ਕਾਨੋਂਗੋ ਬਲਕਾਰ ਸਿੰਘ ਖ਼ਿਲਾਫ਼ ਬੀਐਸਐਫ ਦੀ 136 ਬਟਾਲੀਅਨ ਵੱਲੋਂ ਦਾਇਰ ਕੀਤੀ ਗਈ ਸੀ।
ਫ਼ਿਰੋਜ਼ਪੁਰ: ਡਿਪਟੀ ਕਮਿਸ਼ਨਰ ਸ੍ਰੀ.ਚੰਦਰ ਗੈਂਦ ਨੇ ਰੈਵੀਨਿਊ ਰਿਕਾਰਡ ਵਿਚ ਛੇੜ-ਛਾੜ ਕਰਨ ਅਤੇ 1,11,0,236 ਰੁਪਏ ਦੀ ਧੋਖਾਧੜੀ ਦੇ ਮਾਮਲੇ ਵਿਚ ਫ਼ਿਰੋਜ਼ਪੁਰ ਛਾਉਣੀ ਹਲਕੇ ਦੇ ਕਾਨੂੰਗੋ ਬਲਕਾਰ ਸਿੰਘ ਨੂੰ ਸਰਕਾਰੀ ਨੌਕਰੀ ਤੋ ਬਰਖ਼ਾਸਤ ਕੀਤਾ ਗਿਆ ਹੈ। ਆਪਣੇ ਆਦੇਸ਼ ਵਿਚ ਡਿਪਟੀ ਕਮਿਸ਼ਨਰ ਇਹ ਵੀ ਲਿਖੀਆਂ ਹੈ ਕਿ ਉਕਤ ਕਾਨੂੰਗੋ ਕਿਸੀ ਦੂਸਰੇ ਸਰਕਾਰੀ ਮਹਿਕਮੇ ਵਿਚ ਸਰਕਾਰੀ ਨੌਕਰੀ ਨਹੀ ਕਰ ਸਕੇਗਾ।
ਇਹ ਕਾਰਵਾਈ ਬੀ.ਐਸ.ਐਫ ਦੀ 136 ਬਟਾਲੀਅਨ ਦੁਆਰਾ ਲਿਖਤੀ ਸ਼ਿਕਾਇਤ ਦੀ ਜਾਂਚ ਤੋ ਬਾਅਦ ਕੀਤੀ ਗਈ ਹੈ। ਇਹ ਜਾਂਚ ਪਹਿਲਾ ਸਦਰ ਕਾਨੂੰਗੋ ਵੱਲੋਂ ਕੀਤੀ ਗਈ ਸੀ ਜਿਸ ਦੇ ਬਾਅਦ ਏ.ਡੀ.ਸੀ (ਜਨਰਲ) ਨੇ ਦੁਬਾਰਾ ਜਾਚ ਕਰ ਕੇ ਬਲਕਾਰ ਸਿੰਘ ਕਾਨੂੰਗੋ ਨੂੰ ਜ਼ਿੰਮੇਵਾਰ ਠਹਿਰਾਇਆ ਗਿਆ। ਡਿਪਟੀ ਕਮਿਸ਼ਨਰ ਸ੍ਰੀ.ਚੰਦਰ ਗੈਂਦ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਕਾਨੂੰਗੋ ਬਲਕਾਰ ਸਿੰਘ ਦੇ ਖ਼ਿਲਾਫ਼ ਬੀ.ਐਸ.ਐਫ ਬਟਾਲੀਅਨ ਵੱਲੋਂ ਸ਼ਿਕਾਇਤ ਆਈ ਸੀ, ਜਿਸ ਕੇ ਮੁਤਾਬਿਕ ਇਹ ਧੋਖਾ ਉਦੋਂ ਹੋਇਆ,ਜਦ ਕਾਨੂੰਗੋ ਬਲਕਾਰ ਸਿੰਘ ਪਟਵਾਰ ਸਰਕਲ ਪੱਲਾ ਮੇਘਾ ਵਿਚ ਬਤੌਰ ਪਟਵਾਰੀ ਤੈਨਾਤ ਸੀ।
