਾਂ ਤੋਂ ਬਾਅਦ ਇਹ ਆਂਕੜਾ 22 ਤੱਕ ਪੁੱਜ ਗਿਆ ਹੈ। ਸਾਲ 2009ਤੋਂ ਹੁਣ ਤੱਕ 62 ਲੋਕ 'ਸਵਾਈਨ ਫਲੂ' ਦੇ ਸ਼ਿਕਾਰ ਹੋਏ ਸਨ, ਜਿਨ੍ਹਾਂ 'ਚੋਂ ਹੁਣ ਤੱਕ 22 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ।
Swine Flu
ਉੱਥੇ ਹੀ ਇਸ ਮਾਮਲੇ 'ਚ ਜ਼ਿਲੇ ਦਾ ਆਈ. ਡੀ. ਐੱਸ. ਪੀ. ਡਾ. ਸਤੀਸ਼ ਸੂਦ ਦਾ ਕਹਿਣਾ ਹੈ ਕਿ ਪਹਿਲਾਂ ਇਸ ਦੀ ਦਵਾਈ ਅਤੇ ਇਲਾਜ ਬਾਰੇ ਨਹੀਂ ਜਾਣਦੇ ਸਨ ਪਰ ਹੁਣ ਇਹ ਲੋਕ ਦਵਾਈ 'ਤੇ ਹੀ ਨਿਰਭਰ ਹਨ। ਜ਼ਿਕਰਯੋਗ ਹੈ ਕਿ ਜ਼ਿਲੇ ਅੰਦਰ ਸਾਲ 2009 'ਚ 'ਸਵਾਈਨ ਫਲੂ' ਦੇ 43 ਮਾਮਲੇ ਸਾਹਮਣੇ ਆਏ ਸਨ, ਜਿਨ੍ਹਾਂ 'ਚੋਂ ਸਾਲ 2010 'ਚ 14 ਲੋਕਾਂ ਦੀ ਮੌਤ ਹੋ ਗਈ। ਸਾਲ 2011 'ਚ ਇਸ ਮਾਮਲੇ ਦੇ 4 ਕੇਸ ਸਾਹਮਣੇ ਆਏ, ਜਿਨ੍ਹਾਂ 'ਚੋਂ 2 ਦੀ ਮੌਤ ਹੋ ਗਈ।
Swine Flu
ਇਸੇ ਤਰ੍ਹਾਂ ਸਾਲ 2012 'ਚ ਇਸ ਬੀਮਾਰੀ ਦਾ ਕੋਈ ਮਰੀਜ਼ ਸਾਹਮਣੇ ਨਹੀਂ ਆਇਆ ਪਰ ਸਾਲ 2013 'ਚ ਇਸ ਬੀਮਾਰੀ ਦੇ 6 ਮਰੀਜ਼ ਪਾਏ ਗਏ, ਜਿਨ੍ਹਾਂ 'ਚੋਂ ਇਕ ਦੀ ਮੌਤ ਹੋ ਗਈ। ਸਾਲ 2014 'ਚ ਵੀ ਇਸ ਬੀਮਾਰੀ ਦੇ 4 ਮਰੀਜ਼ਾਂ 'ਚੋਂ 3 ਮਰੀਜ਼ ਮੌਤ ਦੇ ਮੂੰਹ 'ਚ ਚਲੇ ਗਏ।
Photo
ਜੇਕਰ ਗੱਲ ਕਰੀਏ ਇਸ ਸਾਲ ਦੀ ਤਾਂ ਸਵਾਈਨ ਫਲੂ ਦੇ 4 ਮਾਮਲਿਆਂ ਬਾਰੇ ਪਤਾ ਲੱਗਿਆ, ਜਿਨ੍ਹਾਂ 'ਚੋਂ 2 ਮਰੀਜ਼ਾਂ ਦੀ ਮੌਤ ਹੋ ਚੁੱਕੀ ਹੈ। ਜਿਸ 'ਤੇ ਡਾ. ਸੂਦ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੇ ਧਿਆਨ 'ਚ ਆਉਣ ਵਾਲੇ ਇਨ੍ਹਾਂ ਸਾਰੇ ਕੇਸਾਂ ਦਾ ਉਹ ਵਧੀਆ ਢੰਗ ਨਾਲ ਇਲਾਜ ਕਰ ਰਹੇ ਹਨ।
Photo
ਇਸ ਬੀਮਾਰੀ ਦਾ ਸਾਹਮਣਾ ਕਰਨ ਲਈ ਸਿਵਲ ਹਸਪਤਾਲ 'ਚ ਪੁਖਤਾ ਪ੍ਰਬੰਧ ਕੀਤੇ ਗਏ ਹਨ। ਉਨ੍ਹਾਂ ਨੇ ਕਿਹਾ ਹੈ ਕਿ 'ਸਵਾਈਨ ਫਲੂ' ਹੋਣ 'ਤੇ ਘਬਰਾਉਣ ਦੀ ਲੋੜ ਨਹੀਂ ਹੈ, ਸਗੋਂ ਇਸ ਦਾ ਵਧੀਆ ਤਰੀਕੇ ਨਾਲ ਇਲਾਜ ਹੋਣਾ ਜ਼ਰੂਰੀ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
