Khanuri Border News : ਕਿਹਾ - ਮੈਂ ਆਪਣੀ ਜ਼ਿੰਦਗੀ ਬੀਕੇਯੂ ਸਿੱਧੂਪੁਰ ਨੂੰ ਸਮਰਪਿਤ ਕਰ ਚੁੱਕਿਆ : ਪਲਵਿੰਦਰ ਸਿੰਘ ਮਹਾਲ
Khanuri Border News in Punjabi : ਕੇਂਦਰ ਸਰਕਾਰ ਤੋਂ ਐਮਐਸਪੀ ਸਮੇਤ ਮੰਗਾਂ ਮਨਾਉਣ ਲਈ ਖਨੋਰੀ ਬਾਰਡਰ ਤੇ ਚੱਲ ਰਹੇ ਅੰਦੋਲਨ ਚ ਜਗਜੀਤ ਸਿੰਘ ਡਲੇਵਾਲ ਤੋਂ ਇਲਾਵਾ 121 ਹੋਰ ਕਿਸਾਨ ਮਰਨ ਵਰਤ ’ਤੇ ਬੈਠੇ ਹਨ ਜਿਨਾਂ ਵਿੱਚੋਂ ਭਾਰਤੀ ਕਿਸਾਨ ਯੂਨੀਅਨ ਸਿੱਧੂਪੁਰ ਦੇ ਆਗੂ ਪਲਵਿੰਦਰ ਸਿੰਘ ਮਾਹਲ ਜ਼ਿਲ੍ਹਾ ਜਨਰਲ ਸਕੱਤਰ ਸ੍ਰੀ ਅਮ੍ਰਿਤਸਰ ਨੇ ਕਿਹਾ ਕਿ ਮੈਨੂੰ ਮੇਰੇ ਪਰਿਵਾਰ ਦਾ ਕੋਈ ਵੀ ਮੈਂਬਰ ਮਿਲਣ ਨਾ ਆਵੇ ਅਤੇ ਨਾ ਹੀ ਮੈਂ ਕਿਸੇ ਵੀ ਪਰਿਵਾਰਕ ਮੈਂਬਰ ਨੂੰ ਮਿਲਣਾ ਚਾਹੁੰਦਾ ਹਾਂ। ਮੈਂ ਦਿਲੋਂ ਕਿਸਾਨੀ ਲਈ ਲੜ ਰਿਹਾ ਹਾਂ, ਮੈਂ ਦਿਲੋਂ ਮੇਰੇ ਦੇਸ਼ ਦੇ ਕਿਸਾਨਾਂ ਨੌਜਵਾਨਾਂ ਅਤੇ ਜ਼ਮੀਨਾਂ ਲਈ ਕੁਰਬਾਨ ਹੋਣਾ ਚਾਹੁੰਦਾ ਹਾਂ।
ਇਸ ਨੂੰ ਦਿਖਾਵਾ ਨਾ ਸਮਝਿਆ ਜਾਵੇ। ਸੋ ਸਾਰੇ ਪ੍ਰਬੰਧਕਾਂ ਨੂੰ ਮੈਂ ਖੁਦ ਕਿਹਾ ਹੈ ਕਿ ਮੈਨੂੰ ਮੇਰੇ ਪਰਿਵਾਰ ਦੇ ਕਿਸੇ ਵੀ ਮੈਂਬਰ ਨੂੰ ਨਾ ਮਿਲਾਇਆ ਜਾਵੇ। ਭਾਵੇਂ ਕੋਈ ਕਿੰਨਾ ਵੀ ਗੁੱਸਾ ਕਰੇ, ਪਰ ਮੇਰੇ ਕੋਲ ਨਾ ਆਉਣ ਦਿੱਤਾ ਜਾਵੇ। ਕਿਉਂਕਿ ਮੈਂ ਆਪਣੀ ਜ਼ਿੰਦਗੀ ਬੀਕੇਯੂ ਏਕਤਾ ਸਿੱਧੂਪੁਰ ਜਥੇਬੰਦੀ ਨੂੰ ਸਮਰਪਿਤ ਕਰ ਚੁੱਕਿਆ ਹਾਂ, ਕਿਉਂਕਿ ਲੜਨ ਤੇ ਮਰਨ ਵਾਲਿਆਂ ਨੂੰ ਸਭ ਕੁਝ ਤਿਆਗਣਾ ਪੈਂਦਾ। ਹੁਣ ਮੇਰੀ ਵਾਰਿਸ ਮੇਰੀ ਜਥੇਬੰਦੀ ਹੀ ਹੈ।
(For more news apart from My heartfelt wish is that no family member comes to meet me: Parvinder Singh Mahal News in Punjabi, stay tuned to Rozana Spokesman)
