ਵਿਧਾਨ ਸਭਾ ਸੈਸ਼ਨ ਦੀਆਂ ਤਿਆਰੀਆਂ ਜਾਰੀ, ਵਿਧਾਇਕ-ਮੰਤਰੀਆਂ-ਪ੍ਰੈੱਸ ਲਈ ਕੋਵਿਡ ਨੈਗੇਟਿਵ ਰਿਪੋਰਟ ਜ਼ਰੂਰੀ
Published : Aug 25, 2020, 8:43 pm IST
Updated : Aug 25, 2020, 8:43 pm IST
SHARE ARTICLE
Vidhan Sabha Session
Vidhan Sabha Session

ਕੇਂਦਰੀ 3 ਆਰਡੀਨੈਂਸਾਂ ਵਿਰੁਧ ਸਰਕਾਰ ਖ਼ੁਦ ਪੇਸ਼ ਕਰੇਗੀ ਪ੍ਰਸਤਾਵ, ਸ਼ੋਮਣੀ ਅਕਾਲੀ ਦਲ ਸਦਨ ਵਿਚ ਜ਼ਰੂਰ ਜਾਏਗਾ : ਢਿੱਲੋਂ

ਚੰਡੀਗੜ੍ਹ : ਕੋਰੋਨਾ ਵਾਇਰਸ ਦੇ ਖ਼ਤਰਨਾਕ ਪ੍ਰਕੋਪ ਦੇ ਚਲਦਿਆਂ ਪੰਜਾਬ ਵਿਧਾਨ ਸਭਾ ਦਾ ਇਕ ਦਿਨਾ ਸੈਸ਼ਨ 28 ਅਗੱਸਤ ਸ਼ੁਕਰਵਾਰ ਨੂੰ ਮਹਿਜ਼ ਇਕ-ਦੋ ਘੰਟਿਆਂ ਦਾ ਹੋਵੇਗਾ, ਜਿਸ ਵਿਚ ਸਵੇਰ ਦੀ ਬੈਠਕ ਵਿਚ ਮਰਹੂਮ ਨੇਤਾਵਾਂ, ਵਿਧਾਇਕਾਂ ਤੇ ਹੋਰ ਵਿਛੜੀਆਂ ਰੂਹਾਂ ਨੂੰ ਸ਼ਰਧਾਂਜਲੀ ਦਿਤੀ ਜਾਵੇਗੀ ਅਤੇ ਬਾਅਦ ਦੁਪਹਿਰ ਦੀ ਬੈਠਕ ਵਿਚ ਸਰਕਾਰੀ ਪ੍ਰਸਤਾਵ ਅਤੇ ਕੁੱਝ ਬਿੱਲ ਪਾਸ ਕੀਤੇ ਜਾਣਗੇ। ਇਨ੍ਹਾਂ ਬਿਲਾਂ ਵਿਚ ਇਕ ਗੁਰੂ ਤੇਗ਼ ਬਹਾਦਰ ਲਾਅ ਯੂਨੀਵਰਸਟੀ ਤਰਨ ਤਾਰਨ ਵਿਚ ਸਥਾਪਤ ਕਰਨ ਬਾਰੇ ਹੈ, ਜਿਸ ਦਾ ਫ਼ੈਸਲਾ ਅੱਜ ਦੀ ਪੰਜਾਬ ਮੰਤਰੀ ਮੰਡਲ ਦੀ ਬੈਠਕ ਵਿਚ ਲਿਆ ਗਿਆ।

Vidhan Sabha SessionVidhan Sabha Session

ਵਿਧਾਨ ਸਭਾ ਸਪੀਕਰ ਰਾਣਾ ਕੇ.ਪੀ. ਸਿੰਘ ਮੁਤਾਬਕ ਸ਼੍ਰੋਮਣੀ ਅਕਾਲੀ ਦਲ ਦੇ ਵਿਧਾਇਕ ਅਤੇ ਸਾਬਕਾ ਵਿੱਤ ਮੰਤਰੀ ਪਰਮਿੰਦਰ ਸਿੰਘ ਢੀਂਡਸਾ ਵਲੋਂ 21 ਅਗੱਸਤ ਨੂੰ ਆਇਆ ਕੇਂਦਰੀ ਆਰਡੀਨੈਂਸ ਵਿਰੁਧ ਨੋਟਿਸ ਨਿਯਮ 71 ਹੇਠ ਸੈਸ਼ਨ ਦੇ ਸ਼ੁਰੂ ਹੋਣ ਤੋਂ ਸਪੱਸ਼ਟ 7 ਕੰਮ-ਕਾਜੀ ਦਿਨਾਂ ਮੁਤਾਬਕ ਨਹੀਂ ਸੀ, ਜਿਸ ਕਰ ਕੇ ਰੱਦ ਕੀਤਾ ਗਿਆ ਹੈ।

