ਪਵਿੱਤਰ ਧਰਤੀ ਹਰਿਮੰਦਰ ਸਾਹਿਬ ਵਿਚ ਹਰੀ ਪੱਟੀ ਦੇ ਪ੍ਰਸਤਾਵ ਨੂੰ ਮਨਜ਼ੂਰੀ ਮਿਲ ਜਾਣ 'ਤੇ ਇਸ ਨੂੰ ਹਰੀ ਭਰੀ ਬਾਗ਼ਬਾਨੀ ਨਾਲ ਹੋਰ ਵੀ ਖੂਬਸੂਰਤ ਦਿਖ ਦਿਤੀ ਜਾਵੇਗੀ।
ਅੰਮ੍ਰਿਤਸਰ: ਪਵਿੱਤਰ ਧਰਤੀ ਹਰਿਮੰਦਰ ਸਾਹਿਬ ਵਿਚ ਹਰੀ ਪੱਟੀ ਦੇ ਪ੍ਰਸਤਾਵ ਨੂੰ ਮਨਜ਼ੂਰੀ ਮਿਲ ਜਾਣ 'ਤੇ ਇਸ ਨੂੰ ਹਰੀ ਭਰੀ ਬਾਗ਼ਬਾਨੀ ਨਾਲ ਹੋਰ ਵੀ ਖੂਬਸੂਰਤ ਦਿਖ ਦਿਤੀ ਜਾਵੇਗੀ। ਇਸ ਥਾਂ ਨੂੰ ਇਸ ਤਰ੍ਹਾਂ ਹਕੀਕਤ ਵਿਚ ਲਿਆਂਦਾ ਜਾਵੇਗਾ ਕਿ ਜਿੱਥੇ ਸ਼ਰਧਾਲੂ ਬੈਠ ਕਿ ਆਰਾਮ ਕਰ ਸਕਣਗੇ। ਇਸ ਹਰੀ ਪੱਟੀ ਦਾ ਪ੍ਰਸਾਤਵ ਸ਼੍ਰੋਮਣੀ ਕਮੇਟੀ ਦੇ ਪ੍ਰਧਾਨ ਭਾਈ ਗੋਬਿੰਦ ਸਿੰਘ ਲੌਂਗੋਵਾਲ ਦੀ ਅਗਵਾਈ ਵਾਲੀ ਕਾਰਜਕਾਰੀ ਕਮੇਟੀ ਵਲੋਂ ਪਾਸ ਕੀਤਾ ਗਿਆ। ਦੱਸ ਦਈਏ ਕਿ ਇਸ ਕੰਮ ਦੀ ਸਾਰੀ ਜ਼ਿਮੇਵਾਰੀ ਬਾਬਾ ਕਸ਼ਮੀਰ ਸਿੰਘ ਭੂਰੀਵਾਲੇ ਨੂੰ ਸੌਂਪੀ ਗਈ ਹੈ।
ਹਰੀ ਪੱਟੀ ਬਣਾਉਣ ਵਾਲੀ ਜਗ੍ਹਾ ਹਰਿਮੰਦਰ ਸਾਹਿਬ ਦੇ ਗੁਰੂ ਰਾਮਦਾਸ ਜੀ ਲੰਗਰ ਹਾਲ ਤੇ ਗੁਰਦੁਆਰਾ ਮੰਜੀ ਸਾਹਿਬ ਦੇ ਵਿਚਕਾਰ ਉਸਾਰਨੀ ਨੀਅਤ ਕੀਤੀ ਗਈ ਹੈ। ਇਸ ਵਿਚ 2 ਬਗੀਚੀਆਂ ਬਣਾਈਆਂ ਜਾਣਗੀਆਂ ਜਿੱਥੇ ਮੌਸਮੀ ਫੁੱਲ ਤੇ ਹਰਬਲ ਬੂਟੇ ਲਾਏ ਜਾਣਗੇ। ਇਸ ਕੰਮ ਲਈ ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਦੇ ਬਾਗ਼ਬਾਨੀ ਤੇ ਫਲੋਰੀਕਲਚਰ ਮਾਹਿਰ ਡਾ. ਜਸਵਿੰਦਰ ਸਿੰਘ ਬਿਲਗਾ ਦੀਆਂ ਸੇਵਾਵਾਂ ਲਈਆਂ ਜਾ ਰਹੀਆਂ ਹਨ।
