ਸਿਹਤ ਵਿਭਾਗ ਦੇ ਡਰੱਗ ਇੰਸਪੈਕਟਰ ਨੇ ਖੂਨ ਵੇਚਣ ਵਾਲਾ ਅਤੇ ਉਸ ਦੇ ਸਾਥੀ ਨੂੰ ਚਿਕਚਿਕ ਚੌਕ ਵਿਚ ਰੰਗੇ ਹੱਥੀ ਇਕ ਯੂਨਿਟ ਖੂਨ ਸਹਿਤ ਫੜਿਆ ਹੈ। ਉਸ ਨੂੰ ਥਾਣਾ - 2 ਦੀ ...
ਜਲੰਧਰ (ਭਾਸ਼ਾ) :- ਸਿਹਤ ਵਿਭਾਗ ਦੇ ਡਰੱਗ ਇੰਸਪੈਕਟਰ ਨੇ ਖੂਨ ਵੇਚਣ ਵਾਲਾ ਅਤੇ ਉਸ ਦੇ ਸਾਥੀ ਨੂੰ ਚਿਕਚਿਕ ਚੌਕ ਵਿਚ ਰੰਗੇ ਹੱਥੀ ਇਕ ਯੂਨਿਟ ਖੂਨ ਸਹਿਤ ਫੜਿਆ ਹੈ। ਉਸ ਨੂੰ ਥਾਣਾ - 2 ਦੀ ਪੁਲਿਸ ਦੇ ਹਵਾਲੇ ਕਰ ਦਿੱਤਾ ਹੈ। ਖੂਨ ਜੋਸ਼ੀ ਹਸਪਤਾਲ ਦੀ ਬਲੱਡ ਬੈਂਕ ਤੋਂ ਲਿਆ ਗਿਆ ਹੈ। ਸਿਹਤ ਵਿਭਾਗ ਦੀ ਟੀਮ ਨੇ ਜੋਸ਼ੀ ਹਸਪਤਾਲ ਦੀ ਬਲੱਡ ਬੈਂਕ ਵਿਚ ਛਾਪੇਮਾਰੀ ਕਰ ਰਿਕਾਰਡ ਚੈਕ ਕੀਤਾ ਅਤੇ ਬਲੱਡ ਬੈਂਕ ਸੀਲ ਕਰ ਦਿਤਾ। ਬੁਧਵਾਰ ਨੂੰ ਰਿਕਾਰਡ ਦੀ ਪੂਰੀ ਜਾਂਚ ਸਿਹਤ ਵਿਭਾਗ ਦੇ ਅਧਿਕਾਰੀਆਂ ਵਲੋਂ ਕੀਤੀ ਜਾਵੇਗੀ।
Blood Bank
ਮਾਮਲੇ ਦੀ ਨਗਰੀ ਜਾਂਚ ਤੋਂ ਬਾਅਦ ਕਾਰਵਾਈ ਹੋਵੇਗੀ। ਸਿਹਤ ਵਿਭਾਗ ਦੇ ਡਰਗ ਇੰਸਪੈਕਟਰ ਅਮਰਜੀਤ ਸਿੰਘ ਅਤੇ ਸੀਨੀਅਰ ਸਹਾਇਕ ਦਿਨੇਸ਼ ਕੁਮਾਰ ਨੇ ਸ਼ਹਿਰ ਦੀ ਐਨ.ਜੀ.ਓ. ਦੇ ਨਾਲ ਮਿਲ ਕੇ ਪਿਛਲੇ 3 ਦਿਨ ਤੋਂ ਖੂਨ ਦਾ ਗੋਰਖ ਧੰਧਾ ਕਰਨ ਵਾਲਿਆਂ 'ਤੇ ਟਰੈਪ ਲਗਾਇਆ ਹੋਇਆ ਸੀ। ਡਰਗ ਇੰਸਪੈਕਟਰ ਅਮਰਜੀਤ ਸਿੰਘ ਨੇ ਦੱਸਿਆ ਕਿ ਸ਼ਹਿਰ ਖੂਨਦਾਨ ਕਰਣ ਵਾਲੀ ਸੰਸਥਾਵਾਂ ਨੇ ਸ਼ਿਕਾਇਤ ਕੀਤੀ ਸੀ ਕਿ ਸ਼ਹਿਰ ਵਿਚ ਖੂਨ ਵੇਚਿਆ ਜਾ ਰਿਹਾ ਹੈ। ਬਲਡ ਡੋਨਰ ਐਸੋਸੀਏਸ਼ਨ ਜਲੰਧਰ, ਅਬੇਦਕਰ ਬਲਡ ਡੋਨਰ ਕਲੱਬ, ਹਿੰਦੋਸਤਾਨ ਵੈਲਫੇਅਰ ਬਲਡ ਡੋਨਰ ਕਲੱਬ ਫਗਵਾੜਾ ਵਲੋਂ ਟਰੈਪ ਲਗਾਇਆ ਗਿਆ ਸੀ।
Blood
