ਪਹਿਲਾਂ ਜਾਹਿਰ ਕੀਤੇ ਅਨੁਸਾਰ ਵੈਸਟਰਨ ਡਿਸਟ੍ਰਬੈਂਸ ਦੇ ਅੱਗੇ ਲੰਘ ਜਾਣ ਕਾਰਨ ਸੂਬੇ ਚ ਮੌਸਮ ਖੁੱਲ੍ਹ ਗਿਆ ਹੈ। ਆਉਣ ਵਾਲੇ 2-3 ਦਿਨ ਤੇਜ਼, ਠੰਢੀਆਂ ਪੱਛਮੀ....
ਚੰਡੀਗੜ੍ਹ : ਪਹਿਲਾਂ ਜਾਹਿਰ ਕੀਤੇ ਅਨੁਸਾਰ ਵੈਸਟਰਨ ਡਿਸਟ੍ਰਬੈਂਸ ਦੇ ਅੱਗੇ ਲੰਘ ਜਾਣ ਕਾਰਨ ਸੂਬੇ ਚ ਮੌਸਮ ਖੁੱਲ੍ਹ ਗਿਆ ਹੈ। ਆਉਣ ਵਾਲੇ 2-3 ਦਿਨ ਤੇਜ਼, ਠੰਢੀਆਂ ਪੱਛਮੀ ਹਵਾਂਵਾਂ ਚੱਲਣ ਨਾਲ ਦਿਨ ਚਿੱਟੇ ਤੇ ਖੂਬਸੂਰਤ ਬਣੇ ਰਹਿਣਗੇ, ਪਰ ਮੌਸਮ ਆਮ ਨਾਲੋਂ ਠੰਢਾ ਰਹੇਗਾ। 25-26-27 ਫਰਵਰੀ ਨੂੰ ਬੰਗਾਲ ਤੇ ਪੂਰਬੀ ਭਾਰਤ ਚ ਮੀਂਹ ਤੇ ਗੜੇਮਾਰੀ ਹੋਵੇਗੀ, ਅਸਰ ਵਜੋਂ ਪੰਜਾਬ ‘ਚ ਵੀ ਕਈ ਥਾਈਂ ਫਿਰ ਬਰਸਾਤ ਹੋਵੇਗੀ।
Rain
ਮਾਰਚ ਦੇ ਸ਼ੁਰੂਆਤੀ ਦਿਨਾਂ ਚ ਵੀ ਇੱਕ ਹੋਰ ਵੈਸਟਰਨ ਡਿਸਟ੍ਰਬੈਂਸ ਦੀ ਆਮਦ ਦੀ ਸੰਭਾਵਨਾ ਬਣੀ ਹੋਈ ਹੈ। ਮੌਜੂਦਾ ਸਮੇਂ ਹਰ ਸੂਬਾ ਵਾਸੀ ਦੇ ਮਨ ਚ ਇਸ ਸੀਜ਼ਨ ਹੋ ਰਹੀਆਂ ਔਸਤ ਤੋਂ ਵਧੇਰੇ ਬਰਸਾਤਾਂ ਨੂੰ ਲੈਕੇ ਸਵਾਲ ਬਣਿਆ ਹੋਇਆ ਹੈ। ਸਾਫ ਸ਼ਬਦਾਂ ਵਿਚ ਪੰਜਾਬ ਚ ਪੱਛਮੀ ਬਾਰਡਰ ਤੋਂ ਲਗਾਤਾਰ ਹੋ ਰਹੀ ਵੈਸਟਰਨ ਡਿਸਟ੍ਰਬੈਂਸ ਦੀ ਆਮਦ ਨਾਲ ਸਾਉਣ-ਭਾਦੋਂ ਵਰਗੀ ਸਥਿਤੀ ਮਾਰਚ ਦੇ ਪਹਿਲੇ ਅੱਧ ਤੱਕ ਬਣੀ ਰਹੇਗੀ। ਉਸਤੋਂ ਬਾਅਦ ਇਸ ਚ ਕਮੀ ਜਰੂਰ ਆਵੇਗੀ ਪਰ ਫਿਰ ਵੀ, ਘਟੀ ਹੋਈ ਗਿਣਤੀ ਚ ਵੈਸਟਰਨ ਡਿਸਟ੍ਰਬੈਂਸ ਬੇਮੌਸਮੀ ਬਰਸਾਤ ਤੇ ਗੜੇਮਾਰੀ ਨੂੰ ਅੰਜਾਮ ਦੇ ਸਕਦੇ ਹਨ।
Rain
ਸਾਉਣ ਵਾਂਗੂ ਮੌਜੂਦ ਜਮੀਨੀ ਨਮੀ ਨੂੰ ਮੱਦੇਨਜ਼ਰ ਰੱਖਦੇ ਹੋਏ, ਇੱਥੋਂ ਤੱਕ ਕਿ ਗਰਮੀ ਤੇ ਲੂ ਦੀ ਸਥਿਤੀ ਚ ਵੀ ਦੇਰੀ ਦੀ ਉਮੀਦ ਹੈ। ਦੱਸਣਯੋਗ ਹੈ ਕਿ ਲੋਹੜੀ ਤੋਂ ਬਾਅਦ ਸੂਬੇ ਚ ਰਿਕਾਰਡਤੋੜ ਮੀਂਹ ਤੇ ਗੜੇਮਾਰੀ ਹੋਈ ਹੈ। ਪਠਾਨਕੋਟ, ਹੁਸ਼ਿਆਰਪੁਰ, ਗੁਰਦਾਸਪੁਰ,ਨਵਾਂਸ਼ਹਿਰ ਤੇ ਲੁਧਿਆਣਾ ਦੇ ਇਲਾਕਿਆਂ ਚ ਔਸਤ ਨਾਲੋਂ 3 ਤੋਂ 4 ਗੁਣਾ ਵਧੇਰੇ ਮੀਂਹ ਪੈ ਚੁੱਕੇ ਹਨ, ਕਈ ਥਾਈਂ ਫਸਲੀ ਨੁਕਸਾਨ ਵੀ ਹੋਇਆ ਹੈ, ਪਰ ਆਗਾਮੀ 2 ਹਫਤੇ ਸਥਿਤੀ ਜਿਉਂ ਦੀ ਤਿਉਂ ਬਣੀ ਰਹੇਗੀ। ਅੱਜ ਸਵੇਰ ਪੰਜਾਬ ਦੇ ਕਈ ਹਿੱਸਿਆਂ ਚ ਧੁੰਦ ਤੇ ਧੁੰਦ ਵਾਲੇ ਬੱਦਲ ਛਾਏ ਰਹੇ, ਜਿਨ੍ਹਾਂ ਚੋਂ ਪੂਰਬੀ ਜਿਲ੍ਹੇ ਮੁੱਖ ਰਹੇ, ਜਿੱਥੇ 12-1 ਵਜੇ ਤੱਕ ਸੂਰਜ ਦੇ ਦਰਸ਼ਨ ਹੋਏ।