Rana Kp Singh Rana Kp Singh

ਦੂਜੇ ਪਾਸੇ ਪਰਮਿੰਦਰ ਸਿੰਘ ਢੀਂਡਸਾ ਨੇ ਸਪੱਸ਼ਟ ਸ਼ਬਦਾਂ ਵਿਚ ਕਿਹਾ ਕਿ ਫ਼ਸਲਾਂ ਦੀ ਖ਼ਰੀਦ ਅਤੇ ਖੁਲ੍ਹੇ ਮੰਡੀ ਸਿਸਟਮ ਬਾਰੇ ਕੇਂਦਰੀ ਆਰਡੀਨੈਂਸਾਂ ਵਿਰੋਧ ਬਹਿਸ ਵਾਲਾ ਪ੍ਰਸਤਾਵ ਉਨ੍ਹਾਂ 20 ਅਗੱਸਤ ਨੂੰ ਵਿਧਾਨ ਸਭਾ ਸਕੱਤਰੇਤ ਨੂੰ ਦੇ ਦਿਤਾ ਸੀ। ਇਸ ਪ੍ਰਸਤਾਵ 'ਤੇ ਵੋਟਿੰਗ ਵੀ ਜ਼ਰੂਰੀ ਹੁੰਦੀ ਹੈ। ਸੂਤਰਾਂ ਨੇ ਦਸਿਆ ਕਿ ਸਰਕਾਰ ਖ਼ੁਦ ਯਾਨੀ 'ਮੁੱਖ ਮੰਤਰੀ ਰਾਹੀਂ ਜਾਂ ਸੰਸਦੀ ਮਾਮਲਿਆਂ ਦੇ ਮੰਤਰੀ ਬ੍ਰਹਮ ਮਹਿੰਦਰਾ' ਇਹੀ ਪ੍ਰਸਤਾਵ ਮੌਕੇ 'ਤੇ ਹੀ ਪੇਸ਼ ਕਰੇਗੀ ਅਤੇ ਇਨ੍ਹਾਂ ਤਿੰਨ ਆਰਡੀਨੈਂਸਾਂ ਨੂੰ ਰੱਦ ਕਰਵਾ ਦੇਵੇਗੀ।

punjab Vidhan Sabhapunjab Vidhan Sabha

ਸਪੀਕਰ ਰਾਣਾ ਕੇ.ਪੀ. ਨੇ ਇਹ ਵੀ ਦਸਿਆ ਕਿ ਅਕਾਲੀ ਦਲ ਨੂੰ ਛੱਡ ਚੁੱਕੇ ਪਰਮਿੰਦਰ ਸਿੰਘ ਢੀਂਡਸਾ ਦੀ ਵਿਧਾਨ ਸਭਾ ਵਿਚ ਸੀਟ ਵਖਰੀ ਉਦੋਂ ਤਕ ਨਹੀਂ ਲੱਗ ਸਕਦੀ ਜਦ ਤਕ ਉਹ ਪਾਰਟੀ ਦੇ ਨੇਤਾ ਸ਼ਰਨਜੀਤ ਢਿੱਲੋਂ, ਲਿਖਤੀ ਰੂਪ ਵਿਚ ਵਿਧਾਨ ਸਭਾ ਸਕੱਤਰੇਤ ਨੂੰ ਨਹੀਂ ਲਿਖਦੇ। ਉਨ੍ਹਾਂ ਕਿਹਾ ਕਿ ਸ਼ਰਨਜੀਤ ਢਿੱਲੋਂ ਨੂੰ ਪਿਛਲੇ ਦਿਨੀਂ ਲਿਖੀਆਂ ਦੋਨੋਂ ਚਿੱਠੀਆਂ ਦਾ ਜਵਾਬ ਉਨ੍ਹਾਂ ਨਹੀਂ ਦਿਤਾ।