ਰਿਪੋਰਟ ਦੇ ਮੁਤਾਬਿਕ ਇਸ ਇਲਾਕੇ ਵਿਚ 46 ਕਨਾਲ ਦੇ ਕਰੀਬ ਜਗ੍ਹਾ ਦੇ ਮਲਕੀਅਤ ਰਿਕਾਰਡ ਵਿਚ ਛੇੜ-ਛਾੜ ਕਰ ਕੇ ਦੂਸਰੇ ਲੋਕਾਂ ਦੇ ਨਾਮ ਕਰ ਦਿੱਤੀ ਗਈ। ਇਸ ਤਰ੍ਹਾਂ ਉਹ ਲੋਕ ਇਸ ਜ਼ਮੀਨ ਦੇ ਮਾਲਕ ਬਣ ਗਏ, ਜਿਨ੍ਹਾਂ ਦਾ ਰਿਕਾਰਡ ਮੁਤਾਬਿਕ ਜ਼ਮੀਨ ਪਰ ਕੋਈ ਮਾਲਕਾਨਾ ਹੱਕ ਨਹੀ ਥਾਂ। ਇਸ ਤੋ ਬਾਅਦ ਇਸ ਜ਼ਮੀਨ ਤੋ ਪ੍ਰਾਪਤ ਮੁਆਵਜ਼ਾ ਵੀ ਇਨ੍ਹਾਂ ਬਾਹਰੀ ਲੋਕਾਂ ਨੂੰ ਦਿੱਤਾ ਗਿਆ। ਜਿਨ੍ਹਾਂ ਵਿਚ ਇੱਕ ਕਾਨੂੰਗੋ ਬਲਕਾਰ ਸਿੰਘ ਦਾ ਸਾਲਾ ਹੈ।
ਇਸ ਨਾਲ ਸਰਕਾਰੀ ਖਜਾਨੇ ਨੂੰ 1.11.08.236 ਰੁਪਏ ਦਾ ਵੀ ਨੁਕਸਾਨ ਹੋਇਆ ਅਤੇ ਇਹ ਪੇਮੈਂਟ ਰਿਕਾਰਡ ਵਿਚ ਛੇੜ-ਛਾੜ ਕਰ ਕੇ ਬਣਾਏ ਗਏ ਫ਼ਰਜ਼ੀ ਮਾਲਕ ਨੂੰ ਕਰਵਾ ਦਿੱਤੀ ਗਈ। ਡਿਪਟੀ ਕਮਿਸ਼ਨਰ ਨੇ ਜਾਂਚ ਰਿਪੋਰਟ ਤੇ ਕਾਰਵਾਈ ਕਰਦੇ ਹੋਏ ਕਾਨੂੰਗੋ ਬਲਕਾਰ ਸਿੰਘ (ਤਤਕਾਲੀਨ ਪਟਵਾਰੀ ਸਰਕਲ ਪੱਲਾ ਮੇਘਾ ) ਨੂੰ ਭਾਰਤੀ ਏ ਸੰਵਿਧਾਨ ਦੀ ਧਾਰਾ 311 (2) (ਬੀ) ਅਤੇ (3) ਦੇ ਮੁਤਾਬਿਕ ਡਿਸਮਿਸ ਕੀਤਾ ਗਿਆ ਹੈ। ਡਿਪਟੀ ਕਮਿਸ਼ਨਰ ਨੇ ਏ.ਡੀ.ਸੀ ਦੁਆਰਾ ਕੀਤੀ ਗਈ ਜਾਂਚ ਦੀ ਰਿਪੋਰਟ ਅਤੇ ਦੋਸ਼ੀਆਂ ਦੇ ਖ਼ਿਲਾਫ਼ ਕਾਨੂੰਨੀ ਕਾਰਵਾਈ ਕਰਨ ਦੀ ਸਿਫ਼ਾਰਸ਼ ਐਸ.ਐਸ.ਪੀ ਫਿਰੋਜ਼ਪੁਰ ਨੂੰ ਭੇਜ ਦਿੱਤੀ ਹੈ, ਜਿਸ ਵਿਚ ਜਲਦ ਕਾਰਵਾਈ ਲਈ ਲਿਖਿਆ ਗਿਆ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।