ਅਧਿਕਾਰੀਆਂ ਨੇ ਗੱਲ ਸਾਂਝੀ ਕਰਦੇ ਹੋਏ ਦੱਸਿਆ ਕਿ ਹਰੀ ਪੱਟੀ ਵਿੱਚ ਹਰਬਲ ਬੂਟਿਆਂ ਦੀਆਂ ਕਿਸਮਾਂ ਦੇ ਅਜਿਹੇ ਪੌਦੇ ਲਗਾਏ ਜਾਣਗੇ ਜੋ ਜਲਦੀ ਵਧ ਸਕਣ ਤੇ ਘੱਟ ਸਮੇਂ ਵਿੱਚ ਫੁੱਲ ਤੇ ਬੀਜ ਦੇ ਸਕਣ। ਅਹਿਮਦਾਬਾਦ ਆਧਾਰਿਤ ਲੈਂਡਸਕੇਪਿੰਗ ਕੰਪਨੀ ਦੇ ਮਾਹਿਰਾਂ ਨੇ ਹਰਿਮੰਦਰ ਸਾਹਿਬ ਦੌਰਾ ਕੀਤਾ ਤੇ ਇਲਾਕੇ ਦੀ ਜਾਂਚ ਕਰਨ ਪਿੱਛੋਂ ਮਹਿਰਾਂ ਨੇ ਹਰੀ ਪੱਟੀ ਦੇ ਪ੍ਰੋਜੈਕਟ ਲਈ ਕੁਝ ਬੂਟੇ ਵੀ ਜਮ੍ਹਾ ਕਰਾਏ ਹਨ।
ਸ਼੍ਰੋਮਣੀ ਕਮੇਟੀ ਦੇ ਚਾਫ ਸਕੱਤਰ ਡਾ. ਰੂਪ ਸਿੰਘ, ਸਕੱਤਰ ਮਨਜੀਤ ਸਿੰਘ ਬਾਠ, ਡਾ. ਬਿਲਗਾ ਤੇ ਅਵਤਾਰ ਸਿੰਘ ਸਾਂਪਲਾ ਨੂੰ ਇਸ ਦਾ ਖਾਕਾ ਵੀ ਦਿਖਾਇਆ ਗਿਆ ਹੈ। ਸ਼੍ਰੋਮਣੀ ਕਮੇਟੀ ਦੇ ਬੁਲਾਰੇ ਤੇ ਵਧੀਕ ਸਕੱਤਰ ਦਿਲਜੀਤ ਸਿੰਘ ਦਾ ਕਹਿਣਾ ਹੈ ਕਿ ਬਗੀਚਿਆਂ ਦੇ ਡਿਜ਼ਈਨ ਲਈ ਕੁਝ ਨਮੂਨੇ ਵੀ ਚੁਣੇ ਗਏ ਹਨ ਜੋ ਕਿ ਸ਼੍ਰੋਮਣੀ ਕਮੇਟੀ ਪ੍ਰਧਾਨ ਨੂੰ ਦਿਖਾਉਣ ਲਈ ਇਕਦਮ ਤਿਆਰ ਹਨ। ਇਸ ਕੰਮ ਨੂੰ ਨੇਪਰੇ ਚਾੜ੍ਹਨ ਦਾ ਅੰਤਿਮ ਫ਼ੈਸਲਾ ਕਾਰਜਕਾਰੀ ਕਮੇਟੀ ਵਲੋਂ ਜਲਦ ਹੀ ਕੀਤਾ ਜਾਵੇਗਾ।