ਪੰਜਾਬ `ਚ ਨਸ਼ੇ ਦਾ ਕਹਿਰਦਿਨ ਬ ਦਿਨ ਵਧ ਰਿਹਾ ਹੈ
ਪੰਜਾਬ `ਚ ਨਸ਼ੇ ਦਾ ਕਹਿਰਦਿਨ ਬ ਦਿਨ ਵਧ ਰਿਹਾ ਹੈ। ਹੁਣ ਤਕ ਪੰਜਾਬ ਦੇ ਕਈ ਨੌਜਵਾਨਾਂ ਨੇ ਨਸ਼ੇ ਦੀ ਦਲਦਲ `ਚ ਫਸ ਕੇ ਆਪਣੀ ਜੀਵਨਲੀਲ੍ਹਾ ਸਮਾਪਤ ਕਰ ਲਈ ਹੈ। ਅਜਿਹੀ ਇਕ ਘਟਨਾ ਪੰਜਾਬ ਦੇ ਬਰਨਾਲਾ ਅਤੇ ਤਰਨਤਾਰਨ ਜਿਲੇ `ਚ ਸਾਹਮਣੇ ਆਇਓ ਜਿਥੇ ਨਸ਼ੇ ਦੀ ਓਵਰਡੋਜ਼ ਕਰਕੇ ਨੌਜਵਾਨਾਂ ਨੇ ਆਪਣੀ ਜਾਨ ਗਵਾ ਲਈ ਹੈ।
youth
ਬਰਨਾਲਾ `ਚ 2 ਅਤੇ ਤਰਨਤਾਰਨ `ਚ ਇਕ ਨੌਜਵਾਨ ਦੀ ਮੌਤ ਹੋਣ ਦੀ ਖ਼ਬਰ ਮਿਲੀ ਹੈ। ਘਟਨਾ ਬਰਨਾਲਾ ਦੇ ਪਿੰਡ ਮਹਿਲ ਖੁਰਦ ਦੀ ਹੈ। ਦੋਨਾਂ ਦੀ ਪਹਿਚਾਣ ਜਸਬਿੰਦਰ ਸਿੰਘ ( 24 ) ਅਤੇ ਸੁਖਦੀਪ ਸਿੰਘ ( 27 ) ਦੇ ਰੂਪ ‘ਚ ਹੋਈ ਹੈ । ਕਿਹਾ ਜਾ ਰਿਹਾ ਹੈ ਕਿ ਦੋਵੇਂ ਨੌਜਵਾਨ ਨਸ਼ੇ ਦੀ ਬਹੁਤ ਜਿਆਦਾ ਵਰਤੋਂ ਕਰਦੇ ਸਨ। ਮਿਲੀ ਜਾਣਕਾਰੀ ਮੁਤਾਬਿਕ ਸੁਖਦੀਪ ਸਿੰਘ ਆਪਣੇ ਪਿਛੇ ਆਪਣੀ ਪਤਨੀ ਅਤੇ 3 ਸਾਲ ਦੇ ਬਚੇ ਨੂੰ ਛੱਡ ਕੇ ਮੌਤ ਦੇ ਗਲ ਜਾ ਲੱਗਿਆ।
sukhdeep singh
ਦਸਿਆ ਜਾ ਰਿਹਾ ਹੈ ਕਿ ਦੋਵੇਂ ਜਣੇ ਬੀਤੀ ਰਾਤ ਨੂੰ ਇਕੱਠੇ ਹੀ ਘਰੋਂ ਬਾਹਰ ਨਿਕਲੇ ਸਨ ,ਤੇ ਦੋਵਾਂ ਨੇ ਮਿਲ ਕੇ ਨਸ਼ਾ ਕੀਤਾ। ਜਸਵਿੰਦਰ ਦੇ ਪਿਤਾ ਜੁਗਰਾਜ ਸਿੰਘ ਨੇ ਦੱਸਿਆ ਕਿ ਸਾਨੂ ਇਸ ਸਬੰਧੀ ਜਾਣਕਾਰੀ ਮਿਲਦਾ ਹੀ ਅਸੀਂ ਘਟਨਾ ਵਾਲੀ ਜਗਾ ਤੇ ਪਹੁੰਚ ਗਏ ,ਜਿਸ ਉਪਰੰਤ ਸਾਨੂ ਦੋਵਾਂ ਦੇ ਜੇਬਾ `ਚ ਸਰਿੰਜਾ ਮਿਲੀਆ। ਉਹਨਾਂ ਨੇ ਦਸਿਆ ਕਿ ਪਹਿਲਾਂ ਸੁਖਦੀਪ ਦੀ ਮੌਤ ਹੋਈ ਉਸ ਤੋਂ ਬਾਅਦ ਜਸਬਿੰਦਰ ਸਿੰਘ ਨੇ ਵੀ ਦਮ ਤੋੜ ਦਿੱਤਾ ।
drug
ਨਾਲ ਹੀ ਤਰਨਤਾਰਨ ਦੇ ਕਸਬੇ ਝਬਾਲ ‘ਚ ਹਸਪਤਾਲ ਤੋਂ ਸਰਿੰਜਾ ਲਿਆ ਕੇ ਨਸ਼ੇ ਦਾ ਟੀਕਾ ਲਗਾ ਰਹੇ ਨੌਜਵਾਨ ਦੀ ਟੀਕਾ ਠੀਕ ਤਰ੍ਹਾਂ ਨਾ ਨਹੀਂ ਲੱਗਣ ਨਾਲ ਮੌਤ ਹੋ ਗਈ। ਮ੍ਰਿਤਕ ਦੀ ਪਹਿਚਾਣ ਭਰਤ ਵਜੋਂ ਹੋਈ ਹੈ। ਕਿਹਾ ਜਾ ਰਿਹਾ ਹੈ ਇਹ ਨੌਜਵਾਨ ਅਕਸਰ ਹੀ ਨਸ਼ੇ ਕਰਿਆ ਕਰਦਾ ਸੀ।
bhart
ਭਰਤ ਦੀ ਮਾਂ ਪਰਮਜੀਤ ਕੌਰ ਨੇ ਦੱਸਿਆ ਕਿ ਪਹਿਲਾਂ ਵੀ ਉਸਦੇ ਇਕ ਬੇਟੇ ਦੀ ਮੌਤ ਨਸ਼ੇ ਦੇ ਕਾਰਨ ਹੋ ਚੁੱਕੀ ਹੈ ਅਤੇ ਅਜ ਦੂਜਾ ਪੁਤਰ ਵੀ ਨਸ਼ੇ ਦੀ ਭੇਂਟ ਚੜ੍ਹ ਗਿਆ। ਮਿਲੀ ਜਾਣਕਾਰੀ ਮੁਤਾਬਿਕ ਘਟਨਾ ਦਾ ਪਤਾ ਚਲਦਿਆ ਹੀ ਸਥਾਨਕ ਪੁਲਿਸ ਘਟਨਾ ਵਾਲੀ ਥਾਂ ਤੇ ਪਹੁੰਚ ਗਈ। `ਤੇ ਲਾਸ਼ ਨੂੰ ਪੋਸਟਮਟਰਮ ਲਈ ਭੇਜ ਦਿਤਾ। ਪੁਲਿਸ ਦੇ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਇਸ ਮਾਮਲੇ `ਚ ਜਾਂਚ ਚਲ ਰਹੀ ਹੈ।
