ਸੁਖਪਾਲ ਖਹਿਰਾ ‘ਤੇ ਬੀਬੀ ਜਗੀਰ ਕੌਰ ਦਾ ਵੱਡਾ ਹਮਲਾ ਕਿਹਾ, ਫੋਕੀ ਰਾਜਨੀਤੀ ਚਮਕਾਉਣ ‘ਚ ਲੱਗਿਆ ਖਹਿਰਾ, ਕੈਪਟਨ ਸਰਕਾਰ ਨੂੰ ਵੀ ਲਿਆ ਨਿਸ਼ਾਨੇ ‘ਤੇ
ਬੇਗੋਵਾਲ(ਅੰਮ੍ਰਿਤਪਾਲ ਬਾਜਵਾ)- ਹਲਕਾ ਭੁਲੱਥ ਨੂੰ ਲੈ ਕੇ ਆਪ ਵਿਧਾਇਕ ਸੁਖਪਾਲ ਸਿੰਘ ਖਹਿਰਾ ਤੇ ਬੀਬੀ ਜਗੀਰ ਕੌਰ ਦੀ ਸਿਆਸੀ ਜੰਗ ਸਿਖਰਾਂ ‘ਤੇ ਹੈ, ਦੋਵਾਂ ਵੱਲੋਂ ਇਕ ਦੂਜੇ 'ਤੇ ਇਲਜ਼ਾਮ ਮੜੇ ਜਾ ਰਹੇ ਹਨ ਜਿਥੇ ਕਾਫੀ ਸਮੇਂ ਤੋਂ ਖਾਮੋਸ਼ ਰਹੇ ਖਹਿਰਾ ਨੇ ਆਉਣ ਸਾਰ ਜਗੀਰ ਕੌਰ ਤੇ ਤਿੱਖਾਂ ਹਮਲਾ ਬੋਲਿਆ ਉੱਥੇ ਹੀ ਬੀਬੀ ਜਗੀਰ ਕੌਰ ਨੇ ਵੀ ਚੁੱਪ ਤੋੜਦੇ ਹੋਏ ਖਹਿਰਾ ਨੂੰ ਕਰੜੇ ਹੱਥੀਂ ਲਿਆ।
ਜਗੀਰ ਕੌਰ ਦਾ ਕਹਿਣਾ ਹੈ ਕਿ ਸੁਖਪਾਲ ਖਹਿਰੇ ਬਸ ਫੋਕੀ ਰਾਜਨੀਤੀ ਚਮਕਾਉਣ ਵਿਚ ਲੱਗਿਆ ਹੋਇਆ ਹੈ। ਸਿਰਫ ਇੰਨਾਂ ਹੀ ਨਹੀਂ ਜਗੀਰ ਕੌਰ ਨੇ ਤਾਂ ਵਿਦੇਸ਼ਾਂ ਤੋਂ ਪੈਸਾਂ ਇਕੱਠਾਂ ਕਰਨ ਤੱਕ ਦੇ ਖਹਿਰਾ “ਤੇ ਇਲਜ਼ਾਮ ਲਗਾ ਦਿੱਤੇ। ਦੱਸ ਦਈਏ ਕਿ ਬੀਬੀ ਜਗੀਰ ਕੌਰ ਦਾ ਦਾਅਵਾ ਹੈ ਕਿ ਉਸ ਦੇ ਐਮਐਲਏ ਹੁੰਦੇ ਹੋਏ ਹਲਕੇ ਦਾ ਵਿਕਾਸ ਹੋਇਆ ਪਰ ਹੁਣ ਲੋਕ ਹਲਕੇ ਦੇ ਵਿਕਾਸ ਲਈ ਤਰਸ ਰਹੇ ਹਨ।
ਦੱਸ ਦਈਏ ਕਿ ਇਸ ਤੋਂ ਪਹਿਲਾਂ ਹਲਕਾ ਭੁਲੱਥ ਤੋਂ ਵਿਧਾਇਕ ਸੁਖਪਾਲ ਸਿੰਘ ਖਹਿਰਾ ਨੇ ਅਪਣੀ ਵਿਰੋਧੀ ਬੀਬੀ ਜਗੀਰ ਕੌਰ ਦੇ ਬਿਆਨ ਦਾ ਜਵਾਬ ਦਿੰਦਿਆਂ ਆਖਿਆ ਕਿ 'ਛੱਜ ਤਾਂ ਬੋਲੇ ਛਾਣਨੀ ਕਿਉਂ ਬੋਲੇ' ਵਾਲੀ ਕਹਾਵਤ ਬੀਬੀ ਜਗੀਰ ਕੌਰ 'ਤੇ ਪੂਰੀ ਢੁਕਦੀ ਹੈ।
Sukhpal Khaira
