ਕਰੀਬ 6 ਲੱਖ ਦੇ ਸਮਾਨ ਦਾ ਨੁਕਸਾਨ
ਮੁਕਤਸਰ ਸਾਹਿਬ- ਸ੍ਰੀ ਮੁਕਤਸਰ ਸਾਹਿਬ ਦੇ ਥਾਂਦੇਵਾਲਾ ਰੋਡ ਤੇ ਘਰ ਦੇ ਸਟੋਰ ਵਿਚ ਅਚਾਨਕ ਅੱਗ ਲਗਣ ਨਾਲ ਉਸ ਸਟੋਰ ਵਿਚ ਪਿਆ ਕਰੀਬ 6 ਲੱਖ ਦਾ ਸਮਾਨ ਸੜ ਕੇ ਸੁਵਾਹ ਹੋ ਗਿਆ ਅਤੇ ਅੱਗ ਲਗਣ ਦੇ ਕਾਰਨਾ ਦਾ ਅਜੇ ਤਕ ਕੋਈ ਪਤਾ ਨਹੀ ਲਗ ਸਕਿਆ ਇਸ ਦੀ ਸੂਚਨਾ ਮਿਲਦੇ ਹੀ ਅਗ ਬੁਝਾਉ ਵਿਭਾਗ ਵਲੋ ਮੋਕੇ ਤੇ ਪੁਜ ਕੇ ਅਗ ਤੇ ਕਾਬੂ ਪਾਇਆ ਗਿਆ।
Sawantwala Road Fire Accident
ਇਸ ਮੌਕੇ ਸਟੋਰ ਦੇ ਮਾਲਕ ਸੁਰਿੰਦਰ ਕੁਮਾਰ ਨੇ ਦੱਸਿਆ ਕੇ ਕਰੀਬ 12 ਵਜੇ ਉਹ ਆਪਣੇ ਸਟੋਰ ਵਿਚ ਕੰਮ ਕਰ ਕੇ ਘਰ ਵਾਪਸ ਚਲਾ ਗਿਆ ਅਤੇ ਕਰੀਬ 2 ਵਜੇ ਉਹਨਾਂ ਨੂੰ ਫੋਨ ਗਿਆ ਕੇ ਤੁਹਾਡੇ ਸਟੋਰ ਵਿਚੋ ਧੂਆਂ ਨਿਕਲ ਰਿਹਾ ਹੈ। ਘਟਨਾ ਵਾਲੇ ਸਥਾਨ ਤੇ ਪੁੱਜ ਕੇ ਉਸਨੇ ਦੇਖਿਆ ਕਿ ਕੁਝ ਲੋਕ ਸਟੋਰ ਦੀ ਦੀਵਾਰ ਤੋੜ ਰਹੇ ਸਨ ਅਤੇ ਅੱਗ ਬੁਝਾਉ ਵਿਭਾਗ ਦੇ ਕਰਮਚਾਰੀ ਅੱਗ ਬੁਝਾ ਰਹੇ ਸਨ ਪਰ ਇਸ ਤੋ ਪਹਿਲਾਂ ਕੇ ਅੱਗ ਤੇ ਕਾਬੂ ਪਾਇਆ ਜਾਂਦਾ ਤਦ ਤਕ ਕਾਫੀ ਨੁਕਸਾਨ ਹੋ ਚੁੱਕਾ ਸੀ।
ਫ਼ਾਇਰ ਅਫਸਰ ਸ਼ਾਮ ਲਾਲ ਨੇ ਦਸਿਆ ਕੇ ਸਾਨੂੰ ਸੂਚਨਾ ਮਿਲੀ ਸੀ ਕਿ ਥਾਂਦੇਵਾਲਾ ਰੋਡ ਗਲੀ ਨੰ: 8 ਵਿਚ ਇਕ ਮਕਾਨ ਵਿਚ ਬਣੇ ਸਟੋਰ ਨੂੰ ਅੱਗ ਲਗੀ ਹੋਈ ਹੈ ਅਤੇ ਅਸੀਂ ਦੋ ਗੱਡੀਆਂ ਲੈ ਕੇ ਇਥੇ ਪੁਜੇ ਤਾ ਦੇਖਿਆ ਕੇ ਕੁਝ ਲੋਕ ਇਸ ਸਟੋਰ ਦੀਆਂ ਦੀਵਾਰ ਤੋੜ ਰਹੇ ਸਨ ਅਤੇ ਸਮਾਨ ਬਾਹਰ ਕਢ ਰਹੇ ਸਨ ਅਸੀਂ ਫਟਾ ਫਟ ਅੱਗ ਤੇ ਕਾਬੂ ਪਾਇਆ ਅਤੇ ਅੱਗ ਬੁਝਾ ਦਿਤੀ।
