ਐਨਆਈਏ ਨੇ ਮੀਰਵਾਇਜ਼ ਨੂੰ ਤੀਜਾ ਨੋਟਿਸ ਭੇਜਕੇ ਉਨ੍ਹਾਂ ਨੂੰ ਅੱਠ ਅਪ੍ਰੈਲ ਨੂੰ ਦਿੱਲੀ ਵਿਚ ਏਜੰਸੀ ਦੇ ਸਾਹਮਣੇ ਪੇਸ਼ ਹੋਣ ਨੂੰ ਕਿਹਾ
ਨਵੀਂ ਦਿੱਲੀ-ਵੱਖਵਾਦੀ ਨੇਤਾ ਮੀਰਵਾਇਜ਼ ਉਮਰ ਫਾਰੂਕ ਨੂੰ ਅਤਿਵਾਦੀਆਂ ਨੂੰ ਪੈਸਾ ਉਪਲੱਬਧ ਕਰਵਾਉਣ ਨਾਲ ਜੁੜੇ ਇੱਕ ਮਾਮਲੇ ਵਿਚ ਪੁੱਛਗਿਛ ਲਈ ਰਾਸ਼ਟਰੀ ਜਾਂਚ ਏਜੰਸੀ (ਐਨਆਈਏ) ਦੇ ਸਾਹਮਣੇ ਦਿੱਲੀ ਵਿਚ ਪੇਸ਼ ਹੋਣ ਦਾ ਫੈਸਲਾ ਸੁਣਾਇਆ ਗਿਆ ਹੈ। ਇਸ ਗੱਲ ਦੀ ਜਾਣਕਾਰੀ ਹੁਰੀਅਤ ਦੇ ਇੱਕ ਬੁਲਾਰੇ ਨੇ ਦਿੱਤੀ। ਐਨਆਈਏ ਨੇ ਹਾਲ ਹੀ ਵਿਚ ਮੀਰਵਾਇਜ਼ ਨੂੰ ਤੀਜਾ ਨੋਟਿਸ ਭੇਜਕੇ ਉਨ੍ਹਾਂ ਨੂੰ ਅੱਠ ਅਪ੍ਰੈਲ ਨੂੰ ਦਿੱਲੀ ਵਿਚ ਏਜੰਸੀ ਦੇ ਸਾਹਮਣੇ ਪੇਸ਼ ਹੋਣ ਨੂੰ ਕਿਹਾ ਸੀ। ਇਸ ਤੋਂ ਪਹਿਲਾਂ ਐਨਆਈਏ ਦੁਆਰਾ ਭੇਜੇ ਗਏ ਦੋ ਨੋਟਿਸਾਂ ਦਾ ਜਵਾਬ ਦਿੰਦੇ ਹੋਏ ਉਨ੍ਹਾਂ ਨੇ ਦਿੱਲੀ ਦਾ ਦੌਰਾ ਕਰਨ ਵਿਚ ਸੁਰੱਖਿਆ ਸਬੰਧੀ ਚਿੰਤਾ ਜਾਹਰ ਕੀਤੀ ਸੀ।
National Investigation Agency
ਮੀਰਵਾਇਜ਼ ਦੇ ਅਗਵਾਈ ਵਾਲੇ ਹੁਰੀਅਤ ਗਰੁੱਪ ਦੇ ਇੱਕ ਬੁਲਾਰੇ ਨੇ ਕਿਹਾ ਕਿ ਮੀਰਵਾਇਜ਼ ਪੁੱਛਗਿਛ ਲਈ ਦਿੱਲੀ ਜਾਣਗੇ ਅਤੇ ਪ੍ਰੋਫੈਸਰ ਅਬਦੁਲ ਗਨੀ ਭੱਟ, ਬਿਲਾਲ ਗਨੀ ਲੋਨ ਅਤੇ ਮਸਰੂਰ ਅੰਸਾਰੀ ਸਮੇਤ ਹੁਰੀਅਤ ਕਾਰਜਕਾਰੀ ਦੇ ਮੈਂਬਰ ਉਨ੍ਹਾਂ ਦੇ ਨਾਲ ਹੋਣਗੇ। ਵਾਰ-ਵਾਰ ਕੋਸ਼ਿਸ਼ ਕਰਨ ਦੇ ਬਾਵਜੂਦ ਐਨਆਈਏ ਨੇ ਸ਼੍ਰੀਨਗਰ ਵਿਚ ਪੁੱਛਗਿਛ ਕਰਨ ਦੀ ਮੰਗ ਖਾਰਜ਼ ਕਰ ਦਿੱਤੀ। ਏਜੰਸੀ ਨੇ ਕਿਹਾ ਕਿ ਉਹ ਮੀਰਵਾਇਜ਼ ਦੀ ਸੁਰੱਖਿਆ ਦਾ ਧਿਆਨ ਰੱਖੇਗੀ।
ਇਕ ਬੁਲਾਰੇ ਨੇ ਕਿਹਾ, ਇਹ ਬਹੁਤ ਬੁਰੀ ਗੱਲ ਹੈ ਕਿ ਉਹ ਦਿੱਲੀ ਵਿਚ ਪੁੱਛਗਿਛ ਉੱਤੇ ਜ਼ੋਰ ਦੇ ਰਹੇ ਹਨ। ਹੁਰੀਅਤ ਕਾਰਜਕਾਰੀ ਦੀ ਬੈਠਕ ਵਿਚ ਫੈਸਲਾ ਕੀਤਾ ਗਿਆ ਕਿ ਮੀਰਵਾਇਜ਼ ਦੇ ਨਾਲ ਕਾਰਜਕਾਰੀ ਦੇ ਮੈਂਬਰ ਨਵੀਂ ਦਿੱਲੀ ਜਾਣਗੇ। ਉਨ੍ਹਾਂ ਨੇ ਕਿਹਾ, ਮੀਰਵਾਇਜ਼ ਨੂੰ ਪਰੇਸ਼ਾਨ ਕੀਤੇ ਜਾਣ ਤੇ ਲੋਕਾਂ ਵਿਚ ਭਾਰੀ ਗੁੱਸਾ ਹੈ। ਹਾਲਾਂਕਿ ਮੀਰਵਾਇਜ਼ ਦੀ ਅਗਵਾਈ ਵਿਚ ਹੁਰੀਅਤ ਬੁਲਾਰੇ ਨੇ ਲੋਕਾਂ ਵਿਚ ਸ਼ਾਂਤੀ ਬਣਾਏ ਰੱਖਣ ਦੀ ਅਪੀਲ ਕੀਤੀ ਹੈ।
