ਅੰਮ੍ਰਿਤਸਰ ਦੇ ਮਸ਼ਹੂਰ ਵਾਹਨਾਂ ਦੀ ਸਕਰੈਪ ਮਾਰਕੀਟ ਵਿੱਚ ਜਾ ਕੇ ਇੰਜਣ ਸਮੇਤ ਹੋਰ ਪੁਰਜ਼ੇ ਵੇਚਦੇ ਸਨ
ਜਲੰਧਰ: ਜਲੰਧਰ ਪੁਲਿਸ ਨੇ ਸ਼ਹਿਰ ਦੀ ਇੰਦਰਾ ਕਲੋਨੀ ਤੋਂ ਆਟੋ ਚੋਰੀ ਕਰਨ ਵਾਲੇ ਦੋ ਆਟੋ ਚੋਰਾਂ ਨੂੰ ਕਾਬੂ ਕੀਤਾ ਹੈ। ਇਹ ਦੋਵੇਂ ਚੋਰ ਅੰਮਿ੍ਤਸਰ ਦੇ ਵਸਨੀਕ ਹਨ ਅਤੇ ਜਲੰਧਰ 'ਚ ਵਾਹਨ ਚੋਰੀ ਕਰਕੇ ਅੰਮਿ੍ਤਸਰ 'ਚ ਵੇਚਣ ਲਈ ਲੈ ਜਾਂਦੇ ਸਨ | ਇੰਦਰਾ ਕਲੋਨੀ ਵਿੱਚ ਵੀ ਉਹਨਾਂ ਨੇ ਘਰ ਦੇ ਬਾਹਰ ਖੜ੍ਹਾ ਇੱਕ ਆਟੋ ਚੋਰੀ ਕਰ ਲਿਆ ਸੀ। ਚੋਰ ਚਲਾਕ ਅਪਰਾਧੀ ਹਨ। ਦੋਵਾਂ ਖਿਲਾਫ ਪਹਿਲਾਂ ਵੀ ਚੋਰੀ ਅਤੇ ਲੁੱਟ-ਖੋਹ ਦੇ ਕਈ ਮਾਮਲੇ ਦਰਜ ਹਨ।
ਪੜ੍ਹੋ ਇਹ ਵੀ:30 ਕਰੋੜ ਰੁਪਏ ਵਿੱਚ ਵਿਕੀ ਬਾਸਕਟਬਾਲ ਦੇ ਸੁਪਰਸਟਾਰ ਲੇਬਰੋਨ ਜੇਮਸ ਦੁਆਰਾ ਪਹਿਨੀ ਹੋਈ ਜਰਸੀ
ਚੋਰ ਇੰਨੇ ਚਲਾਕ ਹਨ ਕਿ ਚੋਰੀ ਦੇ ਸਾਰੇ ਸਬੂਤ ਮਿਟਾਉਣ ਲਈ ਉਨ੍ਹਾਂ ਨੇ ਚੋਰੀ ਤੋਂ ਬਾਅਦ ਨੰਬਰ ਬਦਲ ਕੇ ਜਾਂ ਸਿੱਧੇ ਕਿਸੇ ਨੂੰ ਵੀ ਵਾਹਨ ਨਹੀਂ ਵੇਚੇ। ਚੋਰ ਜਲੰਧਰ ਤੋਂ ਅੰਮ੍ਰਿਤਸਰ ਲਿਜਾਣ ਤੋਂ ਪਹਿਲਾਂ ਗੱਡੀਆਂ ਦੇ ਸਾਰੇ ਪਾਰਟਸ ਕੱਢ ਲੈਂਦੇ ਸਨ। ਇਸ ਤੋਂ ਬਾਅਦ ਉਹ ਅੰਮ੍ਰਿਤਸਰ ਦੇ ਮਸ਼ਹੂਰ ਵਾਹਨਾਂ ਦੀ ਸਕਰੈਪ ਮਾਰਕੀਟ ਵਿੱਚ ਜਾ ਕੇ ਇੰਜਣ ਸਮੇਤ ਹੋਰ ਪੁਰਜ਼ੇ ਵੇਚਦੇ ਸਨ।
ਪੜ੍ਹੋ ਇਹ ਵੀ:ਕੈਫੇ 'ਚ ਗੀਤ ਵਜਾਉਣ ਨੂੰ ਲੈ ਕੇ ਨੌਜਵਾਨ ਦਾ ਬੇਰਹਿਮੀ ਨਾਲ ਕਤਲ
ਐਸਐਚਓ ਜਤਿੰਦਰ ਨੇ ਦੱਸਿਆ ਕਿ ਚੋਰ ਪਵਨ ਕੁਮਾਰ ਅਤੇ ਬਲਜੀਤ ਸਿੰਘ ਵਾਸੀ ਅੰਮ੍ਰਿਤਸਰ ਨੂੰ ਤਕਨੀਕੀ ਤੌਰ ’ਤੇ ਫੜ ਲਿਆ ਗਿਆ ਹੈ। ਸੀ.ਸੀ.ਟੀ.ਵੀ. ਨੂੰ ਕਬਜ਼ੇ ਵਿਚ ਲੈਣ ਤੋਂ ਬਾਅਦ ਸਭ ਤੋਂ ਪਹਿਲਾਂ ਉਨ੍ਹਾਂ ਦੇ ਆਉਣ-ਜਾਣ ਦੇ ਰੂਟਾਂ ਦਾ ਪਤਾ ਲਗਾਇਆ ਗਿਆ। ਇਸ ਤੋਂ ਬਾਅਦ ਪੁਲਿਸ ਦੋਵੇਂ ਚੋਰਾਂ ਤੱਕ ਪਹੁੰਚ ਗਈ। ਦੋਵਾਂ ਦੀ ਨਿਸ਼ਾਹਦੇਹੀ 'ਤੇ ਅੰਮ੍ਰਿਤਸਰ ਦੇ ਜਹਾਜਗੜ੍ਹ ਸਥਿਤ ਕਬਾੜ ਬਾਜ਼ਾਰ 'ਚੋਂ ਆਟੋ ਦਾ ਇੰਜਣ ਅਤੇ ਹੋਰ ਪੁਰਜ਼ੇ ਬਰਾਮਦ ਕੀਤੇ ਗਏ ਹਨ। ਐਸਐਚਓ ਨੇ ਦੱਸਿਆ ਕਿ ਫੜੇ ਗਏ ਦੋਵੇਂ ਚੋਰ ਪੇਸ਼ੇਵਰ ਅਪਰਾਧੀ ਹਨ। ਪਵਨ ਅਤੇ ਬਲਜੀਤ 'ਤੇ ਪਹਿਲਾਂ ਵੀ ਅੰਮ੍ਰਿਤਸਰ 'ਚ ਚੋਰੀ ਦੇ ਕਈ ਮਾਮਲੇ ਦਰਜ ਹਨ।
ਪੜ੍ਹੋ ਇਹ ਵੀ: ਰਾਜਸਥਾਨ: ਕੇਂਦਰੀ ਯੂਨੀਵਰਸਿਟੀ ਦੇ ਗਰਲਜ਼ ਹੋਸਟਲ 'ਚ ਵਿਦਿਆਰਥਣ ਨੇ ਲਿਆ ਫਾਹਾ
