ਵਿਦੇਸ਼ ਦੀ ਧਰਤੀ 'ਤੇ ਅਕਸਰ ਪੰਜਾਬੀਆਂ ਨਾਲ ਉਥੋਂ ਦੇ ਵਸਨੀਕਾਂ ਵੱਲੋਂ ਅਕਸਰ ਹੀ ਧੱਕੇਸ਼ਾਹੀ ਜਾਂ ਮਾਰਕੁੱਟ ਦੇ ਮਾਮਲੇ ਸਾਹਮਣੇ ਆਉਂਦੇ ਰਹਿੰਦੇ ਹਨ।
ਰੋਪੜ, ਪੰਜਾਬ, ਵਿਦੇਸ਼ ਦੀ ਧਰਤੀ 'ਤੇ ਅਕਸਰ ਪੰਜਾਬੀਆਂ ਨਾਲ ਉਥੋਂ ਦੇ ਵਸਨੀਕਾਂ ਵੱਲੋਂ ਅਕਸਰ ਹੀ ਧੱਕੇਸ਼ਾਹੀ ਜਾਂ ਮਾਰਕੁੱਟ ਦੇ ਮਾਮਲੇ ਸਾਹਮਣੇ ਆਉਂਦੇ ਰਹਿੰਦੇ ਹਨ। ਪੀਡਬਲਿਊਡੀ ਤੋਂ ਰਿਟਾਇਰਡ ਐਕਸ ਈ ਐਨ ਅਤੇ ਰੋਟਰੀ ਕਲੱਬ ਦੇ ਪ੍ਰਧਾਨ ਰਹੇ ਅਮਰਜੀਤ ਸਿੰਘ ਭਟਨਾਗਰ (73) ਦੀ ਕੈਨੇਡਾ ਦੇ ਬਰੈਂਪਟਨ (ਓਂਟਾਰੀਓ) ਵਿਚ 2 ਨਿਗਰੋਆਂ ਦੇ ਨਾਲ ਹੱਥੋਪਾਈ ਦੌਰਾਨ ਮੌਤ ਹੋ ਗਈ।
ਦੱਸ ਦਈਏ ਕਿ ਇਹ ਕੋਈ ਪਹਿਲਾ ਮਸਲਾ ਨਹੀਂ ਹੈ ਜਿਸ ਵਿਚ ਕਿਸੇ ਭਾਰਤੀ ਦੀ ਜਾਨ ਉਥੋਂ ਦੇ ਮੂਲ ਨਿਵਾਸੀਆਂ ਹੱਥੋਂ ਜਾਨ ਗਈ ਹੋਵੇ। ਦੱਸ ਦਈਏ ਕਿ ਅਮਰਜੀਤ ਸਿੰਘ ਭਟਨਾਗਰ ਰੋਪੜ ਦੇ ਰਹਿਣ ਵਾਲੇ ਸਨ। ਵਿਦੇਸ਼ ਦੀ ਧਰਤੀ ਤੇ ਕਦੇ ਵਿਦਿਆਰਥੀਆਂ ਦੀ ਕਦੇ ਬਜ਼ੁਰਗਾਂ ਦੀ ਅਣਪਛਾਤੇ ਲੋਕਾਂ ਵੱਲੋਂ ਰਹੱਸਮਈ ਤਰੀਕੇ ਨਾਲ ਮੌਤ ਦੀਆਂ ਖ਼ਬਰਾਂ ਅਫ਼ਸੋਸ ਦਾ ਵਿਸ਼ਾ ਬਣਿਆ ਹੋਇਆ ਹੈ।
ਰੋਪੜ ਦੇ ਰਹਿਣ ਵਾਲੇ ਅਮਰਜੀਤ ਸਿੰਘ ਭਟਨਾਗਰ 19 ਅਪ੍ਰੈਲ ਨੂੰ ਵੱਡੇ ਬੇਟੇ ਜਸਪਿੰਦਰ ਸਿੰਘ ਦੇ ਕੋਲ ਕੈਨੇਡਾ ਗਏ ਸਨ। ਉਨ੍ਹਾਂ ਦੇ ਛੋਟੇ ਬੇਟੇ ਅਰਵਿੰਦਰ ਨੇ ਦੱਸਿਆ ਕਿ 12 ਜੂਨ ਦੀ ਰਾਤ ਉਨ੍ਹਾਂ ਦੇ ਪਿਤਾ ਅਤੇ ਭਰਾ ਸੈਰ ਉੱਤੇ ਨਿਕਲੇ ਸਨ। ਇਸ ਦੌਰਾਨ ਦੋ ਨੀਗਰੋ ਜਸਪਿੰਦਰ ਕੋਲੋਂ ਮੋਬਾਇਲ ਫੋਨ ਖੋਹ ਕਿ ਭੱਜਣ ਹੀ ਲੱਗੇ ਸਨ ਕਿ ਅਮਰਜੀਤ ਸਿੰਘ ਨੇ ਉਨ੍ਹਾਂ ਨੂੰ ਰੋਕਣ ਲਈ ਉਨ੍ਹਾਂ ਨੂੰ ਜੱਫਾ ਮਾਰ ਲਿਆ। ਪਰ ਅਮਰਜੀਤ ਸਿੰਘ ਬਜ਼ੁਰਗ ਹੁੰਦੇ ਹੋਏ ਕਿੰਨੀ ਦੇਰ ਉਨ੍ਹਾਂ ਦਾ ਮੁਕਾਬਲਾ ਕਰ ਸਕਦੇ ਸਨ।
ਬਦਮਾਸ਼ਾਂ ਨੇ ਅਮਰਜੀਤ ਸਿੰਘ ਨੂੰ ਧੱਕੇ ਮਾਰੇ ਅਤੇ ਉਨ੍ਹਾਂ 'ਤੇ ਹੱਥ ਵੀ ਚੁੱਕਿਆ। ਇੱਕ ਧੱਕਾ ਜ਼ੋਰ ਨਾਲ ਵੱਜਣ ਕਾਰਨ ਅਮਰਜੀਤ ਸਿੰਘ ਜ਼ਮੀਨ 'ਤੇ ਗਿਰ ਗਏ ਅਤੇ ਉਨ੍ਹਾਂ ਦਾ ਸਿਰ ਸੜਕ ਉੱਤੇ ਬਹੁਤ ਬੁਰੀ ਤਰ੍ਹਾਂ ਨਾਲ ਟਕਰਾਇਆ ਅਤੇ ਉਹ ਬੇਹੋਸ਼ ਹੋ ਗਏ। ਗੰਭੀਰ ਰੂਪ ਵਿਚ ਜ਼ਖਮੀ ਅਮਰਜੀਤ ਸਿੰਘ ਨੂੰ ਹਸਪਤਾਲ ਵਿਚ ਭਰਤੀ ਕਰਵਾਇਆ ਗਿਆ ਜਿਥੇ ਉਹ 2 ਦਿਨ ਇਲਾਜ ਅਧੀਨ ਰਹੇ। ਪਰ ਇਲਾਜ ਹੋਣ ਦੇ ਬਾਵਜੂਦ ਵੀ ਡਾਕਟਰਾਂ ਨੇ 14 ਜੂਨ ਨੂੰ ਉਨ੍ਹਾਂ ਨੂੰ ਮ੍ਰਿਤ ਘੋਸ਼ਿਤ ਕਰ ਦਿੱਤਾ।
ਦੱਸ ਦਈਏ ਕਿ ਇਸ ਮਾਮਲੇ ਵਿਚ ਇੱਕ ਦੋਸ਼ੀ ਨੂੰ ਪੁਲਿਸ ਨੇ ਗਿਰਫ਼ਤਾਰ ਕਰ ਲਿਆ ਹੈ। ਕੈਨੇਡਾ ਪੁਲਿਸ ਨੇ ਦੋਸ਼ੀਆਂ ਖਿਲਾਫ ਯੂਥ ਕਰਿਮਿਨਲ ਐਕਟ ਦੇ ਤਹਿਤ ਮਾਮਲਾ ਦਰਜ ਕੀਤਾ ਹੈ ਅਤੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ।