ਧਰਨੇ ਦੌਰਾਨ ਕਲਾਕਾਰਾਂ ਪਿੱਛੇ ਕਮਲੇ ਹੋਏ ਪੰਜਾਬ ਦੇ ਨੌਜਵਾਨ
ਨਾਭਾ (ਲੰਕੇਸ਼ ਤ੍ਰਿਖਾ): ਕਿਸਾਨ ਵਿਰੋਧੀ ਬਿਲਾਂ ਖਿਲਾਫ਼ ਪੂਰੇ ਸੂਬੇ ਵਿਚ ਪ੍ਰਦਰਸ਼ਨ ਚੱਲ ਰਹੇ ਹਨ। ਕਿਸਾਨਾਂ ਦਾ ਸਾਥ ਦੇਣ ਲਈ ਨੌਜਵਾਨ, ਕਲਾਕਾਰ, ਸਿਆਸੀ ਨੇਤਾ ਅਤੇ ਹੋਰ ਵਰਗ ਦੇ ਲੋਕਾਂ ਨੇ ਵੀ ਇਹਨਾਂ ਧਰਨਿਆਂ ਵਿਚ ਸ਼ਮੂਲੀਅਤ ਕੀਤੀ। ਇਸ ਪ੍ਰਦਰਸ਼ਨ ਦੌਰਾਨ ਨੌਜਵਾਨਾਂ ਦੀ ਇਕ ਹੈਰਾਨੀਜਨਕ ਤਸਵੀਰ ਦੇਖਣ ਨੂੰ ਮਿਲੀ।
Punjab youth crazy for singers during protest
ਜਾਣ ਕੇ ਬੜਾ ਦੁੱਖ ਹੋਵੇਗਾ ਕਿ ਅਪਣੇ ਹੱਕਾਂ ਲਈ ਰੇਲਵੇ ਦੀਆਂ ਪਟੜੀਆਂ ਅਤੇ ਸੜਕਾਂ ‘ਤੇ ਪ੍ਰਦਰਸ਼ਨ ਕਰ ਰਹੇ ਬਜ਼ੁਰਗਾਂ ਨੂੰ ਨਜ਼ਰ ਅੰਦਾਜ਼ ਕਰਕੇ ਨੌਜਵਾਨ ਕਲਾਕਾਰਾਂ ਨਾਲ ਸੈਲਫੀਆਂ ਲੈਣ ਲਈ ਪਾਗਲ ਹੋ ਗਏ। ਇਸ ਦੌਰਾਨ ਉਹ ਇਹ ਭੁੱਲ ਗਏ ਕਿ ਉਹ ਇੱਥੇ ਸਿੰਗਰਾਂ ਨਾਲ ਫੋਟੋਆਂ ਖਿਚਾਉਣ ਲਈ ਨਹੀਂ ਬਲਕਿ ਅਪਣੇ ਹੱਕ ਲੈਣ ਲਈ ਆਏ ਹਨ।
Punjab youth crazy for singers during protest
ਹਾਲਾਂਕਿ ਰੋਜ਼ਾਨਾ ਸਪੋਕਸਮੈਨ ਨਾਲ ਗੱਲ਼ ਕਰਦਿਆਂ ਕੁਝ ਨੌਜਵਾਨਾਂ ਨੇ ਸਾਫ ਇਨਕਾਰ ਕਰ ਦਿੱਤਾ ਕਿ ਉਹ ਸੈਲਫੀਆਂ ਨਹੀਂ ਲੈ ਰਹੇ ਬਲਕਿ ਸਿੰਗਰਾਂ ਦੇ ਇੰਟਰਵਿਊ ਦੇਖ ਰਹੇ ਨੇ ਜਦਕਿ ਇਹ ਸਾਰੀ ਤਸਵੀਰ ਕੈਮਰੇ ਵਿਚ ਚੰਗੀ ਤਰ੍ਹਾਂ ਕੈਦ ਹੋਈ। ਵੱਡੀ ਗਿਣਤੀ ਵਿਚ ਨੌਜਵਾਨ ਕਲਾਕਾਰਾਂ ਨਾਲ ਸੈਲਫੀਆਂ ਲੈਂਦੇ ਨਜ਼ਰ ਆਏ ਜਦਕਿ ਕਈ ਸਿੰਗਰਾਂ ਨੇ ਉਹਨਾਂ ਨੂੰ ਮਨ੍ਹਾਂ ਵੀ ਕੀਤਾ।