Parminder DhindsaParminder Dhindsa

ਪਰਮਿੰਦਰ ਢੀਂਡਸਾ ਨੇ ਰੋਜ਼ਾਨਾ ਸਪੋਕਸਮੈਨ ਨੂੰ ਦਸਿਆ ਕਿ ਉਹ ਸਪੀਕਰ ਨੂੰ ਭਲਕੇ ਜਾਤੀ ਤੌਰ 'ਤੇ ਮਿਲ ਕੇ ਅਪਣੇ ਪ੍ਰਸਤਾਵ ਅਤੇ ਸੀਟ ਸਬੰਧੀ ਹਾਲਤ ਸਪੱਸ਼ਟ ਕਰਨਗੇ ਅਤੇ ਇਹ ਵੀ ਅੰਤਮ ਫ਼ੈਸਲਾ ਲੈਣਗੇ ਕਿ ਇਜਲਾਸ ਦੌਰਾਨ ਹਾਜ਼ਰੀ ਭਰੀ ਜਾਵੇ ਜਾਂ ਬਾਹਰ ਹੀ ਰੋਸ ਪ੍ਰਗਟ ਕੀਤਾ ਜਾਵੇ। ਵਿਛੜੀਆਂ ਰੂਹਾਂ ਨੂੰ ਸ਼ਰਧਾਂਜਲੀਆਂ ਅਰਪਿਤ ਕਰਨ ਵਾਲੀ ਸੂਚੀ ਵਿਚ ਵਿੱਤ ਮੰਤਰੀ ਦੇ ਪਿਤਾ ਗੁਰਦਾਸ ਸਿੰਘ ਬਾਦਲ ਅਤੇ ਹਰੀ ਸਿੰਘ ਜ਼ੀਰਾ ਦੇ ਨਾਂ ਸ਼ਾਮਲ ਹਨ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook  ਤੇ ਲਾਈਕ Twitter  ਤੇ follow  ਕਰੋ।

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

ਸਬੰਧਤ ਖ਼ਬਰਾਂ

Advertisement

ਬਾਬਾ ਤਰਸੇਮ ਸਿੰਘ ਦੇ ਕਤਲ ਦਾ CCTV, ਦੇਖੋ ਕਿਵੇਂ ਕੁਰਸੀ 'ਤੇ ਬੈਠੇ ਬਾਬਾ ਤਰਸੇਮ ਸਿੰਘ ਨੂੰ ਬਦਮਾਸ਼ਾਂ ਨੇ ਮਾਰੀਆਂ..

28 Mar 2024 4:40 PM

'ਸਾਈਕਲ ਦਾ ਵੀ ਸਟੈਂਡ ਹੁੰਦਾ, ਆਹ ਰਿੰਕੂ ਦਾ ਕੋਈ ਸਟੈਂਡ ਹੀ ਨਹੀਂ, ਮੈਂ ਤਾਂ ਹੈਰਾਨ ਹਾਂ'

28 Mar 2024 3:17 PM

Debate: BJP ਨੇ ਪੰਜਾਬ 'ਚ ਮਚਾਈ ਤਰਥੱਲੀ, ਪੱਟ ਲਏ ਵੱਡੇ ਲੀਡਰ! ਚੱਲਦੀ ਡਿਬੇਟ 'ਚ ਭਿੜ ਗਏ AAP ਤੇ BJP ਆਗੂ, ਰੱਜ ਕੇ

28 Mar 2024 3:09 PM

ਬੱਸ ਤੇ ਕਾਰ ਦੀ ਸਿੱਧੀ ਟੱਕਰ ਮਚ ਗਿਆ ਚੀਕ-ਚਿਹਾੜਾ ਫਿਰੋਜ਼ਪੁਰ ਦੇ ਜੀਰਾ ’ਚ ਵਾਪਰਿਆ ਦਰਦਨਾਕ ਹਾਦਸਾ

28 Mar 2024 1:08 PM

Punjab 'ਚ ਵਿਕ ਰਿਹਾ ਨਕਲੀ ਸੀਮਿੰਟ! Ambuja ਤੇ ACC ਸੀਮਿੰਟ ਦੇ ਗੱਟਿਆਂ ਨਾਲ ਭਰਿਆ ਟਰੱਕ Police ਨੇ ਫੜਿਆ

28 Mar 2024 12:50 PM
Advertisement