ਅੰਮ੍ਰਿਤਸਰ ਪੁਲਿਸ ਵਲੋਂ 5 ਗੈਂਗਸਟਰਾਂ ਨੂੰ ਗ੍ਰਿਫ਼ਤਾਰ ਕਰਨ ਦਾ ਦਾਅਵਾ ਕੀਤਾ ਹੈ। ਇਨ੍ਹਾਂ ਵਿਚੋਂ ਇਕ ਬਦਮਾਸ਼ ਪਿਛਲੇ ਦਿਨੀਂ ਕੋਟ...
ਅੰਮ੍ਰਿਤਸਰ (ਸਸਸ) : ਅੰਮ੍ਰਿਤਸਰ ਪੁਲਿਸ ਵਲੋਂ 5 ਗੈਂਗਸਟਰਾਂ ਨੂੰ ਗ੍ਰਿਫ਼ਤਾਰ ਕਰਨ ਦਾ ਦਾਅਵਾ ਕੀਤਾ ਹੈ। ਇਨ੍ਹਾਂ ਵਿਚੋਂ ਇਕ ਬਦਮਾਸ਼ ਪਿਛਲੇ ਦਿਨੀਂ ਕੋਟ ਖ਼ਾਲਸਾ ਵਿਚ ਮਾਰੇ ਗਏ ਗਏ ਨੌਜਵਾਨ ਬਲਵਿੰਦਰ ਬਿੱਲਾ ਦੇ ਕਤਲ ਕੇਸ ਵਿਚ ਲੋੜੀਂਦਾ ਗੁਰਜਸ਼ਨਜੀਤ ਉਰਫ਼ ਚੀਨੀ ਵੀ ਸ਼ਾਮਲ ਹੈ। ਪੁਲਿਸ ਵਲੋਂ ਇਨ੍ਹਾਂ ਕੋਲੋਂ ਕਈ ਹਥਿਆਰ ਵੀ ਬਰਾਮਦ ਕੀਤੇ ਗਏ ਹਨ।
ਦੱਸ ਦਈਏ ਕਿ ਪਿਛਲੇ ਇਕ ਮਹੀਨੇ ਦੌਰਾਨ ਛੇਹਰਟਾ ਤੇ ਕੋਟ ਖ਼ਾਲਸਾ ਇਲਾਕੇ ਵਿਚ ਗੋਲੀਬਾਰੀ ਦੇ ਲਗਭੱਗ 6 ਮਾਮਲੇ ਸਾਹਮਣੇ ਆਏ ਹਨ। ਗੋਲ਼ੀਬਾਰੀ ਦੀ ਇਕ ਘਟਨਾ ਵਿਚ ਹੀ ਬਲਵਿੰਦਰ ਬਿੱਲਾ ਦੀ ਮੌਤ ਹੋ ਗਈ ਸੀ। ਹਾਲਾਂਕਿ ਗੁਰਜਸ਼ਨਜੀਤ ਕੋਲੋਂ ਪੁੱਛਗਿੱਛ ਤੋਂ ਬਾਅਦ ਹੀ ਪਤਾ ਲੱਗ ਸਕੇਗਾ ਕਿ ਉਸ ਨੇ ਬਲਵਿੰਦਰ ਬਿੱਲਾ ਨੂੰ ਕਿਉਂ ਮਾਰਿਆ ਸੀ?
ਇਹ ਸਾਰੇ ਮੁਲਜ਼ਮ ਗੈਂਗਸਟਰ ਜੱਗੂ ਭਗਵਾਨਪੁਰੀਆ ਦੇ ਕਰੀਬੀ, ਗੁਰਦੀਪ ਪਹਿਲਵਾਨ ਕਤਲ ਕਾਂਡ ਤੇ ਗੁਰੂ ਬਾਜ਼ਾਰ ਲੁੱਟ ਵਿਚ ਮੁੱਖ ਦੋਸ਼ੀ ਅੰਗਰੇਜ਼ ਦੇ ਸਾਥੀ ਹਨ। ਪੁਲਿਸ ਦਾ ਕਹਿਣਾ ਹੈ ਕਿ ਇਹ ਪੰਜੇ ਅੰਮ੍ਰਿਤਸਰ ਵਿਚ ਵਾਪਰੀਆਂ ਕਈ ਗੈਂਗਵਾਰ ਘਟਨਾਵਾਂ ਵਿਚ ਸ਼ਾਮਲ ਸਨ। ਇਨ੍ਹਾਂ ਤੋਂ 9 MM ਪਿਸਤੌਲ, 30 ਬੋਰ ਪਿਸਤੌਲ ਅਤੇ 12 ਬੋਰ ਰਿਵਾਲਵਰ, ਗੋਲੀਆਂ ਤੇ ਮੈਗਜ਼ੀਨ ਵੀ ਬਰਾਮਦ ਹੋਏ ਹਨ।