Punjab youth crazy for singers during protest
ਰਣਜੀਤ ਬਾਵਾ ਨਾਲ ਸੈਲਫੀ ਲੈਣ ਲਈ ਕਈ ਨੌਜਵਾਨਾਂ ਨੇ ਤਾਂ ਆਪਸ ਵਿਚ ਧੱਕਾ-ਮੁੱਕੀ ਵੀ ਕੀਤੀ। ਨੌਜਵਾਨਾਂ ਦੀ ਭੀੜ ਦੇਖ ਕੇ ਸਿੰਗਰ ਵੀ ਤੇਜ਼ੀ ਨਾਲ ਉੱਥੋਂ ਨਿਕਲ ਗਏ। ਇਹ ਹਾਲ ਉਸ ਨੌਜਵਾਨ ਪੀੜੀ ਦਾ ਹੈ, ਜਿਸ ‘ਤੇ ਸਾਡੇ ਬਜ਼ੁਰਗਾਂ ਅਤੇ ਦੇਸ਼ ਨੂੰ ਮਾਣ ਹੈ।
Ranjit Bawa
ਇਸ ਦੌਰਾਨ ਇਕ ਨੌਜਵਾਨ ਨੇ ਸੈਲਫੀਆਂ ਲੈਂਦੇ ਨੌਜਵਾਨਾਂ ਨੂੰ ਲਾਹਣਤਾਂ ਪਾਈਆਂ ਤੇ ਕਿਹਾ ਕਿ ਇਹਨਾਂ ਨੌਜਵਾਨਾਂ ਨੂੰ ਸ਼ਰਮ ਆਉਣੀ ਚਾਹੀਦੀ ਹੈ। ਉੱਥੇ ਮੌਜੂਦ ਕਈ ਲੋਕਾਂ ਨੇ ਨੌਜਵਾਨਾਂ ਦੇ ਅਜਿਹੇ ਵਰਤਾਅ ‘ਤੇ ਸ਼ਰਮਿੰਦਗੀ ਜ਼ਾਹਿਰ ਕੀਤੀ। ਸੈਲਫੀਆਂ ਲੈਂਦੇ ਨੌਜਵਾਨ ਪੱਤਰਕਾਰ ‘ਤੇ ਵੀ ਔਖੇ ਹੋ ਗਏ।
Punjab youth crazy for singers during protest
ਅੱਜ ਬੜੇ ਮਾਣ ਨਾਲ ਕਿਹਾ ਜਾ ਰਿਹਾ ਹੈ ਕਿ ਕਿਸਾਨਾਂ ਦੇ ਸੰਘਰਸ਼ ਵਿਚ ਨੌਜਵਾਨ ਉਹਨਾਂ ਨਾਲ ਮੋਢਾ ਜੋੜ ਕੇ ਖੜ੍ਹੇ ਹਨ ਪਰ ਸੱਚਾਈ ਕੁਝ ਹੋਰ ਹੀ ਹੈ। ਜ਼ਿਆਦਾਤਰ ਨੌਜਵਾਨ ਕਿਸਾਨਾਂ ਦੇ ਹੱਕ ਲੈਣ ਨਹੀਂ ਬਲਕਿ ਸਿੰਗਰਾਂ ਨਾਲ ਸੈਲਫੀਆਂ ਲੈਣ ਆਏ। ਨੌਜਵਾਨਾਂ ਦਾ ਅਜਿਹਾ ਵਰਤਾਅ ਦੇਸ਼ ਦੇ ਭਵਿੱਖ ਲਈ ਖਤਰਨਾਕ ਸਾਬਿਤ ਹੋ ਸਕਦਾ ਹੈ।
