ਇਹਨਾਂ ਕੋਲ ਸਮਾਰਟਫੋਨ...
ਲੁਧਿਆਣਾ: ਕੋਰੋਨਾ ਮਹਾਂਮਾਰੀ ਦੇ ਕਾਰਨ ਸਕੂਲ-ਕਾਲਜ ਬੰਦ ਹਨ। ਬਹੁਤ ਸਾਰੇ ਬੱਚੇ ਘਰ ਬੈਠੇ ਆਨਲਾਈਨ ਪੜ੍ਹਾਈ ਕਰ ਰਹੇ ਹਨ। ਪਰ ਕੁੱਝ ਅਜਿਹੇ ਬੱਚੇ ਵੀ ਹਨ ਜੋ ਕਿ ਕੋਰੋਨਾ ਕਾਲ ਵਿਚ ਪੜ੍ਹਾਈ ਤੋਂ ਵਾਂਝੇ ਹਨ। ਚਾਂਦ ਸਿਨੇਮਾ ਕੋਲ ਰਹਿਣ ਵਾਲੇ ਕ੍ਰਿਸ਼ਣ ਅਤੇ ਰੂਪਾ ਵੀ ਉਹਨਾਂ ਵਿਚੋਂ ਇਕ ਹਨ।
Corona virus
ਇਹਨਾਂ ਕੋਲ ਸਮਾਰਟਫੋਨ ਨਹੀਂ ਹਨ। ਪਿਤਾ ਰਿਕਸ਼ਾ ਚਾਲਕ ਹਨ ਅਤੇ ਅੱਜ ਕੱਲ੍ਹ ਉਹਨਾਂ ਦੀ ਆਮਦਨੀ ਵੀ ਪਹਿਲਾਂ ਦੀ ਤਰ੍ਹਾਂ ਨਹੀਂ ਰਹੀ। ਮਾਂ ਘਰ ਦਾ ਖਰਚ ਚਲਾਉਣ ਲਈ ਸਬਜ਼ੀ ਵੇਚਣ ਲਈ ਮਜ਼ਬੂਰ ਹੈ। ਘਰ ਵਿਚ ਸਮਾਰਟ ਫੋਨ ਨਾ ਹੋਣ ਕਾਰਨ ਬੱਚਿਆਂ ਦੀ ਆਨਲਾਈਨ ਪੜ੍ਹਾਈ ਨਹੀਂ ਹੋ ਪਾ ਰਹੀ। ਉਹ ਹੁਣ ਮਾਂ ਨਾਲ ਸਬਜ਼ੀ ਵੇਚਣ ਦੇ ਕੰਮ ਵਿਚ ਹੱਥ ਵਟਾ ਰਹੇ ਹਨ।
Online Class
ਪਰਿਵਾਰ ਰੋਜ਼ਾਨਾ ਰੇਹੜੀ ਲੈ ਕੇ ਮੰਡੀ ਜਾਂਦਾ ਹੈ ਅਰੂਪਤੇ ਉੱਥੋਂ ਸਬਜ਼ੀ ਲਿਆ ਕੇ ਚਾਂਦ ਸਿਨੇਮਾ ਦੇ ਆਸ-ਪਾਸ ਵੇਚਦਾ ਹੈ। ਇਸ ਸਮੇਂ ਉਹਨਾਂ ਦੇ ਘਰ ਦਾ ਖਰਚ ਇਸ ਤੋਂ ਹੀ ਚਲ ਰਿਹਾ ਹੈ। ਬੱਚੀ ਰੂਪਾ ਨੇ ਦਸਿਆ ਕਿ ਉਹ ਪੰਜਵੀਂ ਜਮਾਤ ਵਿਚ ਪੜ੍ਹਦੀ ਹੈ ਅਤੇ ਉਸ ਦਾ ਭਰਾ ਕ੍ਰਿਸ਼ਣ ਦੂਜੀ ਜਮਾਤ ਵਿਚ ਹੈ। ਕੋਰੋਨਾ ਦੇ ਕਾਰਨ ਸਕੂਲ ਬੰਦ ਹਨ। ਮੋਬਾਇਲ ਨਾ ਹੋਣ ਕਾਰਨ ਆਨਲਾਈਨ ਪੜ੍ਹਾਈ ਨਹੀਂ ਹੋ ਸਕੀ।
Vegetables
ਮਾਂ ਗੰਗੇ ਦੇਵੀ ਨੇ ਦਸਿਆ ਕਿ ਉਸ ਦੇ 6 ਬੱਚੇ ਹਨ। ਪਤੀ ਮਦਨ ਰਿਕਸ਼ਾ ਚਾਲਕ ਹੈ। ਕੋਰੋਨਾ ਕਾਲ ਵਿਚ ਉਹਨਾਂ ਦੀ ਆਮਦਨੀ ਘਟ ਹੋ ਗਈ ਹੈ। ਹੁਣ 6 ਬੱਚਿਆਂ ਦੇ ਘਰ ਦਾ ਖਰਚ ਚਲਾਉਣਾ ਮੁਸ਼ਕਿਲ ਹੋ ਗਿਆ ਹੈ। ਇਸ ਲਈ ਮਜ਼ਬੂਰੀ ਵਿਚ ਸਬਜ਼ੀ ਵੇਚਣੀ ਪੈ ਰਹੀ ਹੈ। ਸਮਾਰਟਫੋਨ ਨਾ ਹੋਣ ਕਾਰਨ ਬੱਚਿਆਂ ਦੀ ਪੜ੍ਹਾਈ ਨਹੀਂ ਹੋ ਪਾ ਰਹੀ। 2 ਸਮੇਂ ਦੀ ਰੋਟੀ ਵੀ ਬਹੁਤ ਮੁਸ਼ਕਿਲ ਨਾਲ ਨਸੀਬ ਹੋ ਰਹੀ ਹੈ।
