ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਵੱਲੋਂ ਲੋਕਾਂ ਦੇ ਖਾਤਿਆਂ ਵਿਚ 15 ਲੱਖ ਰੁਪਏ ਜਮ੍ਹਾਂ ਕਰਾਉਣ ਦੀ ਖ਼ਬਰ ਸੋਸ਼ਲ ਮੀਡੀਆ ‘ਤੇ ਅੱਗ ਦੀ ਤਰ੍ਹਾਂ ਫੈਲ ਗਈ ਹੈ।
ਨਵੀਂ ਦਿੱਲੀ: ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਵੱਲੋਂ ਲੋਕਾਂ ਦੇ ਖਾਤਿਆਂ ਵਿਚ 15 ਲੱਖ ਰੁਪਏ ਜਮ੍ਹਾਂ ਕਰਾਉਣ ਦੀ ਖ਼ਬਰ ਸੋਸ਼ਲ ਮੀਡੀਆ ‘ਤੇ ਅੱਗ ਦੀ ਤਰ੍ਹਾਂ ਫੈਲ ਗਈ ਹੈ। ਇਸ ਤੋਂ ਬਾਅਦ ਕੇਰਲ ਵਿਚ ਲੋਕਾਂ ਨੇ ਬੈਂਕ ਤੋਂ ਬਾਹਰ ਖਾਤਾ ਖੁਲਵਾਉਣ ਲਈ ਲਾਈਨ ਲਗਾ ਲਈ ਹੈ। ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋਏ ਇਕ ਮੈਸੇਜ ਨੂੰ ਸਚ ਸਮਝ ਕੇ ਲੋਕ ਪੋਸਟਲ ਬੈਂਕ ਵਿਚ ਖਾਤਾ ਖੁਲਵਾਉਣ ਲਈ ਲਾਈਨਾਂ ਵਿਚ ਖੜੇ ਹੋ ਗਏ।
ਲਾਈਨ ਵਿਚ ਖੜੇ ਲੋਕਾਂ ਨੇ ਕਿਹਾ ਕਿ ਸਰਕਾਰ ਪ੍ਰਧਾਨ ਮੰਤਰੀ ਵੱਲੋਂ ਕੀਤੇ ਗਏ 15 ਲੱਖ ਰੁਪਏ ਦੇ ਵਾਅਦੇ ਨੂੰ ਪੂਰਾ ਕਰਨ ਦੀ ਯੋਜਨਾ ਬਣਾ ਰਹੀ ਹੈ। ਕੇਰਲ ਦੇ ਮੁਨਾਰ ਵਿਚ ਚਾਹ ਦੇ ਬਗਾਨਾਂ ‘ਚ ਕੰਮ ਕਰਨ ਵਾਲੇ ਹਜ਼ਾਰਾਂ ਲੋਕ ਦਿਹਾੜੀਦਾਰ ਹਨ। ਇੱਥੋਂ ਦੇ ਮਜ਼ਦੂਰ ਖਾਤਾ ਖੁਲਵਾਉਣ ਲਈ ਮੁਨਾਰ ਪੋਸਟ ਆਫਿਸ ਦੇ ਬਾਹਰ ਜਮ੍ਹਾਂ ਹੋ ਗਏ ਹਨ।
ਇਸੇ ਦੌਰਾਨ ਭਾਰੀ ਗਿਣਤੀ ਵਿਚ ਲੋਕ ਅਪਣੇ ਸਾਰੇ ਕੰਮ ਛੱਡ ਕੇ ਡਾਕਖਾਨੇ ਦੇ ਬਾਹਰ ਲਾਈਨਾਂ ਵਿਚ ਖੜੇ ਹੋਏ ਹਨ। ਨਤੀਜਾ ਇਹ ਰਿਹਾ ਕਿ ਸਿਰਫ਼ ਮੁਨਾਰ ਡਾਕਖਾਨੇ ਵਿਚ ਹੀ ਪਿਛਲੇ 3 ਦਿਨਾਂ ਵਿਚ 1050 ਤੋਂ ਜ਼ਿਆਦਾ ਖਾਤੇ ਖੋਲੇ ਗਏ। ਇਸ ਤੋਂ ਪਹਿਲਾਂ ਵੀ ਅਜਿਹੀਆਂ ਖ਼ਬਰਾਂ ਕਾਫ਼ੀ ਵਾਇਰਲ ਹੋ ਰਹੀਆਂ ਹਨ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।