11 ਸਾਲ ਦੀ ਮਿਹਨਤ ਤੋਂ ਬਾਅਦ ਰਾਠੀ ਦੀ ਚੱਪਲ ਜ਼ਰੀਏ ਮੂੰਹ-ਬੋਲਦੀ ਕਹਾਣੀ ਤੁਹਾਨੂੰ ਕਰ ਦੇਵੇਗੀ ਹੈਰਾਨ
ਮਾਨਸਾ: ਬੁਰਜ਼ ਰਾਠੀ ਪਿੰਡ ਦੇ ਰਹਿਣ ਵਾਲੇ ਗੁਰਮੀਤ ਸਿੰਘ ਰਾਠੀ ਦੀ ਕਲਾ ਦੇਖ ਹਰ ਕੋਈ ਹੈਰਾਨ ਰਹਿ ਜਾਵੇਗਾ। ਇਸ ਕਲਾਕਾਰੀ ਨੂੰ ਜਾਣਨ ਲਈ ਸਪੋਕਸਮੈਨ ਟੀਮ ਨੇ ਗੁਰਮੀਤ ਰਾਠੀ ਤਕ ਪਹੁੰਚ ਕੀਤੀ ਹੈ ਤੇ ਉਹਨਾਂ ਤੋਂ ਇਸ ਕਲਾਕਾਰੀ ਬਾਰੇ ਨੇੜੇ ਤੋਂ ਜਾਣਨ ਦੀ ਕੋਸ਼ਿਸ਼ ਕੀਤੀ ਹੈ। ਗੁਰਮੀਤ ਸਿੰਘ ਦੀ ਕਲਕਾਰੀ ਦੇਖ ਹਰ ਕੋਈ ਦੰਗ ਰਹਿ ਜਾਂਦਾ ਹੈ।
Art
ਜਿਹੜੀਆਂ ਚੀਜ਼ਾਂ ਬੇਕਾਰ ਹੋ ਜਾਂਦੀਆਂ ਹਨ ਉਹਨਾਂ ਦੀ ਵਰਤੋਂ ਕਰ ਕੇ ਗੁਰਮੀਤ ਸਿੰਘ ਨੇ ਅਜਿਹੀਆਂ ਨਵੀਆਂ ਚੀਜ਼ਾਂ ਤਿਆਰ ਕੀਤੀਆਂ ਹਨ ਜਿਹਨਾਂ ਬਾਰੇ ਕੋਈ ਸੋਚ ਵੀ ਨਹੀਂ ਸਕਦਾ। ਇਸ ਕੂੜੇ ਵਿਚ ਮੁੱਖ ਹਿੱਸਾ ਚੱਪਲ ਰਿਹਾ ਹੈ। ਚੱਪਲ ਨੂੰ ਸ਼ਿੰਗਾਰ ਕੇ ਟਰੈਕਟਰ, ਬੁੱਤ ਤੇ ਹੋਰ ਬਹੁਤ ਸਾਰੀਆਂ ਚੀਜ਼ਾਂ ਤਿਆਰ ਕੀਤੀਆਂ ਹਨ। ਇਹਨਾਂ ਵਸਤੂਆਂ ਨੂੰ ਲੋਕਾਂ ਸਾਹਮਣੇ ਪੇਸ਼ ਕਰਨ ਲਈ ਉਹਨਾਂ ਨੇ ਇਕ ਕਲਾ ਕੇਂਦਰ ਵੀ ਬਣਾਇਆ ਹੋਇਆ ਹੈ।
Art
ਉਹਨਾਂ ਦਸਿਆ ਕਿ ਉਹ ਬਚਪਨ ਤੋਂ ਹੀ ਚੱਪਲਾਂ ਨਾਲ ਖੇਡਦੇ ਰਹਿੰਦੇ ਸਨ ਤੇ ਅਪਣੇ ਬੈਗ ਵਿਚ ਵੀ ਚੱਪਲਾਂ ਪਾ ਕੇ ਲੈ ਕੇ ਜਾਂਦੇ ਸਨ। ਫਿਰ ਉਹਨਾਂ ਦਾ ਵਿਆਹ ਹੋ ਗਿਆ ਤੇ ਵਿਆਹ ਤੋਂ ਬਾਅਦ ਉਹਨਾਂ ਨੇ ਇਹ ਕੰਮ ਫਿਰ ਤੋਂ ਸ਼ੁਰੂ ਕੀਤਾ। ਇਸ ਕਲਾ ਪਿੱਛੇ ਉਹਨਾਂ ਦੀ ਤਕਰੀਬਨ 11 ਸਾਲ ਦੀ ਮਿਹਨਤ ਹੈ ਜਿਸ ਨੇ ਉਹਨਾਂ ਨੂੰ ਇੱਥੇ ਤਕ ਪਹੁੰਚਾਇਆ।