ਬੀਬੀ ਜਗੀਰ ਕੌਰ ਦੇ ਪਿੰਡ ਬੇਗੋਵਾਲ ਵਿਚ ਪੁੱਜੇ ਖਹਿਰਾ ਨੇ ਕਿਹਾ ਕਿ ਅਪਣੇ ਹੱਥਠੋਕਿਆਂ ਕੋਲੋਂ ਮੇਰੇ ਵਿਰੁੱਧ ਗ਼ਲਤ ਪ੍ਰਚਾਰ ਕਰਵਾਉਣ ਵਾਲੀ ਬੀਬੀ ਦੇ ਪਿੰਡ ਦਾ ਬੁਰਾ ਹਾਲ ਮੇਰੇ ਕਰਕੇ ਨਹੀਂ ਬਲਕਿ ਅਕਾਲੀ ਸਰਕਾਰ ਕਰਕੇ ਹੈ ਕਿਉਂਕਿ ਅਕਾਲੀ ਸਰਕਾਰ ਨੇ ਇੱਥੇ ਪਾਏ ਗਏ ਸੀਵਰੇਜ਼ ਵਿਚ ਘਟੀਆ ਸਮਾਨ ਦੀ ਵਰਤੋਂ ਕੀਤੀ ਅਤੇ ਰੱਜ ਕੇ ਪੈਸਾ ਖਾਧਾ।
Jagir Kaur
ਇਸ ਤੋਂ ਇਲਾਵਾ ਇਕ ਪ੍ਰੈਸ ਕਾਨਫਰੰਸ ਦੌਰਾਨ ਸੁਖਪਾਲ ਸਿੰਘ ਖਹਿਰਾ ਨੇ ਅਕਾਲੀ ਨੇਤਾ ਬੀਬੀ ਜਾਗੀਰ ਕੌਰ ਤੇ ਆਰੋਪ ਲਗਾਇਆ ਕਿ ਭੁਲੱਥ ਇਲਾਕੇ ਵਿਚ ਸੰਤ ਬਾਬਾ ਪ੍ਰੇਮ ਸਿੰਘ ਮੁਰਲੀ ਵਾਲੇ ਦਾ ਡੇਰਾ ਹੈ।
File Photo
ਜਿੱਥੇ ਸੰਤ ਪ੍ਰੇਮ ਸਿੰਘ ਜੀ ਦੀ ਸਮਾਧੀ ਹੈ ਅਤੇ ਇਸ ਸਬੰਧ ਵਿਚ ਬੀਬੀ ਜਾਗੀਰ ਕੌਰ ਨੇ ਗਲਤ ਫੈਕਟਰ ਦੇ ਨਾਲ ਤਿੰਨ ਕਨਾਲ ਪੰਦਰਾਂ ਮਰਲੇ ਤੇ ਗੁਰਦੁਆਰਾ ਸਾਹਿਬ ਦੀ ਜਗ੍ਹਾ ਤੇ ਕਬਜ਼ਾ ਕੀਤਾ ਹੋਇਆ ਹੈ ਹਾਈਕੋਰਟ ਤੋਂ ਇਸ ਕੇਸ ਵਿਚ ਡਿਗਰੀ ਲੈ ਲਈ ਹੈ। ਖਹਿਰਾ ਨੇ ਬੀਬੀ ਜਾਗੀਰ ਕੌਰ ਤੇ ਅਰੋਪ ਲਾਇਆ ਕਿ ਉਹ ਗੁਰਦੁਆਰਾ ਸਾਹਿਬ ਤੇ ਕਬਜ਼ਾ ਕਰਨਾ ਚਾਹੁੰਦੀ ਹੈ ਅਤੇ ਚੜ੍ਹ ਰਹੇ ਚੜ੍ਹਾਵੇ ਤੇ ਵੀ ਕਬਜ਼ਾ ਕਰਨਾ ਚਾਹੁੰਦੀ ਹੈ।
sukhpal singh khaira
ਇਸ ਤੋਂ ਇਲਾਵਾ ਖਹਿਰਾ ਨੇ ਅਪਣੇ ਹਲਕੇ ਦੀਆਂ 6 ਪ੍ਰਮੁੱਖ ਸੜਕਾਂ ਦਾ ਤੁਰੰਤ ਕੰਮ ਕਰਵਾਉਣ ਦੀ ਗੱਲ ਵੀ ਆਖੀ। ਦੱਸ ਦਈਏ ਕਿ ਕੁੱਝ ਦਿਨ ਪਹਿਲਾਂ ਹਲਕਾ ਭੁਲੱਥ ਵਿਚ ਜਿੱਥੇ ਕੁੱਝ ਲੋਕਾਂ ਵੱਲੋਂ ਖਹਿਰਾ ਦੇ ਲਾਪਤਾ ਹੋਣ ਦੇ ਪੋਸਟਰ ਲਗਾਉਣ ਦਾ ਮਾਮਲਾ ਸਾਹਮਣੇ ਆਇਆ ਸੀ, ਉਥੇ ਹੀ ਬੀਬੀ ਜਗੀਰ ਕੌਰ ਨੇ ਅਪਣੇ ਇਕ ਬਿਆਨ ਵਿਚ ਸੁਖਪਾਲ ਖਹਿਰਾ 'ਤੇ ਹਲਕੇ ਦੇ ਲੋਕਾਂ ਦਾ ਕੋਈ ਕੰਮ ਨਾ ਕਰਨ ਦੇ ਦੋਸ਼ ਵੀ ਲਗਾਏ ਸਨ।