ਹਰਦੀਪ ਸਿੰਘ 2009 ਵਿਚ ਕਨੇਡਾ ਪੜ੍ਹਾਈ ਕਰਨ ਗਿਆ ਸੀ ਅਤੇ ਸਖ਼ਤ ਮਿਹਨਤ ਕਰ ਕੇ ਉਸ ਨੇ ਉੱਥੇ ਪੁਲਿਸ ਦੀ ਨੌਕਰੀ ਹਾਸਲ ਕੀਤੀ।

ਕਨੇਡਾ - ਕਨੇਡਾ ਵਿਚ ਭਾਰਤੀ ਮੂਲ ਦੇ ਇਕ ਪੁਲਿਸ ਅਧਿਕਾਰੀ ਦੀ ਮੌਤ ਹੋ ਗਈ ਹੈ। 27 ਸਾਲ ਦੇ ਹਰਦੀਪ ਸਿੰਘ ਕਨੇਡਾ ਦੇ ਵੈਨਕੂਵਰ ਵਿਚ ਪੁਲਿਸ ਵਿਭਾਗ ਵਿਚ ਨੌਕਰੀ ਕਰਦਾ ਸੀ ਅਤੇ ਉਸ ਦੀ ਅਚਾਨਕ ਮੌਤ ਹੋ ਗਈ। ਮ੍ਰਿਤਕ ਹਰਦੀਪ ਸਿੰਘ ਕੁੱਝ ਸਮੇਂ ਤੋਂ ਪੇਟ ਦੀ ਗੰਭੀਰ ਬਿਮਾਰੀ ਤੋਂ ਪੀੜਤ ਸੀ ਅਤੇ ਫਿਰ ਅਚਾਨਕ ਉਸ ਦੀ ਮੌਤ ਹੋ ਗਈ। ਪੰਜਾਬ ਦੇ ਸੰਗਰੂਰ ਦੇ ਭਵਾਨੀਗੜ੍ਹ ਸਬ ਡਵੀਜ਼ਨ ਦੇ ਖੇੜੀ ਗੀਲਾ ਪਿੰਡ ਵਿਚ ਵੱਡਾ ਹੋਇਆ 27 ਸਾਲ ਦਾ ਹਰਦੀਪ ਆਪਣੇ ਪਰਵਾਰ ਦਾ ਇਕਲੌਤਾ ਪੁੱਤਰ ਸੀ ਅਤੇ ਕਨੇਡਾ ਵਿਚ ਪੁਲਿਸ ਵਿਭਾਗ ਵਿਚ ਕੰਮ ਕਰਦਾ ਸੀ।

ਹਰਦੀਪ ਸਿੰਘ 2009 ਵਿਚ ਕਨੇਡਾ ਪੜ੍ਹਾਈ ਕਰਨ ਗਿਆ ਸੀ ਅਤੇ ਸਖ਼ਤ ਮਿਹਨਤ ਕਰ ਕੇ ਉਸ ਨੇ ਉੱਥੇ ਪੁਲਿਸ ਦੀ ਨੌਕਰੀ ਹਾਸਲ ਕੀਤੀ। ਹਾਲਾਂਕਿ ਪਿਛਲੇ ਕੁੱਝ ਸਮੇਂ ਤੋਂ ਉਹ ਪੇਟ ਦੀ ਬਿਮਾਰੀ ਕਾਰਨ ਕਾਫ਼ੀ ਪਰੇਸ਼ਾਨ ਸੀ। ਕਨੇਡਾ ਵਿਚ ਪੰਜਾਬ ਤੋਂ ਵੱਡੀ ਸੰਖਿਆ ਵਿਚ ਲੋਕ ਰਹਿੰਦੇ ਹਨ। ਕਈ ਪੰਜਾਬੀ ਲੋਕਾਂ ਨੇ ਉੱਥੇ ਵੱਡੀ ਸੰਖਿਆ ਵਿਚ ਰਾਜਨੀਤਿਕ ਰੁਝਾਨ ਵੀ ਬਣਾ ਲਿਆ ਸੀ। ਭਾਰਤ ਵਿਚ ਰਹਿਣ ਵਾਲੇ ਲੋਕਾਂ ਲਈ ਕਨੇਡਾ ਪ੍ਰਤੀ ਵੱਖਰਾ ਹੀ ਪਿਆਰ ਹੈ।