ਕਪੂਰਥਲਾ : ਬੀਤੀ ਸ਼ਾਮ ਇਥੋਂ ਮਸ਼ਹੂਰ ਰੈਸਟੋਰੈਂਟ ਹਵੇਲੀ ਦੇ ਆਲੇ-ਦੁਆਲੇ ਐਨ.ਐਚ.ਆਈ ਦੀ ਟੀਮ ਨੇ ਧਾਵਾ ਬੋਲ ਦਿਤਾ। ਟੀਮ ਦੇ ਕਰਮਚਾਰੀਆਂ ਕੋਲ ਤਿੰਨ ਬੁਲਡੋਜ਼ਰ ਸਨ ਤੇ ਜਿਨ੍ਹਾਂ ਨੇ ਦੇਖਦਿਆਂ ਹੀ ਦੇਖਦਿਆਂ ਕਈ ਦੁਕਾਨਾਂ ਮਲੀਆਮੇਟ ਕਰ ਦਿਤੀਆਂ ਤੇ ਕਈ ਪੌਦਿਆਂ ਨੂੰ ਵੀ ਤੋੜ ਦਿਤਾ।
ਟੀਮ ਦੇ ਮੁਲਾਜ਼ਮਾਂ ਦਾ ਕਹਿਣਾ ਸੀ ਕਿ ਉਹ ਲੋਕ ਅਦਾਲਤ ਦੇ ਇਕ ਫ਼ੈਸਲੇ ਤੋਂ ਬਾਅਦ ਇਹ ਨਾਜਾਇਜ਼ ਕਬਜ਼ੇ ਹਟਾਉਣ ਆਏ ਹਨ ਜਦਕਿ ਹਵੇਲੀ ਨਾਲ ਸਬੰਧਤ ਅਧਾਰਕਤ ਬੁਲਾਰੇ ਨੇ ਕਿਹਾ ਕਿ ਉਨ੍ਹਾਂ ਨੂੰ ਕੋਈ ਵੀ ਨੋਟਿਸ ਨਹੀਂ ਦਿਤਾ ਗਿਆ।