Art
ਟਰੈਕਟਰਾਂ ਦੀਆਂ ਲਗਭਗ ਸਾਰੀਆਂ ਕਿਸਮਾਂ ਬਣਾਈਆਂ ਗਈਆਂ ਹਨ ਜੋ ਕਿ ਕਿਸਾਨ ਦੀ ਸ਼ਾਨ ਮੰਨੇ ਜਾਂਦੇ ਹਨ। ਇਹਨਾਂ ਟਰੈਕਟਰਾਂ ਵਿਚ ਪ੍ਰੀਤ, ਅਰਜਨ, ਸਵਰਾਗ, 5911 ਤੇ ਹੋਰ ਕਈ ਟਰੈਕਟਰ ਸ਼ਾਮਲ ਹਨ। ਪੰਜਾਬੀ ਵਿਰਾਸਤ ਦੀਆਂ ਬਹੁਤ ਸਾਰੀਆਂ ਚੀਜ਼ਾਂ ਜਿਵੇਂ ਚਰਖਾ, ਚੱਕੀ, ਗੱਡਾ, ਉਖਲੀ ਆਦਿ ਸਮਾਨ ਵੀ ਬਣਾਇਆ ਗਿਆ ਹੈ। ਇਸ ਦੇ ਨਾਲ ਹੀ ਅੱਜ ਦੇ ਲੀਡਰ ਤੇ ਪੰਜਾਬ ਦੇ ਹਾਲਾਤਾਂ ਨੂੰ ਮੁੱਖ ਰੱਖ ਕੇ ਬੁੱਤ ਤੇ ਚੀਜ਼ਾਂ ਦੀ ਮੀਨਾਕਾਰੀ ਕੀਤੀ ਗਈ ਹੈ।
Art
ਉਹਨਾਂ ਨੇ ਇਹਨਾਂ ਚੀਜ਼ਾਂ ਨੂੰ ਬਣਾਉਣ ਵਿਚ ਲੱਗੇ ਸਮੇਂ ਬਾਰੇ ਦਸਿਆ ਕਿ ਇਕ ਟਰੈਕਟਰ 10 ਤੋਂ 12 ਦਿਨਾਂ ਦੇ ਵਿਚ ਤਿਆਰ ਕੀਤਾ ਜਾਂਦਾ ਹੈ। ਇਸ ਦੇ ਨਾਲ ਹੀ ਉਹਨਾਂ ਦਸਿਆ ਕਿ ਉਹਨਾਂ ਨੂੰ ਅਪਣੇ ਕੰਮ ਪ੍ਰਤੀ ਬਹੁਤ ਜ਼ਨੂੰਨ ਹੈ ਤੇ ਉਹ ਕਦੇ ਵੀ ਇਸ ਤੋਂ ਥੱਕਦੇ ਨਹੀਂ।
Art
ਇਸ ਦੇ ਨਾਲ ਹੀ ਉਹ ਖੇਤੀਬਾੜੀ ਦਾ ਕੰਮ ਵੀ ਕਰਦੇ ਹਨ। ਸੋ ਲੋੜ ਹੈ ਅਜਿਹੇ ਕਲਾਕਾਰ ਅਤੇ ਇਹਨਾਂ ਦੀਆਂ ਕਲਾਵਾਂ ਨੂੰ ਵੀ ਸੰਭਾਲਿਆ ਜਾਵੇ ਤਾਂ ਜੋ ਆਉਣ ਵਾਲੀ ਪੀੜ੍ਹੀ ਨੂੰ ਪੰਜਾਬ ਦੀ ਵਿਰਾਸਤ ਬਾਰੇ ਪਤਾ ਲੱਗ ਸਕੇ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
