ਦੋ ਦਿਨਾਂ ਤੋਂ ਲਾਪਤਾ 7 ਸਾਲਾ ਸਹਿਜਪ੍ਰੀਤ ਦੀ ਲਾਸ਼ ਐਤਵਾਰ ਸਵੇਰੇ ਨਹਿਰ 'ਚੋਂ ਮਿਲ ਗਈ ਸੀ।
ਲੁਧਿਆਣਾ - ਬੀਤੇ ਦਿਨੀਂ ਲਾਪਤਾ ਹੋਏ ਸਹਿਜ ਦੀ ਅੱਜ ਸਵੇਰੇ ਨਹਿਰ ਵਿਚੋਂ ਲਾਸ਼ ਮਿਲ ਗਈ ਸੀ ਤੇ ਅੱਜ ਹੀ ਉਸ ਦਾ ਸਸਕਾਰ ਕਰ ਦਿੱਤਾ ਗਿਆ ਹੈ। ਮਾਪਿਆਂ ਦਾ ਰੋ-ਰੋ ਬੁਰਾ ਹਾਲ ਹੈ, ਭੈਣਾਂ ਦਾ ਹਾਲ ਵੀ ਦੇਖਿਆ ਨਹੀਂ ਜਾ ਰਿਹਾ ਸੀ। ਜ਼ਿਕਰਯੋਗ ਹੈ ਕਿ ਦੋ ਦਿਨਾਂ ਤੋਂ ਲਾਪਤਾ 7 ਸਾਲਾ ਸਹਿਜਪ੍ਰੀਤ ਦੀ ਲਾਸ਼ ਐਤਵਾਰ ਸਵੇਰੇ ਨਹਿਰ 'ਚੋਂ ਮਿਲ ਗਈ ਸੀ। ਸਹਿਜ ਦੇ ਤਾਏ ਸਵਰਨ ਸਿੰਘ ਨੇ ਹੀ ਉਸ ਨੂੰ ਨਹਿਰ ਵਿਚ ਧੱਕਾ ਦੇ ਕੇ ਮਾਰ ਦਿੱਤਾ ਸੀ।
ਸੱਤ ਸਾਲਾ ਸਹਿਜਪ੍ਰੀਤ ਦੋ ਦਿਨ ਪਹਿਲਾਂ ਤਾਏ ਸਵਰਨ ਸਿੰਘ ਨਾਲ ਜਲੰਧਰ ਬਾਈਪਾਸ ’ਤੇ ਫਲ ਲੈਣ ਗਿਆ ਸੀ ਪਰ ਵਾਪਸ ਨਹੀਂ ਪਰਤਿਆ। ਪੁਲਿਸ ਇਸ ਮਾਮਲੇ ਨੂੰ ਸ਼ੁਰੂ ਤੋਂ ਹੀ ਸ਼ੱਕੀ ਮੰਨ ਰਹੀ ਸੀ, ਇਸ ਲਈ ਬੱਚੇ ਦੇ ਤਾਏ ਸਵਰਨ ਸਿੰਘ ਨੂੰ ਹਿਰਾਸਤ ਵਿਚ ਲੈ ਲਿਆ ਗਿਆ ਹੈ। ਉਸ ਤੋਂ 2 ਦਿਨਾਂ ਤੋਂ ਪੁੱਛਗਿੱਛ ਕੀਤੀ ਜਾ ਰਹੀ ਸੀ। ਪਹਿਲਾਂ ਤਾਂ ਸਵਰਨ ਸਿੰਘ ਖੁਦ ਪੁੱਛਦਾ ਰਿਹਾ ਕਿ ਸਹਿਜਪ੍ਰੀਤ ਕਿੱਥੇ ਹੈ? ਪਰ ਬਾਅਦ ਵਿਚ ਉਸ ਨੇ ਖੁਦ ਹੀ ਕਬੂਲ ਕਰ ਲਿਆ। ਸਵਰਨ ਸਿੰਘ ਦੀ ਨਿਸ਼ਾਨਦੇਹੀ 'ਤੇ ਐਤਵਾਰ ਨੂੰ ਗਿੱਲ ਨਹਿਰ 'ਚੋਂ ਸਹਿਜਪ੍ਰੀਤ ਦੀ ਲਾਸ਼ ਬਰਾਮਦ ਹੋਈ ਸੀ ਤੇ ਅੱਜ ਹੀ ਉਸ ਦਾ ਸਸਕਾਰ ਕਰ ਦਿੱਤਾ ਗਿਆ ਹੈ।
