ਐਬਟਸਫ਼ੋਰਡ ਦੇ ਪੰਜਾਬੀ ਕਿਸਾਨਾਂ ਦੀ ਹਜ਼ਾਰਾਂ ਏਕੜ ਫ਼ਸਲ ਤੇ ਸੈਂਕੜੇ ਘਰ ਹੜ੍ਹ 'ਚ ਡੁੱਬੇ
Published : Nov 27, 2021, 7:15 am IST
Updated : Nov 27, 2021, 7:15 am IST
SHARE ARTICLE
image
image

ਐਬਟਸਫ਼ੋਰਡ ਦੇ ਪੰਜਾਬੀ ਕਿਸਾਨਾਂ ਦੀ ਹਜ਼ਾਰਾਂ ਏਕੜ ਫ਼ਸਲ ਤੇ ਸੈਂਕੜੇ ਘਰ ਹੜ੍ਹ 'ਚ ਡੁੱਬੇ

 

ਕੋਟਕਪੂਰਾ, 26 ਨਵੰਬਰ (ਗੁਰਿੰਦਰ ਸਿੰਘ): ਐਬਟਸਫ਼ੋਰਡ ਬਿ੍ਟਿਸ਼ ਕੋਲੰਬੀਆ (ਕੈਨੇਡਾ) ਵਿਖੇ ਆਈ ਹੜ੍ਹ ਦੀ ਕਰੋਪੀ ਨੇ ਜਿਥੇ ਪੰਜਾਬੀ ਕਿਸਾਨਾਂ ਦੀ ਹਜ਼ਾਰਾਂ ਏਕੜ ਫ਼ਸਲ ਤਬਾਹ ਕਰ ਦਿਤੀ, ਸੈਂਕੜੇ ਘਰ ਡੁੱਬ ਗਏ, ਹੜ੍ਹਾਂ ਦੇ 11ਵੇਂ ਦਿਨ ਵੀ ਟਰੱਕ, ਟਰੈਕਟਰ, ਕਾਰਾਂ, ਮਸ਼ੀਨਾਂ, ਹਾਰਵੈਸਟਰ, ਖੇਤੀ ਸੰਦ ਅਤੇ ਹੋਰ ਵਾਹਨ ਪਾਣੀ ਦੀ ਮਾਰ 'ਚ ਹਨ | ਰਾਤੋ ਰਾਤ ਘਰੋਂ ਬੇਘਰ ਹੋਣ ਦੇ ਨਾਲ-ਨਾਲ ਪੰਜਾਬੀ ਕਿਸਾਨ ਲੱਖਾਂ ਤੋਂ ਕੱਖਾਂ ਦੇ ਹੋ ਗਏ ਪਰ ਉਨ੍ਹਾਂ ਨੂੰ  ਦੁਖ ਇਸ ਗੱਲ ਦਾ ਹੈ ਕਿ ਕਿਸੇ ਵੀ ਪੰਜਾਬੀ ਐਮ.ਪੀ., ਵਿਧਾਇਕ ਜਾਂ ਸਿੱਖ ਸੰਸਥਾ ਅਤੇ ਪੰਥਕ ਜਥੇਬੰਦੀ ਨੇ ਉਨ੍ਹਾਂ ਦੀ ਸਾਰ ਤਾਂ ਕੀ ਲੈਣੀ ਸੀ, ਉਨ੍ਹਾਂ ਬਾਰੇ ਹਾਅ ਦਾ ਨਾਹਰਾ ਮਾਰਨ ਦੀ ਵੀ ਜ਼ਰੂਰਤ ਨਹੀਂ ਸਮਝੀ |
ਇਕ ਨਿਜੀ ਚੈਨਲ ਨਾਲ ਗੱਲਬਾਤ ਕਰਦਿਆਂ ਪੰਜਾਬੀ ਕਿਸਾਨਾਂ ਨੇ ਦਸਿਆ ਕਿ ਬੈਂਕਾਂ ਤੋਂ ਕਰਜ਼ਾ ਲੈ ਕੇ ਟਰੱਕ, ਟਰੈਕਟਰ, ਖੇਤੀ ਦੇ ਸੰਦ ਜਾਂ ਘਰ ਬਣਾਉਣ ਵਾਲੇ ਪੰਜਾਬੀਆਂ ਨੂੰ  ਖ਼ਾਲੀ ਹੱਥ ਸਿਰਫ਼ ਜਾਨਾ ਬਚਾਅ ਕੇ ਨਿਕਲਣਾ ਪਿਆ, ਹੁਣ ਰਿਸ਼ਤੇਦਾਰਾਂ ਕੋਲ ਜਾਂ ਕਿਰਾਏ ਦੇ ਮਕਾਨਾਂ ਵਿਚ ਰਹਿਣ ਲਈ ਮਜਬੂਰ ਹਨ ਕਿਉਂਕਿ ਅੱਜ 11ਵੇਂ ਦਿਨ ਵੀ ਵਾਹਨਾਂ ਅਤੇ ਫ਼ਸਲਾਂ ਸਮੇਤ ਸਾਰਿਆਂ ਦੇ ਘਰ ਪਾਣੀ ਵਿਚ ਡੁੱਬੇ ਹੋਏ ਹਨ | ਇਕ ਅੰਦਾਜ਼ੇ ਮੁਤਾਬਕ ਪੰਜਾਬੀਆਂ ਦਾ ਕਰੋੜਾਂ ਡਾਲਰਾਂ ਦਾ ਨੁਕਸਾਨ ਹੋ ਗਿਐ,  ਕਾਰੋਬਾਰ ਰੁਕ ਗਿਐ ਅਤੇ ਬੈਂਕ ਤੋਂ ਲਏ ਕਰਜ਼ੇ ਦੀਆਂ ਕਿਸ਼ਤਾਂ ਟੁੱਟ ਗਈਆਂ | ਪੰਜਾਬੀ ਕਿਸਾਨ ਅਪਣੇ ਭਵਿੱਖ ਨੂੰ  ਲੈ ਕੇ ਚਿੰਤਤ ਹਨ |
ਕਈ ਕਿਸਾਨ ਮੀਡੀਏ ਨਾਲ ਗੱਲਬਾਤ ਕਰਦੇ ਭਾਵੁਕ ਵੀ ਹੋ ਗਏ ਕਿਉਂਕਿ ਕਿਸਾਨੀ ਅੰਦੋਲਨ, ਕੋਵਿਡ ਜਾਂ ਕਿਸੇ ਵੀ ਸੰਘਰਸ਼ ਜਾਂ ਕਰੋਪੀ ਮੌਕੇ ਪੰਜਾਬੀਆਂ ਦੀ ਬਾਂਹ ਫੜਨ ਵਾਲੇ ਪ੍ਰਵਾਸੀਆਂ ਦੇ ਹੱਕ ਵਿਚ ਹਾਅ ਦਾ ਨਾਹਰਾ ਨਾ ਵਜਣਾ ਅਤੇ ਉਨ੍ਹਾਂ ਦੀ ਸਾਰ ਲੈਣ ਲਈ ਕਿਸੇ ਵਲੋਂ ਨਾ ਪੁੱਜਣਾ, ਉਨ੍ਹਾਂ ਨੂੰ  ਨਿਰਾਸ਼ ਕਰ ਕੇ ਰੱਖ ਗਿਆ | ਉਕਤ ਪੰਜਾਬੀਆਂ ਨੇ ਗੁਰਦਵਾਰਾ ਸਾਹਿਬ ਬਾਬਾ ਬੰਦਾ ਸਿੰਘ ਬਹਾਦਰ ਵਿਖੇ ਸਹਿਜ ਪਾਠ ਆਰੰਭ ਕਰਵਾਇਆ ਹੈ ਜਿਸ ਦਾ ਭੋਗ 4 ਦਸੰਬਰ ਦਿਨ ਸਨਿਚਰਵਾਰ ਨੂੰ  ਸਵੇਰੇ 10:00 ਵਜੇ ਪਾ ਕੇ ਵੱਡਾ ਇਕੱਠ ਕਰਨ ਦਾ ਫ਼ੈਸਲਾ ਕੀਤਾ ਹੈ ਕਿਉਂਕਿ ਹੜ੍ਹਾਂ ਦਾ ਪਾਣੀ ਨਿਕਲਣ ਤੋਂ ਬਾਅਦ ਵੀ ਨੁਕਸਾਨ ਦੀ ਭਰਪਾਈ ਕਰਨੀ ਔਖੀ ਜਾਪਦੀ ਹੈ |

