ਦੁਕਾਨ ਵਿਚ ਵੜ ਕੇ ਦੋ ਭਰਾਵਾਂ 'ਤੇ ਜਾਨਲੇਵਾ ਹਮਲਾ ਕਰਨ ਦੇ ਦੋਸ਼ ਤਹਿਤ ਕੇਸ ਦਰਜ਼

ਮੁੱਲਾਂਪੁਰ ਦਾਖਾ, 16 ਸਤੰਬਰ (ਰਾਜ ਜੋਸ਼ੀ): ਥਾਣਾ ਦਾਖਾ ਦੀ ਪੁਲਿਸ ਨੇ ਦੁਕਾਨ ਅੰਦਰ ਦਾਖਲ ਹੋਕੇ ਦੋ ਭਰਾਵਾਂ 'ਤੇ ਤੇਜਧਾਰ ਹਥਿਆਰਾਂ ਨਾਲ ਹਮਲਾ ਕਰਨ ਦੇ ਦੋਸ਼ ਤਹਿਤ ਮੰਡੀ ਮੁੱਲਾਂਪੁਰ ਦੇ ਰਹਿਣ ਵਾਲੇ ਅਕਾਸ਼ਦੀਪ ਅਤੇ ਇਸਦੇ ਸਾਥੀਆਂ ਖਿਲਾਫ ਵੱਖ- ਵੱਖ ਧਾਰਾਵਾਂ ਤਹਿਤ ਕੇਸ ਦਰਜ਼ ਕਰਕੇ ਅਗਲੇਰੀ ਕਾਰਵਾਈ ਆਰੰਭ ਕਰ ਦਿੱਤੀ ਹੈ | ਮਾਮਲੇ ਦੀ ਪੜਤਾਲ ਕਰ ਰਹੇ ਏ.ਐਸ.ਆਈ. ਹਮੀਰ ਸਿੰਘ ਅਨੁਸਾਰ ਪੁਲਿਸ ਕੋਲ ਦਰਜ ਕਰਵਾਏ ਬਿਆਨਾ ਵਿੱਚ ਮਨੋਜ ਕੁਮਾਰ ਪੁੱਤਰ ਦਰਸ਼ਨ ਕੁਮਾਰ ਵਾਸੀ ਸ਼ਹੀਦ ਭਗਤ ਸਿੰਘ ਨਗਰ ਮੰਡੀ ਮੁੱਲਾਂਪੁਰ ਨੇ ਦਰਜ ਕਰਵਾਏ ਬਿਆਨਾ ਵਿੱਚ ਦੱਸਿਆ ਕਿ ਸਾਡੀ ਜਗਰਾਉਂ ਰੋਡ ਸਥਿਤ ਮਨਦੀਪ ਆਇਰਨ ਸਟੋਰ ਦੇ ਨਾਮ ਪਰ ਦੁਕਾਨ ਹੈ , 12 ਸਤੰਬਰ ਨੂੰ ਜਦੋਂ ਉਹ ਆਪਣੇ ਭਰਾ ਮਨਦੀਪ ਸਿੰਘ ਨਾਲ ਦੁਕਾਨ 'ਤੇ ਬੈਠਾ ਸੀ ਤਾਂ ਦੁਪਿਹਰ 1 ਵਜੇ ਦੇ ਕਰੀਬ ਅਕਾਸ਼ਦੀਪ ਉਰਫ ਵਿੱਕੀ ਪੁੱਤਰ ਵਿਨੋਦ ਕੁਮਾਰ ਵਾਸੀ ਸੂਆ ਰੋਡ ਮੰਡੀ ਮੁੱਲਾਪੁਰ ਆਪਣੇ 8-10 ਸਾਥੀਆਂ ਜਿਹਨਾਂ ਦੇ ਹੱਥਾ ਵਿੱਚ ਕਿ੍ਪਾਨਾ ਅਤੇ ਦਾਹ ਆਦਿ ਫੜੇ ਹੋਏ ਸਨ ਨੇ ਸਾਡੀ ਦੁਕਾਨ ਅੰਦਰ ਆਕੇ ਦੋਵੇਂ ਭਰਵਾਂ 'ਤੇ ਜਾਨਲੇਵਾ ਹਮਲਾ ਕਰ ਦਿੱਤਾ  | 
 ਮਨੋਜ ਕੁਮਾਰ ਨੇ ਦੱਸਿਆ ਕਿ 11 ਸਤੰਬਰ ਨੂੰ ਅਕਾਸ਼ਦੀਪ ਨੇ ਉਸਦੇ ਭਤੀਜੇ ਲਵਿਸ ਕੁਮਾਰ ਦੀ ਕੁੱਟਮਾਰ ਕੀਤੀ ਸੀ , ਜਿਸਦੇ ਚੱਲਦਿਆਂ  ਉਹਨਾਂ ਦੀ ਤਕਰਾਰਬਾਜੀ ਹੋਈ ਸੀ, ਜਿਸਕੇ ਕਰਕੇ ਅਕਾਸ਼ਦੀਪ ਨੇ ਆਪਣੇ ਸਾਥੀਆਂ ਨਾਲ ਮਿਲਕੇ ਇਸ ਘਟਨਾ ਨੂੰ ਅੰਜਾਮ ਦਿੱਤਾ ਹੈ  | 
 ਦਾਖਾ ਪੁਲਿਸ ਨੇ ਬਿਆਨਾ ਦੇ ਆਧਾਰ 'ਤੇ ਕੱਥਿਤ ਦੋਸ਼ੀ ਅਤੇ ਇਸਦੇ ਸਾਥੀਆਂ ਖਿਲਾਫ ਧਾਰਾ 452, 307,323,324,506,148 ਅਤੇ 149 ਆਈ.ਪੀ.ਸੀ.ਅਧੀਨ ਕੇਸ ਦਰਜ ਕਰਕੇ ਕਾਬੂ ਕਰਨ ਲਈ ਛਾਪੇਮਾਰੀ ਸ਼ੁਰੂ ਕਰ ਦਿੱਤੀ ਹੈ  |
Ldh_Raj •oshi_16_01