ਵਾਪਸ ਆਏ ਤਾਂ ਵੇਖਿਆ ਕਿ ਬੇਟਾ ਬੇਸੁੱਧ ਹਾਲਤ ਵਿਚ ਬੈਡ ਤੇ ਪਿਆ ਹੋਇਆ ਸੀ ਜਿਸ ਨੂੰ ਹਸਪਤਾਲ ਲੈਜਾਣ ਤੇ ਡਾਕਟਰਾਂ ਨੇ ਇਸ ਦੀ ਜਾਣਕਾਰੀ ਪੁਲਿਸ ਨੂੰ ਦਿੱਤੀ।
ਲੁਧਿਆਣਾ: ਗੁਰੂ ਅਰਜਨ ਦੇਵ ਦੀ ਗਲੀ ਨੰ. 1 ਵਿਚ ਘਰ ਨੂੰ ਤਾਲਾ ਲਗਾ ਕੇ ਕੋਲ ਹੀ ਸਥਿਤ ਧਾਰਮਿਕ ਸਥਾਨ ਤੇ ਮੱਥਾ ਟੇਕਣ ਗਏ ਮਾਂ-ਬਾਪ ਨੇ ਕੁਝ ਸਮੇਂ ਬਾਅਦ ਵਾਪਸ ਆ ਕੇ ਵੇਖਿਆ ਤਾਂ ਬੇਟੇ ਦੀ ਲਾਸ਼ ਬੈਡ ਤੇ ਮਿਲੀ। ਉਸ ਨੂੰ ਤੁਰੰਤ ਹਸਪਤਾਲ ਲਿਜਾਇਆ ਗਿਆ ਪਰ ਡਾਕਟਰਾਂ ਨੇ ਕਿਹਾ ਕਿ ਉਸ ਦੀ ਮੌਤ ਹੋ ਚੁੱਕੀ ਹੈ।
ਪੁਲਿਸ ਸਟੇਸ਼ਨ ਨੰ. 7 ਦੀ ਪੁਲਿਸ ਨੇ ਇਸ ਮਾਮਲੇ ਵਿਚ ਫਿਲਹਾਲ ਪਿਤਾ ਦਵਿੰਦਰ ਸਿੰਘ ਦੇ ਬਿਆਨ ਤੇ ਧਾਰਾ 174 ਤਹਿਤ ਕਾਰਵਾਈ ਕੀਤੀ ਹੈ, ਜਦੋਂ ਕਿ ਪੋਸਟਮਾਰਟਮ ਦੀ ਰਿਪੋਰਟ ਅਨੁਸਾਰ ਗੁਰਦੀਪ ਸਿੰਘ (14) ਦੀ ਗਲਾ ਘੁੱਟ ਕੇ ਹੱਤਿਆ ਕੀਤੀ ਗਈ ਹੈ।
Hospital
ਜਾਂਚ ਅਧਿਕਾਰੀ ਏਐਸਆਈ ਸੁਖਦੇਵ ਸਿੰਘ ਅਨੁਸਾਰ ਪੁਲਿਸ ਨੂੰ ਦਿੱਤੇ ਗਏ ਬਿਆਨ ਵਿਚ ਪਿਤਾ ਨੇ ਦੱਸਿਆ ਕਿ ਉਹ ਬਰੈਡ ਵੇਚਣ ਦਾ ਕੰਮ ਕਰਦਾ ਹੈ। ਉਸ ਦੇ ਤਿੰਨ ਬੱਚੇ ਹਨ। ਸਭ ਤੋਂ ਵੱਡਾ ਪੁੱਤਰ ਗੁਰਦੀਪ ਸਿੰਘ ਸੀ ਅਤੇ ਉਹ ਅੱਠਵੀਂ ਜਮਾਤ ਦਾ ਵਿਦਿਆਰਥੀ ਸੀ। ਛੋਟਾ ਸੁਖਮੀਤ ਸਿੰਘ ਚੌਥੀ ਜਮਾਤ ਵਿਚ ਪੜ੍ਹਦਾ ਹੈ।
ਸਭ ਤੋਂ ਛੋਟੀ ਬੇਟੀ ਹੈ। ਜਦੋਂ ਉਹ ਮੱਥਾ ਟੇਕਣ ਗਏ ਸਨ ਤਾਂ ਉਹ ਅਪਣੀ ਬੇਟੀ ਨੂੰ ਗੁਆਢੀਆਂ ਘਰ ਛੱਡ ਗਏ ਸਨ। ਵੱਡੇ ਬੇਟੇ ਦਾ ਪੇਪਰ ਹੋਣ ਕਰਕੇ ਉਸ ਨੂੰ ਘਰ ਵਿਚ ਛੱਡ ਕੇ ਬਾਹਰੋਂ ਤਾਲਾ ਲਗਾ ਗਏ ਸੀ। ਵਾਪਸ ਆਏ ਤਾਂ ਵੇਖਿਆ ਕਿ ਬੇਟਾ ਬੇਸੁੱਧ ਹਾਲਤ ਵਿਚ ਬੈਡ ਤੇ ਪਿਆ ਹੋਇਆ ਸੀ ਜਿਸ ਨੂੰ ਹਸਪਤਾਲ ਲਿਜਾਣ ਤੇ ਡਾਕਟਰਾਂ ਨੇ ਇਸ ਦੀ ਜਾਣਕਾਰੀ ਪੁਲਿਸ ਨੂੰ ਦਿੱਤੀ। ਬੱਚੇ ਦੀ ਹੱਤਿਆ ਕਰਨ ਤੋਂ ਬਾਅਦ ਅਰੋਪੀ ਫਰਾਰ ਹੋ ਗਏ। ਪੁਲਿਸ ਇਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।
