ਅੱਜ ਸੰਵਿਧਾਨ ਦਿਵਸ ਮੌਕੇ ਪੰਜਾਬ ਵਿਧਾਨ ਸਭਾ ਦੇ ਵਿਸ਼ੇਸ਼ ਇਜਲਾਸ ਦੌਰਾਨ ਹੋਈ ਬਹਿਸ 'ਚ ਇਸ਼ਾਰਿਆਂ-ਇਸ਼ਾਰਿਆਂ 'ਚ ਇਕ ਬਹੁਤ ਵੱਡੇ ਮੁੱਦੇ ਨੂੰ ਵੀ ਚਰਚਾ 'ਚ ਲਿਆਂਦਾ ਗਿਆ।
ਚੰਡੀਗੜ੍ਹ (ਨੀਲ ਭਲਿੰਦਰ ਸਿੰਘ): ਅੱਜ ਸੰਵਿਧਾਨ ਦਿਵਸ ਮੌਕੇ ਪੰਜਾਬ ਵਿਧਾਨ ਸਭਾ ਦੇ ਵਿਸ਼ੇਸ਼ ਇਜਲਾਸ ਦੌਰਾਨ ਹੋਈ ਬਹਿਸ 'ਚ ਇਸ਼ਾਰਿਆਂ-ਇਸ਼ਾਰਿਆਂ 'ਚ ਇਕ ਬਹੁਤ ਵੱਡੇ ਮੁੱਦੇ ਨੂੰ ਵੀ ਚਰਚਾ 'ਚ ਲਿਆਂਦਾ ਗਿਆ। ਬਹਿਸ ਦੀ ਸ਼ੁਰੂਆਤ 'ਚ ਪਹਿਲਾ ਬੁਲਾਰਾ ਆਮ ਆਦਮੀ ਪਾਰਟੀ ਦੀ ਵਿਧਾਇਕ ਸਰਬਜੀਤ ਕੌਰ ਮਾਣੂੰਕੇ ਰਹੀ। ਮਾਣੂੰਕੇ ਨੇ ਕਿਹਾ ਕਿ ਭਾਰਤ 'ਚ ਰਾਖਵੇਂਕਰਨ ਕਰਨ ਦਾ ਵਿਰੋਧ ਕਰਨ ਵਾਲੇ ਇਹ ਭੁੱਲ ਜਾਂਦੇ ਹਨ ਕਿ ਹੁਣ ਤੱਕ ਹੋਇਆ ਭਾਰਤ ਦਾ ਵੱਡਾ ਘੁਟਾਲਾ ਕਦੇ ਕਿਸੇ ਗਰੀਬ ਨੇ ਨਹੀਂ ਕੀਤਾ ਹੈ। ਦਲਿੱਤ ਜਗਮੇਲ ਸਿੰਘ ਦੀ ਹੱਤਿਆ 'ਤੇ ਉਨ੍ਹਾਂ ਕਿਹਾ ਕਿ ਸਰਬ ਧਰਮ ਸਿੱਖਿਆ ਦੀ ਇਸਦੇ ਪਿੱਛੇ ਵੱਡਾ ਕਾਰਨ ਹੈ।
Constitution Day
ਹੋਰਨਾਂ ਗੱਲਾਂ ਦੇ ਨਾਲ-ਨਾਲ ਉਨ੍ਹਾਂ ਬਾਬਾ ਸਾਹਿਬ ਦੀ ਤਸਵੀਰ ਵੀ ਹਰ ਸਕੂਲ ਵਿਚ ਲਾਉਣ ਦੀ ਮੰਗ ਰੱਖੀ। ਅੰਬੇਦਕਰ ਦੀ ਤਸਵੀਰ ਦੀ ਮੰਗ ਵਧਦੇ-ਵਧਦੇ ਇੱਥੋਂ ਤੱਕ ਆ ਗਈ ਕਿ ਜੰਮੂ-ਕਸ਼ਮੀਰ ਤੇ ਹੋਰਨਾਂ ਸਿੱਖ ਮੁੱਦਿਆਂ ਉੱਤੇ ਘਿਰਦੇ ਜਾ ਰਹੇ ਅਕਾਲੀ ਦਲ ਨੇ ਅੰਬੇਦਕਰ ਦੀ ਤਸਵੀਰ ਪੰਜਾਬ ਵਿਧਾਨ ਸਭਾ ਦੇ ਵਿਚ ਸਦਨ ਦੇ ਅੰਦਰ ਸਪੀਕਰ ਦੀ ਕੁਰਸੀ ਦੇ ਸੱਜੇ ਪਾਸੇ ਲੱਗੀ ਰਾਸ਼ਟਰ ਪਿਤਾ ਅਤੇ ਕਾਂਗਰਸ ਦੇ ਬਾਨੀਆਂ ਚ ਰਹੇ, ਮਹਾਤਮਾ ਗਾਂਧੀ ਦੀ ਤਸਵੀਰ ਦੀ ਤਰਜ 'ਤੇ ਸਪੀਕਰ ਦੇ ਖੱਬੇ ਪਾਸੇ ਬਰਾਬਰ ਲਾਉਣ ਦੀ ਮੰਗ ਕਰ ਦਿੱਤੀ।
Sadhu Singh Dharmasot
ਪੰਜਾਬ ਵਿਚ ਦਲਿੱਤਾਂ ਦੀ ਭਲਾਈ ਲਈ 85 ਦੀ ਸੋਧ ਲਾਗੂ ਕਰਨ ਸੰਬੰਧੀ ਮਜੀਠੀਆ ਨੇ ਕੈਬਨਿਟ ਮੰਤਰੀ ਸਾਧੂ ਸਿੰਘ ਧਰਮਸੋਤ ਦੀਆਂ ਸਿਫ਼ਤਾਂ ਦੇ ਰੱਜ ਕੇ ਪੁੱਲ ਬੰਨ੍ਹੇ ਨਾਲ ਹੀ ਉਨ੍ਹਾਂ ਅਨੁਸੂਚਿਤ ਜਾਤੀ ਕਮਿਸ਼ਨ ਦੇ ਚੇਅਰਮੈਨ ਰਹੇ ਰਾਜ ਕੁਮਾਰ ਵੇਰਕਾ ਦੀਆਂ ਦਲਿਤਾਂ ਦੀ ਭਲਾਈ ਲਈ ਵੀ ਕੋਸ਼ਿਸ਼ਾਂ ਨੂੰ ਸਰਾਇਆ ਪਰ ਮਜੀਠੀਆ ਨੇ ਇਹ ਵੀ ਕਿਹਾ ਕਿ ਧਰਮਸੋਤ ਨੇ ਆਪ ਦਾ ਰਿਕਾਰਡ ਇਹ ਵੀ ਮੰਨਿਆ ਹੀ ਕਿ ਉਹ ਤਾਂ ਦਲਿਤਾਂ ਦੀ ਭਲਾਈ ਚਾਹੁੰਦੇ ਹਨ ਪਰ ਉਨ੍ਹਾਂਨੂੰ ਉਨ੍ਹਾਂ ਦੇ ਹੀ ਸਾਥੀ ਮੰਤਰੀ ਚੰਗੀ ਤਰ੍ਹਾਂ ਅਜਿਹਾ ਨਹੀਂ ਕਰਨ ਦਿੰਦੇ। ਗਕੁੱਲ ਮਿਲਾ ਕੇ ਮਜੀਠੀਆ ਧਰਮਸੋਤ ਅਤੇ ਵੇਰਕਾ ਨੂੰ ਅੰਬੇਦਕਰ ਦੀ ਤਸਵੀਰ ਸਦਨ 'ਚ ਲਾਉਣ ਦੀ ਮੰਗ ਕਰਨ ਬਾਰੇ ਕਾਬਯਾਬ ਹੋ ਗਏ।
Rana KP Singh
ਦੱਸਣ ਯੋਗ ਹੈ ਕਿ ਅੰਬੇਦਕਰ ਦੀ ਤਸਵੀਰ ਦਾ ਮੁੱਦਾ ਉਭਾਰਨ ਪਿੱਛੇ ਸਿਆਸਤ ਇਹ ਹੈ ਕਿ ਕਾਂਗਰਸ ਉੱਤੇ ਮਹਾਤਮਾ ਗਾਂਧੀ ਦੇ ਮੁਕਾਬਲੇ ਕਿਸੇ ਹੋਰ ਦੇਸ਼ ਭਗਤ ਜਾਂ ਵੱਡੇ ਭਾਰਤੀ ਨੂੰ ਨਾ ਉਭਰਨ ਦਿੱਤਾ, ਜਾਣ ਦੀਆਂ ਚਰਚਾਵਾਂ ਹੁੰਦੀਆਂ ਰਹਿੰਦੀਆਂ ਹਨ। ਮਜੀਠੀਆ ਅਤੇ ਦੂਜੇ ਵਿਰੋਧੀ ਵਿਧਾਇਕ ਸਪੀਕਰ ਨੂੰ ਵੀ ਭਰਮਾਉਣ ਦੀ ਕੋਸ਼ਿਸ਼ ਵਿਚ ਇੱਥੋਂ ਤੱਕ ਚਲੇ ਗਏ ਕਿ ਉਨ੍ਹਾਂ ਸਪੀਕਰ ਉਤੇ ਇੱਥੋਂ ਤੱਕ ਜੋਰ ਪਾ ਦਿੱਤਾ ਕਿ ਸਪੀਕਰ ਆਪਣੇ ਅਧਿਕਾਰਾਂ ਦੀ ਵਰਤੋਂ ਕਰਦੇ ਹੋਏ ਮੌਕੇ ਉਤੇ ਹੀ ਅੰਬੇਦਕਰ ਦੀ ਤਸਵੀਰ ਸ਼ੋਸੋਭਿਤ ਕਰਨ ਦਾ ਫ਼ੈਸਲਾ ਲੈ ਲੈਣ ਪਰ ਸਪੀਕਰ ਕੇਪੀ ਸਿੰਘ ਨੇ ਘਾਤ ਸਿਆਸਤਦਾਨ ਹੋਣ ਦਾ ਸਬੂਤ ਦਿੰਦਿਆਂ
captain Amrinder Singh
ਇਹ ਕਹਿ ਕਿ ਗੱਲ ਟਾਲ ਦਿੱਤੀ ਕਿ ਨੇਤਾ ਸਦਨ ਮੁੱਖ ਮੰਤਰੀ ਕੈਪਟਨ ਸਦਨ ਵਿਚ ਨਹੀਂ ਸਨ ਉਹ ਬਾਦ ਵਿਚ ਨੇਤਾ ਸਦਨ ਨਾਲ ਵਿਚਾਰ ਕਰਕੇ ਇਸ ਮਸਲੇ ਉੱਤੇ ਫ਼ੈਸਲਾ ਲੈਣਗੇ ਪਰ ਮਜੀਠੀਆ ਜਾਂਦੇ-ਜਾਂਦੇ ਇੱਥੇ ਤੱਕ ਵਿਅੰਗ ਕਸ ਕਿ ਨੇਤਾ ਸਦਨ ਨੇ ਕਦੇ ਵੀ ਅੰਬੇਦਕਰ ਦੀ ਤਸਵੀਰ ਲਾਉਣ ਲਈ ਸਹਿਮਤ ਨਹੀਂ ਹੋਣਾ। ਸੱਤਾਧਾਰੀ ਖੇਮੇ ਨੇ ਮਜੀਠੀਆ ਖਿਲਾਫ਼ ਅਜਿਹਾ ਸ਼ਿਕੰਜਾ ਕਸਿਆ ਕਿ ਮਜੀਠੀਆ ਦੀ ਗੱਲ ਪੂਰੀ ਹੋਣ ਤੋਂ ਪਹਿਲਾਂ ਹੀ ਮਾਇਕ ਬੰਦ ਕਰ ਦਿੱਤਾ ਗਿਆ। ਮਜੀਠੀਆ ਆਪਣੀ ਗੱਲ ਪੂਰੀ ਕੀਤੇ ਬਗੈਰ ਹੀ ਆਪਣੀ ਸ਼ੀਟ ਉਤੇ ਬੈਠਣ ਦੀ ਬਜਾਏ ਸਦਨ ਤੋਂ ਬਾਹਰ ਚਲੇ ਗਏ ਤੇ ਮੁੜ ਨਹੀਂ ਪਰਤੇ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
