ਸਥਾਨਕ ਮੁੱਲਾਂਪੁਰ ਲਿੰਕ ਰੋਡ ਨੇੜੇ ਕੁੰਦਨ ਦੇ ਪੱਠਿਆਂ ਦੇ ਸਟਾਲ ਉਤੇ ਕੰਮ ਕਰਦੇ ਦੋ ਨੌਕਰਾਂ ਦੀ ਆਪਸੀ ਲੜਾਈ ਹੋ

ਮੁੱਲਾਂਪੁਰ ਦਾਖਾ, 23 ਮਈ (ਕਾਲੀਆ) : ਸਥਾਨਕ ਮੁੱਲਾਂਪੁਰ ਲਿੰਕ ਰੋਡ ਨੇੜੇ ਕੁੰਦਨ ਦੇ ਪੱਠਿਆਂ ਦੇ ਸਟਾਲ ਉਤੇ ਕੰਮ ਕਰਦੇ ਦੋ ਨੌਕਰਾਂ ਦੀ ਆਪਸੀ ਲੜਾਈ ਹੋ ਗਈ, ਗੁੱਸੇ ਵਿਚ ਆਏ ਨੌਕਰ ਨੇ ਅਪਣੇ ਸਾਥੀ ਦੇ ਸਿਰ ਉਤੇ ਡੰਡਿਆਂ ਨਾਲ ਵਾਰ ਕਰ ਕੇ ਬੇਰਹਿਮੀ ਨਾਲ ਉਸ ਦਾ ਕਤਲ ਕਰ ਦਿਤਾ। ਮੁਲਜ਼ਮ ਨੇ ਅਪਣਾ ਗੁਨਾਹ ਲੁਕਾਉਣ ਲਈ ਡਰਾਮਾ ਰਚਿਆ, ਜੋ ਥਾਣਾ ਦਾਖਾ ਪੁਲਸ ਦੇ ਗਲੇ ਵਿਚੋਂ ਨਹੀਂ ਉਤਰਿਆ ਅਤੇ ਪੁੱਛਗਿੱਛ ਦੌਰਾਨ ਉਸ ਨੇ ਅਪਣਾ ਗੁਨਾਹ ਕਬੂਲ ਕਰ ਲਿਆ, ਜਿਸ ਨੂੰ ਪੁਲਿਸ ਨੇ ਗਿ੍ਰਫ਼ਤਾਰ ਕਰ ਲਿਆ ਹੈ। ਥਾਣਾ ਦਾਖਾ ਦੇ ਮੁਖੀ ਇੰਸਪੈਕਟਰ ਪ੍ਰੇਮ ਸਿੰਘ ਨੇ ਦਸਿਆ ਕਿ ਹਰਿੰਦਰ ਸਿੰਘ ਪੁੱਤਰ ਕੁੰਦਨ ਸਿੰਘ ਵਾਸੀ ਪਿੰਡ ਮੁੱਲਾਂਪੁਰ ਦਾ ਕੁੰਦਨ ਪੱਠਿਆਂ ਦਾ ਸਟਾਲ ਹੈ,

ਜਿਸ ਉਪਰ ਪ੍ਰਕਾਸ਼ (51) ਜੋ ਕਿ ਪਿਛਲੇ 43 ਸਾਲ ਤੋਂ ਕੰਮ ਕਰਦਾ ਹੈ ਅਤੇ ਉਸ ਨਾਲ ਇਕ ਹੋਰ ਨੌਕਰ ਮੰਗਾ ਸਿੰਘ ਪੁੱਤਰ ਬਲਦੇਵ ਸਿੰਘ ਵਾਸੀ ਪਿੰਡ ਬਡਗਰ ਤਹਿਸੀਲ ਧਨੌਲਾ ਜ਼ਿਲ੍ਹਾ ਬਰਨਾਲਾ ਜੋ ਕਿ ਪਿਛਲੇ ਡੇਢ ਕੁ ਸਾਲ ਤੋਂ ਇਥੇ ਕੰਮ ਕਰਦਾ ਹੈ, ਦੋਵੇਂ ਇਥੇ ਦਿਨ ਰਾਤ ਕੰਮ ਕਰਦੇ ਸਨ ਅਤੇ ਰਾਤ ਨੂੰ ਵੀ ਇਕੱਠੇ ਹੀ ਸੋਂਦੇ ਸਨ। 22 ਮਈ ਦੀ ਰਾਤ ਨੂੰ ਲਗਭਗ 11.30 ਵਜੇ ਦੋਵੇਂ ਰੋਟੀ ਖਾ ਰਹੇ ਸਨ ਤਾਂ ਦੋਵਾਂ ਦਾ ਝਗੜਾ ਹੋ ਗਿਆ। ਇਸ ਦੌਰਾਨ ਮੰਗਾ ਸਿੰਘ ਨੇ ਪ੍ਰਕਾਸ਼ ਦੇ ਸਿਰ ਉਤੇ ਡੰਡੇ ਨਾਲ ਵਾਰ ਕਰ ਦਿਤਾ, ਜਿਸ ਕਾਰਨ ਉਸ ਦੀ ਮੌਤ ਹੋ ਗਈ।  ਮੰਗਾ ਸਿੰਘ ਦੇ ਗੁਆਹ ਕਰਨ ਵਾਲੇ ਬਿਆਨ ਤੋਂ ਬਾਅਦ ਪੁਲਿਸ ਨੇ  ਬਾਰੀਕੀ ਨਾਲ ਪੁੱਛਗਿੱਛ ਕੀਤੀ ਤਾਂ ਉਸ ਨੇ ਅਪਣਾ ਜ਼ੁਰਮ ਕਬੂਲ ਕਰਦਿਆਂ ਸੱਚ ਦੱਸ ਦਿਤਾ।ਪੁਲਿਸ ਨੇੇ ਲਾਸ਼ ਕਬਜ਼ੇ ਵਿਚ ਲੈ ਕੇ ਹਰਿੰਦਰ ਸਿੰਘ ਦੇ ਬਿਆਨਾਂ ਉਤੇ ਮੰਗਾ ਸਿੰਘ ਪੁੱਤਰ ਬਲਦੇਵ ਸਿੰਘ ਵਿਰੁਧ ਧਾਰਾ 302 ਅਧੀਨ ਕੇਸ ਦਰਜ ਕਰ ਕੇ ਇਸ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ।