ਮੋਹਾਲੀ ਵਿਚ ਇਕ ਵਾਰ ਫਿਰ ਆਟੋ ਚਾਲਕ ਨੇ ਕੁੜੀ ਨੂੰ ਬਿਠਾ ਕੇ ਉਸ ਨੂੰ ਕਿਡਨੈਪ ਕਰਨ ਦੀ ਕੋਸ਼ਿਸ਼ ਕੀਤੀ ਪਰ ਕੁੜੀ ਨੇ ਹਿੰਮਤ...
ਮੋਹਾਲੀ (ਭਾਸ਼ਾ) : ਮੋਹਾਲੀ ਵਿਚ ਇਕ ਵਾਰ ਫਿਰ ਆਟੋ ਚਾਲਕ ਨੇ ਕੁੜੀ ਨੂੰ ਬਿਠਾ ਕੇ ਉਸ ਨੂੰ ਕਿਡਨੈਪ ਕਰਨ ਦੀ ਕੋਸ਼ਿਸ਼ ਕੀਤੀ ਪਰ ਕੁੜੀ ਨੇ ਹਿੰਮਤ ਦਿਖਾਉਂਦੇ ਹੋਏ ਚਲਦੇ ਆਟੋ ਤੋਂ ਛਲਾਂਗ ਲਗਾ ਕੇ ਅਪਣੀ ਜਾਨ ਬਚਾਈ। ਉਥੇ ਹੀ ਆਟੋ ਚਾਲਕ ਮੌਕੇ ‘ਤੇ ਫਰਾਰ ਹੋ ਗਿਆ। ਇਸ ਤੋਂ ਬਾਅਦ ਉਥੇ ਮੌਕੇ ‘ਤੇ ਮੌਜੂਦ ਲੋਕਾਂ ਨੇ ਆਟੋ ਦਾ ਪਿੱਛਾ ਕਰਨਾ ਸ਼ੁਰੂ ਕਰ ਦਿਤਾ। ਨਾਲ ਹੀ ਫੇਸ-5 ਸਟੇਟ ਸਾਇਬਰ ਸੇਲ ਦੇ ਕੋਲ ਆਟੋ ਚਾਲਕ ਨੂੰ ਫੜ੍ਹ ਕੇ ਪੁਲਿਸ ਦੇ ਹਵਾਲੇ ਕਰ ਦਿਤਾ।
ਆਟੋ ਚਾਲਕ ਨੇ ਅਪਣਾ ਨਾਮ ਰਵੀ (ਉਮਰ ਕਰੀਬ 25 ਸਾਲ) ਦੱਸੀ ਹੈ। ਨਾਲ ਹੀ ਉਹ ਨਸ਼ੇ ਵਿਚ ਧੁੱਤ ਸੀ। ਉਥੇ ਹੀ ਪਤਾ ਲੱਗਿਆ ਕਿ ਫੜੇ ਗਏ ਦੋਸ਼ੀ ਨੇ ਕਬੂਲਿਆ ਹੈ ਕਿ ਸੈਕਟਰ-66, ਫੇਸ-11, ਪਿੰਡ ਸ਼ਾਹੀਮਾਜਰਾ ਅਤੇ ਸੈਕਟਰ-80 ਵਿਚ ਵੀ ਉਹ ਇਸ ਤਰ੍ਹਾਂ ਦੀਆਂ ਵਾਰਦਾਤਾਂ ਨੂੰ ਅੰਜਾਮ ਦੇ ਚੁੱਕਿਆ ਹੈ। ਫਿਲਹਾਲ ਦੋਸ਼ੀ ਨੂੰ ਫੇਸ-11 ਦੀ ਪੁਲਿਸ ਦੇ ਹਵਾਲੇ ਕੀਤਾ ਗਿਆ ਹੈ। ਥਾਣਾ ਫੇਸ-11 ਦੇ ਐਸਐਚਓ ਗੁਰਪ੍ਰੀਤ ਸਿੰਘ ਬੈਂਸ ਨੇ ਦੱਸਿਆ ਕਿ ਉਨ੍ਹਾਂ ਨੇ ਚੰਡੀਗੜ੍ਹ ਨਿਵਾਸੀ ਉਸ ਕੁੜੀ ਨੂੰ ਵੀ ਬੁਲਾਇਆ ਸੀ,
ਜਿਸ ਨੂੰ ਆਟੋ ਚਾਲਕ ਨੇ ਅਗਵਾਹ ਕਰਨ ਦੀ ਕੋਸ਼ਿਸ਼ ਕੀਤੀ ਸੀ। ਕੁੜੀ ਨੂੰ ਦੋਸ਼ੀ ਦੀ ਪਹਿਚਾਣ ਕਰਨ ਲਈ ਬੁਲਾਇਆ ਸੀ ਪਰ ਉਸ ਕੁੜੀ ਨੇ ਆਟੋ ਚਾਲਕ ਨੂੰ ਪਛਾਣਨ ਤੋਂ ਮਨ੍ਹਾ ਕਰ ਦਿਤਾ। ਪੁਲਿਸ ਆਟੋ ਚਾਲਕ ਤੋਂ ਪੁੱਛਗਿਛ ਕਰ ਰਹੀ ਹੈ। ਜਾਣਕਾਰੀ ਦੇ ਮੁਤਾਬਕ, ਫੇਸ-5 ਪੀਟੀਐਲ ਚੌਕ ਦੀਆਂ ਲਾਈਟਾਂ ‘ਤੇ ਇਕ ਹਰੇ ਪੀਲੇ ਰੰਗ ਦੇ ਆਟੋ ਤੋਂ ਕੁੜੀ ਨੇ ਛਲਾਂਗ ਲਗਾ ਦਿਤੀ। ਨਾਲ ਹੀ ਆਟੋ ਚਾਲਕ ਕਾਫ਼ੀ ਤੇਜ਼ ਰਫ਼ਤਾਰ ਨਾਲ ਉਥੋਂ ਫਰਾਰ ਹੋ ਗਿਆ।
ਮੌਕੇ ਦੇ ਗਵਾਹਾਂ ਦੇ ਮੁਤਾਬਕ ਉਸ ਸਮੇਂ ਕੁੜੀ ਕਾਫ਼ੀ ਡਰੀ ਹੋਈ ਸੀ ਅਤੇ ਜਲਦੀ ਵਿਚ ਉਥੋਂ ਨਿਕਲ ਗਈ। ਹਾਲਾਂਕਿ ਉਥੇ ਖੜੇ ਕੁਝ ਬਾਈਕ ਸਵਾਰ ਜਵਾਨਾਂ ਨੇ ਆਟੋ ਦਾ ਪਿੱਛਾ ਕਰ ਕੇ ਉਸ ਨੂੰ ਫੇਸ-4 ਦੇ ਕੋਲ ਘੇਰ ਲਿਆ। ਉਥੇ ਮੌਜੂਦ ਐਸਟੀਐਫ ਪੁਲਿਸ ਕਰਮਚਾਰੀਆਂ ਨੇ ਉਸ ਨੂੰ ਫੜ ਲਿਆ ਅਤੇ ਉਸ ਤੋਂ ਪੁੱਛਗਿਛ ਕੀਤੀ ਗਈ।
21 ਸਿਤੰਬਰ ਨੂੰ ਵੀ ਚੰਡੀਗੜ ਦੀ ਨਿਵਾਸੀ ਇਕ ਕੁੜੀ ਨੇ ਫੇਸ-11 ਵਿਚ ਚੱਲ ਰਹੇ ਆਟੋ ਤੋਂ ਛਲਾਂਗ ਲਗਾਈ ਸੀ, ਜਿਸ ਨੂੰ ਗੰਭੀਰ ਹਾਲਤ ਵਿਚ ਚੰਡੀਗੜ੍ਹ ਦੇ ਹਸਪਤਾਲ ਵਿਚ ਭਰਤੀ ਕਰਵਾਇਆ ਗਿਆ ਸੀ। ਉਸ ਸਮੇਂ ਕੁੜੀ ਦੇ ਵਲੋਂ ਸ਼ਿਕਾਇਤ ਦਿਤੀ ਗਈ ਸੀ।