ਬਲਡ ਡੋਨਰ ਕਲੱਬ ਦੇ ਵਰਦਾਨ ਚੱਡਾ ਨੇ ਦੱਸਿਆ ਕਿ ਉਨ੍ਹਾਂ ਨੇ ਖੂਨ ਵੇਚਣ ਵਾਲੇ ਨੂੰ ਫੋਨ ਕੀਤਾ ਕਿ ਉਨ੍ਹਾਂ ਨੂੰ ਬੀ ਪਾਜੀਟਿਵ ਖੂਨ ਦੀ ਲੋੜ ਹੈ। ਉਸ ਨੇ ਰਾਹੁਲ ਕੁਮਾਰ ਨੂੰ ਉਨ੍ਹਾਂ ਦਾ ਨੰਬਰ ਦੇ ਦਿਤਾ। ਉਸ ਨੇ ਫੋਨ ਕਰ ਉਨ੍ਹਾਂ ਨਾਲ ਗੱਲ ਕੀਤੀ। ਰਾਹੁਲ ਨੇ ਵਰਦਾਨ ਨੂੰ ਫੁਟਬਾਲ ਚੌਕ 'ਤੇ ਮਿਲ ਕੇ ਹਸਪਤਾਲ ਦੀ ਪਰਚੀ ਅਤੇ ਪੈਸੇ ਦੇਣ ਲਈ ਕਿਹਾ। ਰਾਹੁਲ ਬੋਲਿਆ ਕਿ ਡੇਢ - ਦੋ ਘੰਟੇ ਵਿਚ ਤੁਹਾਨੂੰ ਖੂਨ ਮਿਲ ਜਾਵੇਗਾ। ਦੁਬਾਰਾ ਰਾਹੁਲ ਨੇ ਫੋਨ ਕਰਕੇ ਉਨ੍ਹਾਂ ਨੂੰ ਚਿਕਚਿਕ ਚੌਕ ਖੂਨ ਦੀ ਡਿਲੀਵਰੀ ਦੇਣ ਲਈ ਬੁਲਾਇਆ।
blood donate
ਮੌਕੇ ਉੱਤੇ ਪਹਿਲਾਂ ਤੋਂ ਹੀ ਸਿਹਤ ਵਿਭਾਗ ਦੇ ਡਰਗ ਇੰਸਪੈਕਟਰ ਅਮਰਜੀਤ ਸਿੰਘ ਅਤੇ ਦਿਨੇਸ਼ ਮੌਜੂਦ ਸਨ। ਉਨ੍ਹਾਂ ਨੇ ਰਾਹੁਲ ਅਤੇ ਉਸ ਦੇ ਇਕ ਸਾਥੀ ਨੂੰ ਰੰਗੇ ਹੱਥ ਫੜ ਲਿਆ। ਉਸ ਤੋਂ ਇਕ ਯੂਨਿਟ ਖੂਨ ਅਤੇ ਐਨ.ਜੀ.ਓ. ਦੁਆਰਾ ਦਿੱਤੇ ਗਏ ਪੈਸੇ ਉਸ ਤੋਂ ਬਰਾਮਦ ਕੀਤੇ ਅਤੇ ਉਸ ਨੂੰ ਪੁਲਿਸ ਥਾਣਾ - 2 ਦੇ ਪੁਲਿਸ ਦੇ ਹਵਾਲੇ ਕਰ ਦਿਤਾ। ਡਰਗ ਇੰਸਪੈਕਟਰ ਅਮਰਜੀਤ ਸਿੰਘ ਨੇ ਦੱਸਿਆ ਕਿ ਖੂਨ ਵੇਚਣ ਵਾਲਿਆਂ ਤੋਂ ਜੋ ਖੂਨ ਬਰਾਮਦ ਹੋਇਆ ਉਸ 'ਤੇ ਜੋਸ਼ੀ ਹਸਪਤਾਲ ਦੀ ਬਲਡ ਬੈਂਕ ਦਾ ਨਾਮ ਸੀ।
ਉਨ੍ਹਾਂ ਨੇ ਦੱਸਿਆ ਕਿ ਐਨ.ਜੀ.ਓ. ਵਲੋਂ ਸ਼੍ਰੀਮਾਨ ਹਸਪਤਾਲ ਦੀ ਪਰਚੀ ਆਪਣੇ ਆਪ ਬਣਾਈ ਗਈ ਸੀ ਅਤੇ ਖੂਨ ਦੇ ਸੈਂਪਲ ਵੀ ਗਲਤ ਭੇਜੇ ਗਏ ਸਨ। ਜੋਸ਼ੀ ਹਸਪਤਾਲ ਦੀ ਬਲਡ ਬੈਂਕ ਦੇ ਮੁਲਾਜ਼ਮਾਂ ਨੇ ਬਲਡ ਨੂੰ ਕਰਾਸ ਮੈਚ ਵੀ ਨਹੀਂ ਕੀਤਾ। ਉਨ੍ਹਾਂ ਨੇ ਕਿਹਾ ਕਿ ਬੈਂਕ ਦਾ ਸਾਰਾ ਰਿਕਾਰਡ ਜ਼ਬਤ ਕੀਤਾ ਗਿਆ। ਬਲਡ ਬੈਂਕ ਨੂੰ ਸੀਲ ਕਰ ਦਿੱਤਾ ਗਿਆ ਹੈ। ਬੁੱਧਵਾਰ ਨੂੰ ਜੋਸ਼ੀ ਹਸਪਤਾਲ ਦੀ ਬਲਡ ਬੈਂਕ ਦੀ ਜਾਂਚ ਕਰ ਕਾਰਵਾਈ ਕੀਤੀ ਜਾਵੇਗੀ।
