ਸਰਕਾਰ ਦੇ ਲਾਰਿਆਂ ਨੇ ਡੋਬੇ ਕਿਸਾਨ!
ਮੁਕਤਸਰ ਸਾਹਿਬ: ਮਾਮਲਾ ਸ੍ਰੀ ਮੁਕਤਸਰ ਸਾਹਿਬ ਦੇ ਨੇੜਲੇ ਪਿੰਡ ਉਦੇਕਰਨ ਦਾ ਹੈ ਜਿੱਥੇ ਬਰਸਾਤ ਦੇ ਪਾਣੀ ਨੂੰ ਸੜਕ ਪੁੱਟ ਕੇ ਸੂਏ ਵਿਚ ਸੁਟਣ ਆਏ ਪ੍ਰਸ਼ਾਸਨਿਕ ਅਧਿਕਾਰੀ ਦਾ ਕਿਸਾਨਾਂ ਤੇ ਪਿੰਡਾਂ ਦੇ ਲੋਕਾਂ ਨੇ ਜੰਮ ਕੇ ਵਿਰੋਧ ਕੀਤਾ।
ਦਰਅਸਲ ਪਿੰਡ ਦਾ ਇਕ ਹਿੱਸਾ ਜੋ ਕੋਟਕਪੂਰਾ ਰੋਡ ਨਾਲ ਲਗਦਾ ਕਾਫੀ ਨੀਵਾਂ ਹੋਣ ਕਾਰਨ ਬੀਤੇ ਵਰੇ ਦੀ ਤਰਾਂ ਇਸ ਵਾਰ ਵੀ ਪਛਿਲੇ ਪਿੰਡਾਂ 'ਚ ਮੀਂਹ ਨੇ ਅਜਿਹੀ ਮਾਰ ਮਾਰੀ ਕਿ ਸੈਂਕੜੇ ਏਕੜ ਫਸਲ ਤਬਾਹ ਹੋ ਗਈ।
ਇੱਥੋਂ ਤੱਕ ਇੱਕ ਬਸਤੀ ਵੀ ਪਾਣੀ ਦੀ ਮਾਰ ਹੇਠ ਆਈ। ਹੁਣ ਪ੍ਰਸ਼ਾਸ਼ਨ ਇਸ ਪਾਣੀ ਨੂੰ ਫਿਰੋਜ਼ਪੁਰ ਰੋਡ ਪੁੱਟ ਕੇ ਸੜਕ ਪਾਰ ਕਰਕੇ ਸੂਏ ਵਿਚ ਸੁੱਟਣਾ ਚਾਹੁੰਦਾ ਹੈ। ਇਸ ਲਈ ਅੱਜ ਤਹਿਸੀਲਦਾਰ ਦੀ ਅਗਵਾਈ ਵਿਚ ਨਹਿਰੀ ਵਿਭਾਗ ਦੇ ਅਧਿਕਾਰੀ ਜਦੋਂ ਜੇ ਸੀ ਬੀ ਲੈ ਪਹੁੰਚੇ ਤਾਂ ਫਿਰੋਜ਼ਪੁਰ ਰੋਡ ਤੇ ਸਥਿਤ ਜ਼ਮੀਨ ਮਾਲਕਾਂ ਨੇ ਜੰਮ ਕੇ ਹੰਗਾਮਾ ਕੀਤਾ ਤੇ ਸੜਕ ਪੁੱਟਣ ਦਾ ਵਿਰੋਧ ਕੀਤਾ।
ਸ਼ਾਮਜੀਤ ਸਿੰਘ ਕਿਸਾਨ ਦਾ ਕਹਿਣਾ ਹੈ ਕਿ ਪ੍ਰਸ਼ਾਸ਼ਨ ਨੇ ਪਿਛਲੇ ਸਾਲ ਵੀ ਇਹੀ ਗੱਲ ਆਖੀ ਸੀ ਕਿ ਉਹਨਾਂ ਮੀਂਹ ਦਾ ਪਾਣੀ ਸੂਬੇ ਵਿਚ ਸੁਟਣਗੇ ਤੇ ਜਿੰਨਾ ਮੁਆਵਜ਼ਾ ਬਣਦਾ ਹੋਇਆ ਉਹ ਵੀ ਕਿਸਾਨਾਂ ਨੂੰ ਦਿੱਤਾ ਜਾਵੇਗਾ ਪਰ ਇਸ ਦਾ ਅਜੇ ਤਕ ਕੋਈ ਹੱਲ ਨਹੀਂ ਨਿਕਲਿਆ।
ਓਧਰ ਜਦੋਂ ਮੌਕੇ 'ਤੇ ਪਹੁੰਚੇ ਪ੍ਰਸ਼ਾਸਨਿਕ ਸਵਾਲਾਂ ਦਾ ਜਵਾਬ ਦੇਣ ਦੀ ਬਜਾਏ ਭਜਦੇ ਦਿਖੇ। ਸੋ ਹੁਣ ਦੇਖਣਾ ਹੋਵੇਗਾ ਪ੍ਰਸ਼ਸਨ ਦੇ ਉੱਚ ਅਧਿਕਾਰੀ ਇਹਨਾਂ ਕਿਸਾਨਾਂ ਦੀਆਂ ਮੁਸ਼ਕਲਾਂ ਵੱਲ ਕਦੋਂ ਧਿਆਨ ਦਿੰਦੇ ਨੇ ਤੇ ਕਦੋਂ ਪਾਣੀ ਦੀ ਨਿਕਾਸੀ ਦਾ ਠੋਸ ਪ੍ਰਬੰਧ ਕਰਦੇ ਹਨ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।