ਇਹ ਹਾਦਸਾ ਪਿੰਡ ਖਾਈ ਫ਼ੇਮੇ ਕੇ ਨੇੜੇ (ਥਾਣਾ ਲੱਖੋਂ ਕੇ ਬਹਿਰਾਮ) ਵਿਖੇ ਵਾਪਰਿਆ।
ਫ਼ਿਰੋਜ਼ਪੁਰ: ਫ਼ਿਰੋਜ਼ਪੁਰ ਤੋਂ ਤਰਨਤਾਰਨ ਜਿਲ੍ਹੇਬਲ ਦੇ ਸਕੂਲ ਵਿਚ ਪੜ੍ਹਾਉਣ ਜਾ ਰਹੇ ਅਧਿਆਪਕਾਂ ਦੀ ਗੱਡੀ ਦੀ ਰੋਡਵੇਜ਼ ਬੱਸ ਨਾਲ ਟੱਕਰ ਹੋ ਗਈ। ਇਸ ਦੌਰਾਨ 3 ਅਧਿਆਪਕਾਂ ਸਣੇ 4 ਦੀ ਮੌਕੇ ’ਤੇ ਹੀ ਮੌਤ ਹੋਣ ਦੀ ਖ਼ਬਰ ਮਿਲੀ ਹੈ। ਇਹ ਹਾਦਸਾ ਪਿੰਡ ਖਾਈ ਫ਼ੇਮੇ ਕੇ ਨੇੜੇ (ਥਾਣਾ ਲੱਖੋਂ ਕੇ ਬਹਿਰਾਮ) ਵਿਖੇ ਵਾਪਰਿਆ।
ਇਹ ਵੀ ਪੜ੍ਹੋ: ਐਕਸ-ਇੰਡੀਆ ਲੀਵ ਨੂੰ ਲੈ ਕੇ ਨਿਯਮ ਸਖ਼ਤ: ਵਿਦੇਸ਼ ਜਾਣ ਲਈ ਛੁੱਟੀ ਮੰਗਣ ਸਮੇਂ ਸਬੂਤਾਂ ਸਮੇਤ ਦੱਸਣਾ ਹੋਵੇਗਾ ਕਾਰਨ
ਹਾਦਸਾ ਇੰਨਾ ਭਿਆਨਕ ਸੀ ਕਿ ਟਰੈਕਸ ਗੱਡੀ ਦੇ ਪਰਖੱਚੇ ਉੱਡ ਗਏ। ਮ੍ਰਿਤਕਾਂ ਵਿਚ 3 ਅਧਿਆਪਕਾਂ (2 ਔਰਤਾਂ) ਅਤੇ 1 ਡਰਾਈਵਰ ਸ਼ਾਮਲ ਸਨ। ਇਹ ਅਧਿਆਪਕ ਜਲਾਲਾਬਾਦ ਦੇ ਦੱਸੇ ਜਾ ਰਹੇ ਹਨ। ਮਿਲੀ ਜਾਣਕਾਰੀ ਅਨੁਸਾਰ ਇਹ ਅਧਿਆਪਕ ਰੋਜ਼ਾਨਾ ਗੱਡੀ ਵਿਚ ਸਕੂਲ ਜਾਂਦੇ ਸਨ। ਬਾਕੀ ਜ਼ਖਮੀਆਂ ਨੂੰ ਹਸਪਤਾਲ ਵਿਚ ਭਰਤੀ ਕਰਵਾਇਆ ਗਿਆ ਹੈ।
ਸਿੱਖਿਆ ਮੰਤਰੀ ਹਰਜੋਤ ਬੈਂਸ ਵਲੋਂ ਦੁੱਖ ਦਾ ਪ੍ਰਗਟਾਵਾ
ਸਿੱਖਿਆ ਮੰਤਰੀ ਹਰਜੋਤ ਸਿੰਘ ਬੈਂਸ ਨੇ ਟਵੀਟ ਕਰਦਿਆਂ ਲਿਖਿਆ ਫਾਜ਼ਿਲਕਾ/ਜਲਾਲਾਬਾਦ ਤੋਂ ਸਕੂਲ ਡਿਊਟੀ ਜਾ ਰਹੇ ਅਧਿਆਪਕਾਂ ਦੇ ਸੜਕ ਹਾਦਸੇ ਦੀ ਬਹੁਤ ਹੀ ਦੁਖਦਾਈ ਖਬਰ ਆ ਰਹੀ ਹੈ। ਮੈਂ ਅਧਿਆਪਕਾਂ ਦੀ ਸੁਰੱਖਿਆ ਅਤੇ ਤੰਦਰੁਸਤੀ ਲਈ ਪ੍ਰਮਾਤਮਾ ਦੇ ਚਰਨਾਂ ਵਿਚ ਅਰਦਾਸ ਕਰਦਾ ਹਾਂ”।
