ਹਰਿਆਣਾ ਦੇ ਨੂਹ (ਮੇਵਾਤ) ਦੋਹਰੇ ਹਤਿਆਕਾਂਡ ਅਤੇ ਸਮੂਹਕ ਬਲਾਤਕਾਰ ਮਾਮਲੇ ਵਿਚ ਅੱਜ ਹਾਈ ਕੋਰਟ ਨੇ ਕਥਿਤ ਦੋਸ਼ੀਆਂ ਦੀ ਅੰਤਮਿ ਜ਼ਮਾਨਤ 25 ਜੁਲਾਈ ...
ਚੰਡੀਗੜ੍ਹ, ਹਰਿਆਣਾ ਦੇ ਨੂਹ (ਮੇਵਾਤ) ਦੋਹਰੇ ਹਤਿਆਕਾਂਡ ਅਤੇ ਸਮੂਹਕ ਬਲਾਤਕਾਰ ਮਾਮਲੇ ਵਿਚ ਅੱਜ ਹਾਈ ਕੋਰਟ ਨੇ ਕਥਿਤ ਦੋਸ਼ੀਆਂ ਦੀ ਅੰਤਮਿ ਜ਼ਮਾਨਤ 25 ਜੁਲਾਈ ਤਕ ਵਧਾ ਦਿਤੀ ਹੈ। ਇਸ ਤੋਂ ਪਹਿਲਾਂ 7 ਮਾਰਚ, 2018 ਨੂੰ ਸੀ. ਬੀ.ਆਈ. ਵਲੋਂ ਕੋਈ ਸਬੂਤ ਨਾ ਪੇਸ਼ ਕੀਤਾ ਜਾ ਸਕਿਆ ਹੋਣ ਵਜੋਂ ਹਾਈ ਕੋਰਟ ਨੇ ਦੋਸ਼ੀਆਂ ਨੂੰ ਅੰਤਰਮ ਜ਼ਮਾਨਤ ਦੀ ਰਾਹਤ ਦਿਤੀ ਸੀ।
ਇਸ ਦੋਹਰੇ ਹਤਿਆਕਾਂਡ ਅਤੇ ਸਮੂਹਕ ਬਲਾਤਕਾਰ ਮਾਮਲੇ ਤਹਿਤ ਬਲਾਤਕਾਰ ਦੀ ਸ਼ਿਕਾਰ ਪੀੜਤਾ ਨੇ ਸੁਪਰੀਮ ਕੋਰਟ ਵਿਚ ਐਡਵੋਕੇਟ ਸਲਮਾਨ ਖੁਰਸ਼ੀਦ (ਸਾਬਕਾ ਕਾਨੂੰਨ ਮੰਤਰੀ) ਰਾਹੀਂ ਅਰਜ਼ੀ ਦਾਇਰ ਕਰ ਕੇ ਹਾਈ ਕੋਰਟ ਵਲੋਂ ਦਿਤੀ ਗਈ ਇਸ ਜ਼ਮਾਨਤ ਦੇ ਆਦੇਸ਼ ਨੂੰ ਚੁਨੌਤੀ ਦਿਤੀ ਹੈ । ਉਧਰ ਸੀਬੀਆਈ ਨੇ ਜਾਂਚ ਦੇ ਬਾਰੇ ਵਿਚ ਸਪਸ਼ਟੀਕਰਨ ਰੀਪੋਰਟ ਦਾਇਰ ਕਰਨ ਲਈ ਸਮਾਂ ਮੰਗਿਆ ਸੀ। ਅਜਿਹੇ ਵਿਚ ਹਰਿਆਣਾ ਪੁਲਿਸ ਦੁਆਰਾ ਗ੍ਰਿਫ਼ਤਾਰ ਕੀਤੇ ਗਏ ਦੋਸ਼ੀਆਂ ਦੀ ਅੰਤਰਮ ਜ਼ਮਾਨਤ ਹਾਈ ਕੋਰਟ ਨੇ 25 ਜੁਲਾਈ ਤਕ ਵਧਾ ਦਿਤੀ।
ਹਰਿਆਣਾ ਪੁਲਿਸ ਦੀ ਐਸ.ਆਈ. ਟੀ. ਵਲੋਂ ਗ੍ਰਿਫ਼ਤਾਰ ਕੀਤੇ ਗਏ ਦੋਸ਼ੀਆਂ ਦੇ ਵਕੀਲ ਪ੍ਰਦੀਪ ਰਾਪੜੀਆ ਦੇ ਹਵਾਲੇ ਨਾਲ ਮਿਲੀ ਜਾਣਕਾਰੀ ਮੁਤਾਬਕ 24 ਜਨਵਰੀ 2018 ਨੂੰ ਸੀ. ਬੀ. ਆਈ. ਦੀ ਵਿਸ਼ੇਸ਼ ਅਦਾਲਤ ਵਿਚ ਚਾਰ ਹੋਰਨਾਂ ਦੋਸ਼ੀਆਂ ਵਿਰੁਧ ਚਲਾਨ ਦਾਇਰ ਕਰਦੇ ਹੋਏ ਸੀਬੀਆਈ ਨੇ ਦਾਅਵਾ ਕੀਤਾ ਸੀ ਕਿ ਦਰਅਸਲ ਘਟਨਾ ਨੂੰ ਅੰਜਾਮ ਦੇਣ ਵਿਚ ਐਕਸਲ ਗਰੋਹ ਦੇ 4 ਜਣਿਆਂ ਦਾ ਹੱਥ ਸੀ।
ਇਨ੍ਹਾਂ ਚਾਰ ਜਣਿਆਂ ਦੇ ਡੀ.ਐਨ.ਏ. ਅਤੇ ਫਿੰਗਰ ਪ੍ਰਿੰਟ ਘਟਨਾ ਸਥਾਨ ਤੋਂ ਪ੍ਰਾਪਤ ਚੀਜ਼ਾਂ ਨਾਲ ਮਿਲਾਨ ਹੋਣ ਨਾਲ ਇਨ੍ਹਾਂ ਲੋਕਾਂ ਦੀ ਅਪਰਾਧ ਵਿਚ ਸ਼ਾਮਲ ਹੋਣ ਦੀ ਪੁਸ਼ਟੀ ਹੋ ਗਈ ਹੈ ਜਦਕਿ ਹਰਿਆਣਾ ਪੁਲਿਸ ਦੁਆਰਾ ਗ੍ਰਿਫ਼ਤਾਰ ਕੀਤੇ ਗਏ ਕਥਿਤ ਦੋਸ਼ੀ ਵਿਰੁਧ ਕੋਈ ਸਬੂਤ ਨਹੀਂ ਮਿਲਿਆ।