ਫੋਟੋ :- ਕੇ.ਕੇ.ਪੀ.-ਗੁਰਿੰਦਰ-26-3ਸੀ
ਕੈਪਸ਼ਨ : ਐਬਟਸਫ਼ੋਰਡ ਬਿ੍ਟਿਸ਼ ਕੋਲੰਬੀਆ (ਕੈਨੇਡਾ) ਵਿਖੇ ਆਈ ਹੜ੍ਹਾਂ ਦੀ ਕਰੋਪੀ ਦੀਆਂ ਮੂੰਹ ਬੋਲਦੀਆਂ ਤਸਵੀਰਾਂ |

 

SHARE ARTICLE

ਏਜੰਸੀ

Advertisement

Advocate Sunil Mallan Statement on Leaders and Migrants: ਲੀਡਰਾਂ ਨੇ ਸਾਰੇ ਪ੍ਰਵਾਸੀਆਂ ਦੀਆਂ ਬਣਵਾਈਆਂ ਵੋਟਾਂ

15 Sep 2025 3:01 PM

Sukhjinder Randhawa Interview On Rahul Gandhi Punjab'S Visit In Dera Baba nanak Gurdaspur|News Live

15 Sep 2025 3:00 PM

"100 ਰੁਪਏ ਲੁੱਟ ਕੇ 2 ਰੁਪਏ ਦੇ ਕੇ ਆਖੇ ਮੈਂ ਵੱਡਾ ਦਾਨੀ, Sukhbir Badal ਨੂੰ ਸਿੱਧੇ ਹੋਏ Gurdeep Brar | SGPC

13 Sep 2025 1:07 PM

Hoshiarpur Child Muder Case : ਆਹ ਪਿੰਡ ਨਹੀਂ ਰਹਿਣ ਦਵੇਗਾ ਇੱਕ ਵੀ ਪਰਵਾਸੀ, ਜੇ ਰਹਿਣਾ ਪਿੰਡ 'ਚ ਤਾਂ ਸੁਣ ਲਓ ਕੀ.

13 Sep 2025 1:06 PM

ਕਿਸ਼ਤਾਂ 'ਤੇ ਲਿਆ New Phone, ਘਰ ਲਿਜਾਣ ਸਾਰ ਥਾਣੇ 'ਚੋਂ ਆ ਗਈ ਕਾਲ,Video ਦੇਖ ਕੇ ਤੁਹਾਡੇ ਵੀ ਉੱਡ ਜਾਣਗੇ ਹੋਸ਼

12 Sep 2025 3:27 PM
Advertisement