ਚੰਡੀਗੜ੍ਹ ਅਤੇ ਆਸ-ਪਾਸ ਦੇ ਲੋਕਾਂ ਦਾ 24 ਘੰਟੇ ਉਡਾਨ ਦਾ ਸੁਪਨਾ ਜਲਦ ਪੂਰਾ ਹੋਣ ਜਾ ਰਿਹਾ ਹੈ। ਲੋਕ ਪਿਛਲੇ ਕਈਂ ਸਾਲਾਂ ਤੋਂ 24....
ਚੰਡੀਗੜ੍ਹ (ਪੀਟੀਆਈ) : ਚੰਡੀਗੜ੍ਹ ਅਤੇ ਆਸ-ਪਾਸ ਦੇ ਲੋਕਾਂ ਦਾ 24 ਘੰਟੇ ਉਡਾਨ ਦਾ ਸੁਪਨਾ ਜਲਦ ਪੂਰਾ ਹੋਣ ਜਾ ਰਿਹਾ ਹੈ। ਲੋਕ ਪਿਛਲੇ ਕਈਂ ਸਾਲਾਂ ਤੋਂ 24 ਘੰਟੇ ਹਵਾਈ ਯਾਤਰਾ ਦਾ ਇੰਤਜ਼ਾਰ ਕਰ ਰਹੇ ਹਨ। ਚੰਡੀਗੜ੍ਹ ਇੰਟਰਨੈਸ਼ਨਲ ਏਅਰਪੋਰਟ ਲਿਮਟਡ (ਚਿਆਲ) ਦੀ ਮੰਨੀਏ ਤਾਂ 31 ਮਾਰਚ 2019 ਤੋਂ ਇਥੇ ਦਿਨ ਅਤੇ ਰਾਤ ਵਿਚ ਲੋਕ ਕਿਸੇ ਵੀ ਸਮੇਂ ਉਡਾਨ ਭਰ ਸਕਣਗੇ। ਉਸ ਲਈ ਹਵਾਈ ਪੱਟੀ ਨੂੰ ਆਧੁਨਿਕ ਬਣਾਉਣ ਦੇ ਨਾਲ ਹੀ ਵਿਸ਼ਵ ਪੱਧਰੀ ਸੁਵਿਧਾਵਾਂ ਨਾਲ ਲੈੱਸ ਕੀਤਾ ਜਾ ਰਿਹਾ ਹੈ।
Air India flight
ਇਸ ਤੋਂ ਚੰਡੀਗੜ੍ਹ ਦੇ ਨਾਲ-ਨਾਲ ਪੰਜਾਬ, ਚੰਡੀਗੜ੍ਹ, ਹਰਿਆਣਾ, ਹਿਮਾਚਲ, ਅਤੇ ਜੰਮੂ ਦੇ ਲੋਕਾਂ ਨੂੰ ਰਾਹਤ ਮਿਲੇਗੀ। ਚੰਡੀਗੜ੍ਹ ਇੰਟਰਨੈਸ਼ਨਲ ਏਅਰਪੋਰਟ ਵਿਸ਼ਵ ਪੱਧਰੀ ਬਣਨ ਦੀ ਦਿਸ਼ਾ ਵਿਚ ਇਕ ਕਦਮ ਅਤੇ ਅੱਗੇ ਵੱਧ ਗਿਆ ਹੈ। ਰਿਟੇਲ ਆਪਰੇਸ਼ਨ ਦੀ ਸ਼ੁਰੂਆਤ ਦੇ ਨਾਲ ਹੀ ਚਿਆਲ ਨੂੰ 24 ਘੰਟੇ ਚਾਲੂ ਕਰਨ ਦੀ ਦਿਸ਼ਾ ਨੂੰ ਗਤੀ ਮਿਲ ਗਈ ਹੈ। ਚਿਆਲ ਦੇ ਸੀਈਓ ਸੁਨੀਲ ਦੱਤ ਨੇ ਕਿ ਹਾ ਕਿ ਚੰਡੀਗੜ੍ਹ ਏਅਰਪੋਰਟ ਨੂੰ ਅਸੀਂ ਇਕ ਵਿਸ਼ਵ ਪੱਧਰੀ ਏਅਰਪੋਰਟ ਬਣਾਉਣ ਦੀ ਦਿਸ਼ਾ ਵਿਚ ਅੱਗੇ ਵੱਧ ਰਹੇ ਹਾਂ।
Air India International Flight
ਜੇਕਰ ਸਭ ਕੁਝ ਸਹ ਚਲਿਆ ਤਾਂ ਅਗਲੇ ਸਾਲ 31 ਮਾਰਚ ਤੋਂ ਲੋਕਾਂ ਨੂੰ ਹਵਾਈ ਯਾਤਰਾ ਦੇ ਲਈ ਸਮੇਂ ਦਾ ਇੰਤਜ਼ਾਰ ਨਹੀਂ ਕਰਨਾ ਪੈਣਾ। ਇਥੋਂ ਯਾਤਰੀਆਂ ਨੂੰ 24 ਘੰਟੇ ਹਵਾਈ ਸੇਵਾਵਾਂ ਮਿਲ ਸਕਣਗੀਆਂ। ਜਿਸ ਦੀ ਪ੍ਰੀਕ੍ਰਿਆ ਤੇਜ਼ੀ ਤੋਂ ਚੱਲ ਰਹੀ ਹੈ। ਚੰਡੀਗੜ੍ਹ ਇੰਟਰਨੈਸ਼ਨਲ ਏਅਰਪੋਰਟ ਦੇ 24 ਘੰਟੇ ਸ਼ੁਰੂ ਹੋ ਜਾਣ ਤੋਂ ਬਾਅਦ ਸਿਟੀ ਬਿਊਟੀਫੁਲ, ਪੰਜਾਬ, ਹਰਿਆਣਾ, ਅਤੇ ਜੰਮੂ ਦੇ ਲੋਕਾਂ ਲਈ ਹਵਾਈ ਯਾਤਰਾਵਾਂ ਬੇਹਤਰ ਵਿਕਲਪ ਸਾਬਤ ਹੋਣਗੀਆਂ। ਇਸ ਦੀ ਪ੍ਰਮੁੱਖ ਵਜ੍ਹਾ ਇਹ ਹੈ ਕਿ ਦਿੱਲੀ ਜਾਣ ਲਈ ਹਰ ਕਿਸੇ ਨੂੰ ਹੁਣ ਸੜਕ ਮਾਰਗ ਤੋਂ ਹੋ ਕੇ ਜਾਣਾ ਪੈ ਰਿਹਾ ਹੈ।
Flight
ਸਿਟੀ ਬਿਊਟੀਫੁਲ ਤੋਂ ਦਿੱਲੀ ਸੜਕ ਮਾਰਗ ਤੋਂ ਹੋ ਕੇ ਜਾਣਾ ਆਮ ਲੋਕਾਂ ਲਈ ਕਿਸੇ ਮੁਸੀਬਤ ਤੋਂ ਘੱਟ ਨਹੀਂ ਹੈ। ਅਜਿਹੇ ਵਿਚ ਏਅਰਪੋਰਟ ਅਥਾਰਿਟੀ ਹਰ ਹਾਲ ਵਿਚ ਚਾਹੁੰਦੀ ਹੈ ਕਿ ਆਗਾਮੀ 31 ਮਾਰਚ ਤਕ ਹਰ ਸਮੇਂ ਲੋਕਾਂ ਨੂੰ ਉਡਾਨ ਦੀਆਂ ਸੁਵਿਧਾਵਾਂ ਮਿਲ ਸਕਣ।
