ਇਕ ਵਸਨੀਕ ਨੇ ਚੇਅਰਮੈਨ ਨੂੰ ਅਨੁਸੂਚਿਤ ਜਾਤੀਆਂ ਦੀ...
ਜਲਾਲਾਬਾਦ: ਜਲਾਲਾਬਾਦ ਤੋਂ ਇਕ ਹੈਰਾਨ ਕਰ ਦੇਣ ਵਾਲੀ ਖਬਰ ਸਾਹਮਣੇ ਆਈ ਹੈ ਕਿ ਲੋਕਾਂ ਨੇ ਸਰਕਾਰੀ ਸਹੂਲਤ ਲੈਣ ਲਈ ਅਪਣੀ ਜਾਤ ਤਕ ਬਦਲ ਲਈ ਹੈ। ਉਥੋਂ ਦੇ ਇਕ ਵਸਨੀਕ ਨੇ ਦਸਿਆ ਕਿ ਲੋਕਾਂ ਨੇ ਮਨਰੇਗਾ ਸਹੂਲਤ ਦਾ ਲਾਭ ਲੈਣ ਲਈ ਕਾਰਡ ਵਿਚ ਅਪਣੇ ਆਪ ਨੂੰ ਬੀਸੀ ਜਾਤ ਤੋਂ ਐਸਸੀ ਜਾਤ ਵਿਚ ਤਬਦੀਲ ਕੀਤਾ ਹੈ।
Sarpanch
ਇਕ ਵਸਨੀਕ ਨੇ ਚੇਅਰਮੈਨ ਨੂੰ ਅਨੁਸੂਚਿਤ ਜਾਤੀਆਂ ਦੀ ਜਾਣਕਾਰੀ ਦਿੱਤੀ ਹੈ ਤੇ ਉਹ ਇਸ ਤੇ ਕਾਰਵਾਈ ਕਰਨਗੇ। ਜਦੋਂ ਉਹਨਾਂ ਨੂੰ ਪਤਾ ਚਲਿਆ ਕਿ ਉਹਨਾਂ ਦੀ ਪੋਲ ਖੁੱਲ੍ਹ ਗਈ ਹੈ ਤਾਂ ਉਹਨਾਂ ਨੇ ਦੁਬਾਰਾ ਅਦਰ ਕਾਸਟ ਕਰ ਦਿੱਤਾ। ਜਦੋਂ ਡੀਸੀ ਨੂੰ ਇਸ ਬਾਰੇ ਸ਼ਿਕਾਇਤ ਕੀਤੀ ਗਈ ਤਾਂ ਕਾਸਟ ਬਦਲਣ ਵਾਲਿਆਂ ਨੂੰ ਇਸ ਦੀ ਭਣਕ ਲਗ ਗਈ ਸੀ ਇਸ ਲਈ ਉਹਨਾਂ ਨੇ ਅਪਣੀ ਕਾਸਟ ਮੁੜ ਤੋਂ ਬਦਲ ਕੇ ਅਦਰ ਕਰ ਲਈ।
Man
ਉੱਥੇ ਹੀ ਪਿੰਡ ਦੇ ਸਾਬਕਾ ਸਰਪੰਚ ਨੇ ਦਸਿਆ ਕਿ ਉਹ ਪਿੰਡ ਦੇ ਹਰ ਬੰਦੇ ਨੂੰ ਜਾਤੀ ਤੌਰ ਤੇ ਜਾਣਦੇ ਹਨ। ਮੌਜੂਦਾ ਸਰਪੰਚ ਨੇ ਅਪਣੇ ਰਿਸ਼ਤੇਦਾਰਾਂ ਨੂੰ ਸਰਕਾਰੀ ਸਹੂਲਤ ਲਈ ਬੀਸੀ ਜਾਤ ਤੋਂ ਕੱਢ ਕੇ ਐਸਸੀ ਜਾਤ ਵਿਚ ਤਬਦੀਲ ਕਰ ਦਿੱਤਾ।
Man
ਪਿੰਡ ਦੇ ਹੋਰਨਾਂ ਵਸਨੀਕਾਂ ਨੇ ਕਿਹਾ ਕਿ ਅਜਿਹਾ ਕਰਨਾ ਬਹੁਤ ਹੀ ਗਲਤ ਹੈ ਕਿਉਂ ਕਿ ਇਸ ਤੇ ਹੱਕ ਸਿਰਫ ਐਸਸੀ ਜਾਤ ਦਾ ਹੁੰਦਾ ਹੈ ਪਰ ਇਸ ਤਰ੍ਹਾਂ ਧੋਖਾਧੜੀ ਨਾਲ ਨਹੀਂ ਕਰਨਾ ਚਾਹੀਦਾ। ਉੱਥੇ ਹੀ ਮੌਜੂਦਾ ਸਰਪੰਚ ਦਾ ਕਹਿਣਾ ਹੈ ਕਿ ਉਹਨਾਂ ਤੇ ਜਿਹੜੇ ਇਲਜ਼ਾਮ ਲਗਾਏ ਗਏ ਹਨ ਉਹ ਬਿਲਕੁੱਲ ਹੀ ਗਲਤ ਹਨ।
Former Sarpanch
ਉਹਨਾਂ ਨੇ ਸਿਰਫ ਫਾਰਮ ਭਰੇ ਹਨ ਜਿਵੇਂ ਫਾਰਮ ਵਿਚ ਸੀ ਉਸ ਨੇ ਉਸੇ ਤਰ੍ਹਾਂ ਸਾਰਾ ਐਡਰੈਸ ਭਰਿਆ ਹੈ। ਇਸ ਸਬੰਧੀ ਉਹ ਬਿਲਕੁੱਲ ਸਹੀ ਹਨ ਤੇ ਕਾਪੀ ਵੀ ਠੀਕ ਹੈ ਪਰ ਜੇ ਦਫ਼ਤਰ ਵੱਲੋਂ ਕੋਈ ਗਲਤੀ ਹੋਈ ਹੋਵੇ ਤਾਂ ਉਹ ਕੁੱਝ ਕਹਿ ਨਹੀਂ ਸਕਦੇ। ਡੀਸੀ ਪਲਵਿੰਦਰ ਸਿੰਘ ਦਾ ਕਹਿਣਾ ਹੈ ਕਿ ਉਹਨਾਂ ਨੇ ਦਫ਼ਤਰ ਦਾ ਰਿਕਾਰਡ ਮੰਗਵਾਇਆ ਹੈ। ਦਫ਼ਤਰੀ ਰਿਕਾਰਡ ਤੋਂ ਪਤਾ ਚੱਲੇਗਾ ਜਿਸ ਦੀ ਜੋ ਗਲਤੀ ਹੋਈ ਉਸ ਖਿਲਾਫ ਕਾਰਵਾਈ ਕੀਤੀ ਜਾਵੇਗੀ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
