ਮਾਮਲੇ ਦੀ ਕੀਤੀ ਜਾਵੇਗੀ ਫੋਰੈਂਸਿਕ ਜਾਂਚ- ਅਧਿਕਾਰੀ
ਜਲੰਧਰ: ਕਰਤਾਰੁਪਰ ਰੇਲਵੇ ਸਟੇਸ਼ਨ 'ਤੇ ਖੜੀ ਸਾਰਯੁ ਯਮੂਨਾ ਐਕਸਪ੍ਰੈਸ ਟਰੇਨ ਵਿਚ ਬੁੱਧਵਾਰ ਰਾਤ ਅੱਗ ਲੱਗ ਗਈ। ਬਿਹਾਰ ਦੇ ਜਯਾਨਗਰ ਤੋਂ ਅੰਮ੍ਰਿਤਸਰ ਜਾਣ ਵਾਲੀ ਟਰੇਨ ਵਿਚ ਲੱਗੀ ਅੱਗ ਇੰਨੀ ਤੇਜ਼ ਸੀ ਕਿ ਤਿੰਨ ਡੱਬੇ ਇਸ ਦੀ ਲਪੇਟ ਵਿਚ ਆ ਗਏ। ਹਾਲਾਕਿ ਇਸ ਘਟਨਾ ਵਿਚ ਕਿਸੇ ਦੇ ਵੀ ਜਾਨੀ ਨੁਕਸਾਨ ਦੀ ਖ਼ਬਰ ਨਹੀਂ ਹੈ।
Photo
ਜਾਣਕਾਰੀ ਮੁਤਾਬਕ ਇਹ ਟਰੇਨ ਲਗਭਗ 10:30 'ਤੇ ਕਰਤਾਰਪੁਰ ਪਹੁੰਚੀ ਤਾਂ ਐਸ-2 ਕੋਚ ਤੋਂ ਧੂੰਆਂ ਉੱਠਦਾ ਦਿਖਿਆ। ਹਾਲਾਕਿ ਇਹ ਅੱਗ ਵੇਖੇਦ ਹੀ ਵੇਖਦੇ ਐਸ-1 ਅਤੇ ਐਸ-3 ਡੱਬੇ ਵਿਚ ਫੈਲ ਗਈ। ਇਸ ਅੱਗ ਵਿਚ ਐਸ-2 ਡੱਬਾ ਤਾਂ ਪੂਰੀ ਤਰ੍ਹਾਂ ਸੜ ਕੇ ਖਾਕ ਹੋ ਗਿਆ ਅਤੇ ਬਾਕੀ ਦੋ ਡੱਬਿਆਂ ਨੂੰ ਵੀ ਕਾਫ਼ੀ ਨੁਕਸਾਨ ਪਹੁੰਚਿਆ ਹੈ।
Photo
ਦੱਸਿਆ ਜਾ ਰਿਹਾ ਹੈ ਕਿ ਅੱਗ ਉਸ ਵੇਲੇ ਲੱਗੀ ਜਦੋਂ ਟਰੇਨ ਵਿਚ ਲੋਕ ਸੋ ਰਹੇ ਸਨ। ਅੱਗ ਦੀ ਸੂਚਨਾ ਮਿਲਦੇ ਹੀ ਹਫੜਾ-ਤਫੜੀ ਮੱਚ ਗਈ। ਰੇਲਵੇ ਅਧਿਕਾਰੀਆ ਨੇ ਸਮਾਂ ਰਹਿੰਦੇ ਸਾਰੇ ਯਾਤਰੀਆਂ ਨੂੰ ਸੁਰੱਖਿਅਤ ਬਾਹਰ ਕੱਢ ਲਿਆ। ਮੌਕੇ 'ਤੇ ਪਹੁੰਚੇ ਅਧਿਕਾਰੀਆਂ ਨੇ ਟਰੇਨ ਵਿਚ ਅੱਗ ਲੱਗਣ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
Photo
ਫਿਰੋਜ਼ਪੁਰ ਡਿਵੀਜ਼ਨ ਦੇ ਡੀਆਰਐਸ ਨੇ ਟਵੀਟ ਕਰਕੇ ਜਾਣਕਾਰੀ ਦਿੱਤੀ ਕਿ ਸਾਰੇ ਯਾਤਰੀ ਸੁਰੱਖਿਅਤ ਹਨ ਅਤੇ ਸਾਰਿਆਂ ਨੂੰ ਅੰਮ੍ਰਿਤਸਰ ਪਹੁੰਚਾਇਆ ਜਾ ਰਿਹਾ ਹੈ। ਰੇਲਵੇ ਅਧਿਕਾਰੀਆਂ ਦੇ ਕਹਿਣਾ ਹੈ ਕਿ ਮਾਮਲੇ ਦੀ ਫੋਰੈਂਸਿਕ ਜਾਂਚ ਕੀਤੀ ਜਾਵੇਗੀ।
